# КР Өкмөтүнүн 2021-жылдын 22-апрелиндеги № 163 "2021-жылдын 1-июнунан тартып 31-декабрына чейинки мезгилде транспорт каражаттарын мамлекеттик кайра каттоо боюнча улуттук кампанияны өткөрүү жөнүндө" токтому - Толук аталышы: КР Өкмөтүнүн 2021-жылдын 22-апрелиндеги № 163 "2021-жылдын 1-июнунан тартып 31-декабрына чейинки мезгилде транспорт каражаттарын мамлекеттик кайра каттоо боюнча улуттук кампанияны өткөрүү жөнүндө" токтому - Актынын түрү: Постановление - Номери: 163 - Кабыл алынган күнү: 22.04.2021 - Статусу: Күчүн жоготкон - Редакциянын күнү: 13.12.2023 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 13.12.2023 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2021-жылдын 22-апрелиндеги № 163 "2021-жылдын 1-июнунан тартып 31-декабрына чейинки мезгилде транспорт каражаттарын мамлекеттик кайра каттоо боюнча улуттук кампанияны өткөрүү жөнүндө" токтому (13.12.2023 редакциясы) - https://aqlex.ai/kg/doc/158230 --- Кыргыз Республикасынын Министрлер Кабинетинин 2023-жылдын 13-декабрындагы № 675 токтомуна ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2021-жылдын 22-апрели № 163 2021-жылдын 1-июнунан тартып 31-декабрына чейинки мезгилде транспорт каражаттарын мамлекеттик кайра каттоо боюнча улуттук кампанияны өткөрүү жөнүндө Кыргыз Республикасынын Президентинин 2021-жылдын 8-февралындагы № 27 "Калкка мамлекеттик жана муниципалдык кызмат көрсөтүүлөрдүн жеткиликтүүлүгүн жана сапатын жогорулатуу боюнча андан аркы чаралар жөнүндө" Жарлыгын аткаруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын Юстиция министрлигине караштуу Мамлекеттик каттоо кызматы: - 2021-жылдын 1-июнунан тартып 31-декабрына чейинки мезгилде жеке жана юридикалык жактардын транспорт каражаттарын жыйымдын нөлдүк ставкасы менен мамлекеттик кайра каттоо боюнча улуттук кампанияны өткөрсүн; - аталган мөөнөттө транспорт каражаттарын мамлекеттик кайра каттоо боюнча улуттук кампанияны өткөрүү жөнүндө маалыматтык кампанияны жалпыга маалымдоо каражаттарында жана Интернет-ресурстарында уюштурсун. 2. 2021-жылдын 1-июнунан тартып 31-декабрына чейин транспорт каражаттарын мамлекеттик кайра каттоо боюнча улуттук кампанияны өткөрүү мезгилинде: - жеке жана юридикалык жактардын транспорт каражаттарын мамлекеттик кайра каттоо үчүн жыйымдын ставкасы нөл пайыздык өлчөмдө белгиленсин; - транспорт каражаттарын кайра каттоо үчүн алынган жыйымдын өлчөмү боюнча Кыргыз Республикасынын Өкмөтүнүн 2017-жылдын 23-июнундагы № 407 токтому менен бекитилген Транспорт каражаттарын, түзүлүштөрдү жана жабдууларды, ошондой эле аларга карата менчик укуктарын мамлекеттик каттоо, кайра каттоо эрежелеринин 68-пунктун колдонуу токтотулсун. 3. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн. 4. Ушул токтом расмий жарыяланган күндөн тартып күчүнө кирет. Кыргыз Республикасынын Премьер-министри У.Марипов