КР Өкмөтүнүн «Кыргыз Республикасынын Өкмөтүнүн 2020-жылдын 14-февралындагы № 81 «Айыл чарбасын каржылоо - 8» долбоорун бекитүү жөнүндө» токтомуна өзгөртүү киргизүү тууралуу» токтому

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2020-жылдын 9-июлу № 370 Кыргыз Республикасынын Өкмөтүнүн 2020-жылдын 14-февралындагы № 81 "Айыл чарбасын каржылоо - 8" долбоорун бекитүү жөнүндө" токтомуна өзгөртүү киргизүү тууралуу "Айыл чарбасын каржылоо - 8" долбоорунун кредиттик каражаттарын натыйжалуу пайдалануу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2020-жылдын 14-февралындагы № 81 "Айыл чарбасын каржылоо - 8" долбоорун бекитүү жөнүндө" токтомуна төмөнкүдөй өзгөртүү киргизилсин:

аталган токтом менен бекитилген "Айыл чарбасын каржылоо - 8" долбоорунда:

- 1-главасынын таблицасынын "Каржылоо түзүмү" сабы төмөнкүдөй редакцияда баяндалсын:

"

Каржылоо түзүмү

1. Кыргыз Республикасынын Финансы министрлиги тарабынан каржылануучу жана "Айыл Банк" ААК менен "РСК Банк" ААК тарабынан кошо каржылануучу каражаттар төмөнкүлөргө кредит берүүгө багытталат:

1) тамак-аш жана кайра иштетүү өнөр жайы ишканаларына жана "АЧК - Кластер" - 1200 млн. сом (600 млн. сом - республикалык бюджет, 300 млн. сомдон - банктардын кошо каржылоосу);

2) данды жана азык-түлүк буудайын кайра иштетүүчү ишканалар - 400,0 млн. сом (республикалык бюджет)

2. "АЧК - Фермер" категориясы (субсидиялоо):

1) мал чарбасы - 50%дан кем эмес;

2) өсүмдүк өстүрүү, бак өстүрүү - 50%дан ашык эмес

".

2. Ушул токтом расмий жарыяланган күндөн тартып күчүнө кирет.

"Эркин Тоо" газетасынын 2020-жылдын 28-июлундагы № 59 (3131) жарыяланды

Премьер-министр

К.А. Боронов