# КР Өкмөтүнүн 2020-жылдын 26-августундагы № 450 "Кыргыз Республикасынын Өкмөтүнүн 2018-жылдын 16-майындагы № 236 "Кыргыз Республикасынын чет өлкөдө кайтыш болгон жарандарынын сөөгүн Кыргыз Республикасына жеткирүү менен байланышкан чыгымдарды компенсациялоо боюнча чаралар жөнүндө" токтомуна өзгөртүү киргизүү тууралуу" токтому

- Толук аталышы: КР Өкмөтүнүн 2020-жылдын 26-августундагы № 450 "Кыргыз Республикасынын Өкмөтүнүн 2018-жылдын 16-майындагы № 236 "Кыргыз Республикасынын чет өлкөдө кайтыш болгон жарандарынын сөөгүн Кыргыз Республикасына жеткирүү менен байланышкан чыгымдарды компенсациялоо боюнча чаралар жөнүндө" токтомуна өзгөртүү киргизүү тууралуу" токтому
- Актынын түрү: Постановление
- Номери: 450
- Кабыл алынган күнү: 26.08.2020
- Статусу: Күчүндө
- Редакциянын күнү: 26.08.2020
- Тексттин тили: кыргыз тили
- aqlex'теги барагы: <https://aqlex.ai/kg/doc/157698>
- Расмий булак: <https://cbd.minjust.gov.kg/7-20501/edition/1035585/ru>
- Башка тилдеги тексти (Markdown): <https://aqlex.ai/doc/157698.md>

> Текст расмий булактын маалыматы боюнча 26.08.2020 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2020-жылдын 26-августундагы № 450 "Кыргыз Республикасынын Өкмөтүнүн 2018-жылдын 16-майындагы № 236 "Кыргыз Республикасынын чет өлкөдө кайтыш болгон жарандарынын сөөгүн Кыргыз Республикасына жеткирүү менен байланышкан чыгымдарды компенсациялоо боюнча чаралар жөнүндө" токтомуна өзгөртүү киргизүү тууралуу" токтому (26.08.2020 редакциясы) - https://aqlex.ai/kg/doc/157698

---

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2020-жылдын 26-августу № 450 Кыргыз Республикасынын Өкмөтүнүн 2018-жылдын 16-майындагы № 236 "Кыргыз Республикасынын чет өлкөдө кайтыш болгон жарандарынын сөөгүн Кыргыз Республикасына жеткирүү менен байланышкан чыгымдарды компенсациялоо боюнча чаралар жөнүндө" токтомуна өзгөртүү киргизүү тууралуу Коронавирустук инфекциянын (COVID-19) жайылып жаткан мезгилинде жарандардын укуктарын ишке ашыруу үчүн шарттарды түзүү, Кыргыз Республикасынын чет өлкөдө кайтыш болгон жарандарынын сөөгүн Кыргыз Республикасына жеткирүү боюнча чыгымдарды компенсациялоо укуктарын жана берүү тартибин сактоо максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2018-жылдын 16-майындагы № 236 "Кыргыз Республикасынын чет өлкөдө кайтыш болгон жарандарынын сөөгүн Кыргыз Республикасына жеткирүү менен байланышкан чыгымдарды компенсациялоо боюнча чаралар жөнүндө" токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасынын чет өлкөдө кайтыш болгон жарандарынын сөөгүн репатриациялоо боюнча чыгымдарга бир жолку төлөм берүүнүн тартиби жөнүндө нускама:

- төмөндөкүдөй мазмундагы 81-пункту менен толукталсын:

"81. Кыргыз Республикасынын аймагында же анын айрым жерлеринде өзгөчө кырдаал режими жана/же өзгөчө абал режими киргизилген мезгилде бир жолку төлөмдү алуу үчүн МКБга арыз берүү мөөнөтү режим аяктаганга чейин узартылат. Кыргыз Республикасынын жарандарынын сөөгүн жеткирүүгө байланышкан чыгымдар үчүн бир жолку компенсация алуу ниетин билдирген жарандар Кыргыз Республикасынын аймагында же анын айрым жерлеринде өзгөчө кырдаал режими жана/же өзгөчө абал режими жокко чыгарылган күндөн тартып эки айдын аралыгында МКБга арыз берүүгө милдеттүү.".

2. Ушул токтом расмий жарыяланган күндөн тартып күчүнө кирет.

"Эркин Тоо" газетасынын 2020-жылдын 15-сентябрындагы № 77 (3041) жарыяланды

Премьер-министр

К.А. Боронов