# КР Өкмөтүнүн 2020-жылдын 16-июнундагы № 340 "Кыргыз Республикасынын Чүй облусундагы Ысык-Ата районунун Ивановка айыл аймагында жайгашкан жерлерди "Айыл чарба багытындагы жерлер" категориясынан "Өнөр жайдын, транспорттун, байланыштын, энергетиканын, коргонуунун жерлери жана башка багыттагы жерлер" категориясына которуу (трансформациялоо) жөнүндө

- Толук аталышы: КР Өкмөтүнүн 2020-жылдын 16-июнундагы № 340 "Кыргыз Республикасынын Чүй облусундагы Ысык-Ата районунун Ивановка айыл аймагында жайгашкан жерлерди "Айыл чарба багытындагы жерлер" категориясынан "Өнөр жайдын, транспорттун, байланыштын, энергетиканын, коргонуунун жерлери жана башка багыттагы жерлер" категориясына которуу (трансформациялоо) жөнүндө
- Актынын түрү: Постановление
- Номери: 340
- Кабыл алынган күнү: 16.06.2020
- Статусу: Күчүндө
- Редакциянын күнү: 16.06.2020
- Тексттин тили: кыргыз тили
- aqlex'теги барагы: <https://aqlex.ai/kg/doc/157665>
- Расмий булак: <https://cbd.minjust.gov.kg/7-20478/edition/1033134/ru>
- Башка тилдеги тексти (Markdown): <https://aqlex.ai/doc/157665.md>

> Текст расмий булактын маалыматы боюнча 16.06.2020 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2020-жылдын 16-июнундагы № 340 "Кыргыз Республикасынын Чүй облусундагы Ысык-Ата районунун Ивановка айыл аймагында жайгашкан жерлерди "Айыл чарба багытындагы жерлер" категориясынан "Өнөр жайдын, транспорттун, байланыштын, энергетиканын, коргонуунун жерлери жана башка багыттагы жерлер" категориясына которуу (трансформациялоо) жөнүндө (16.06.2020 редакциясы) - https://aqlex.ai/kg/doc/157665

---

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2020-жылдын 16-июну № 340 Кыргыз Республикасынын Чүй облусундагы Ысык-Ата районунун Ивановка айыл аймагында жайгашкан жерлерди "Айыл чарба багытындагы жерлер" категориясынан "Өнөр жайдын, транспорттун, байланыштын, энергетиканын, коргонуунун жерлери жана башка багыттагы жерлер" категориясына которуу (трансформациялоо) жөнүндө Кыргыз Республикасынын Чүй облусундагы Ысык-Ата районунун Ивановка айыл аймагынын калкын ичүүчү суу менен камсыздоо максатында, Кыргыз Республикасынын Жер кодексинин 4 жана 20-беренелерине, "Жер участокторун которуу (трансформациялоо) жөнүндө" Кыргыз Республикасынын Мыйзамынын 6-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык, Кыргыз Республикасынын Өкмөтүнүн Чүй облусундагы ыйгарым укуктуу өкүлүнүн 2020-жылдын 26-февралындагы № ЭА-05-177 корутундусун, Чүй облусунун Ысык-Ата райондук мамлекеттик администрациясынын 2020-жылдын 20-февралындагы № 40-б буйругун эске алуу менен Кыргыз Республикасынын Өкмөтү токтом кылат:

1. Кыргыз Республикасынын Чүй облусундагы Ысык-Ата районунун Ивановка айыл аймагындагы № 1120 контурда жайгашкан, мамлекеттик менчикте турган 0,70 га жайыт жерлер "Айыл чарба багытындагы жерлер" категориясынан "Өнөр жайдын, транспорттун, байланыштын, энергетиканын, коргонуунун жерлери жана башка багыттагы жерлер" категориясына скважина бургулоо жана суу алуу мунарасын куруу үчүн которулсун.

2. Кыргыз Республикасынын Чүй облусундагы Ысык-Ата райондук мамлекеттик администрациясы төмөнкүлөрдү камсыздасын:

- жерди эсепке алуу документтерине тиешелүү өзгөртүүлөрдү киргизүүнү;

- Кыргыз Республикасынын мыйзамдарына ылайык ушул токтомдун 1-пунктунда аталган жерлердин шаар куруу документтерин иштеп чыгууну жана бекитүүнү;

- Кыргыз Республикасынын Өкмөтүнүн 2016-жылдын 5-январындагы № 1 "Айыл чарба өндүрүшүнүн жоготууларынын ордун толтуруунун наркынын ченемдерин бекитүү жана алардын ордун толтуруу тартибинде келип түшкөн каражаттарды пайдалануу жөнүндө" токтомуна ылайык айыл чарба өндүрүшүнүн жоготууларынын жана алынбай калган пайданын ордун толтуруу наркынын суммасын төлөөнү;

- ушул токтомдун 1-пунктунда көрсөтүлгөн жерлерди максаттуу багыты боюнча пайдаланууну.

3. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн.

4. Ушул токтом расмий жарыяланган күндөн тартып он беш күн өткөндөн кийин күчүнө кирет.

"Эркин Тоо" газетасынын 2020-жылдын 17-июлундагы № 56 (3128) жарыяланды

Премьер-министрдин милдетин аткаруучу, биринчи вице-премьер-министр

К.А. Боронов