# КР Өкмөтүнүн 2019-жылдын 27-августундагы № 432 "Кыргыз Республикасынын аймагын өсүмдүктөрдүн карантиндик зыяндуу организмдери боюнча фитосанитардык зоналаштыруу эрежелерин бекитүү жөнүндө" токтому

- Толук аталышы: КР Өкмөтүнүн 2019-жылдын 27-августундагы № 432 "Кыргыз Республикасынын аймагын өсүмдүктөрдүн карантиндик зыяндуу организмдери боюнча фитосанитардык зоналаштыруу эрежелерин бекитүү жөнүндө" токтому
- Актынын түрү: Постановление
- Номери: 432
- Кабыл алынган күнү: 27.08.2019
- Статусу: Күчүндө
- Редакциянын күнү: 27.08.2019
- Тексттин тили: кыргыз тили
- aqlex'теги барагы: <https://aqlex.ai/kg/doc/157032>
- Расмий булак: <https://cbd.minjust.gov.kg/7-19997/edition/970656/ru>
- Башка тилдеги тексти (Markdown): <https://aqlex.ai/doc/157032.md>

> Текст расмий булактын маалыматы боюнча 27.08.2019 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: КР Өкмөтүнүн 2019-жылдын 27-августундагы № 432 "Кыргыз Республикасынын аймагын өсүмдүктөрдүн карантиндик зыяндуу организмдери боюнча фитосанитардык зоналаштыруу эрежелерин бекитүү жөнүндө" токтому (27.08.2019 редакциясы) - https://aqlex.ai/kg/doc/157032

---

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2019-жылдын 27-августу № 432 Кыргыз Республикасынын аймагын өсүмдүктөрдүн карантиндик зыяндуу организмдери боюнча фитосанитардык зоналаштыруу эрежелерин бекитүү жөнүндө Кыргыз Республикасынын аймагынын фитосанитардык коопсуздугун камсыз кылуу жана тоскоолдуксуз эл аралык соода үчүн шарттарды түзүү, "Өсүмдүктөрдүн карантини жөнүндө" Кыргыз Республикасынын Мыйзамынын 5-беренесин ишке ашыруу максатында, 2016-жылдын 30-ноябрындагы № 157 Евразия экономикалык комиссиясынын Кеңешинин чечими менен бекитилген, Евразия экономикалык бирлигинин бажы чек арасында жана бажы аймагында карантинге алынуучу продукцияларга жана карантинге алынуучу объекттерге карата коюлуучу Бирдиктүү карантиндик фитосанитардык талаптарды жетекчиликке алып, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ:

1. Кыргыз Республикасынын аймагын өсүмдүктөрдүн карантиндик зыяндуу организмдери боюнча фитосанитардык зоналаштыруу эрежелери тиркемеге ылайык бекитилсин.

2. Кыргыз Республикасынын Айыл чарба, тамак-аш өнөр жайы жана мелиорация министрлиги Кыргыз Республикасынын аймагын өсүмдүктөрдүн карантиндик зыяндуу организмдери боюнча фитосанитардык зоналаштыруу боюнча иш-чаралардын планын иштеп чыксын жана бекитсин.

3. Ушул токтом расмий жарыяланган күндөн тартып жети күн өткөндөн кийин күчүнө кирет.

4. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн.

Кыргыз Республикасынын Премьер-министри

М. Абылгазиев