# 1-статья - Документ: [О внесении дополнений в Уголовный кодекс Кыргызской Республики](https://aqlex.ai/kg/doc/1498) - Актынын түрү: Закон - Номери: 99 - Кабыл алынган күнү: 26.07.2004 - Статусу: Күчүн жоготкон - Редакциянын күнү: 24.01.2017 - Күчүн жоготуунун негизи: [Закон КР от 24 января 2017 года № 10 "О введении в действие Уголовного кодекса Кыргызской Республики, Кодекса Кыргызской Республики о проступках, Уголовно-процессуального кодекса Кыргызской Республики, Уголовно-исполнительного кодекса Кыргызской Республики, Закона Кыргызской Республики "Об основах амнистии и порядке ее применения"](https://aqlex.ai/kg/doc/111703) - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 24.01.2017 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: О внесении дополнений в Уголовный кодекс Кыргызской Республики, 1-статья (24.01.2017 редакциясы) - https://aqlex.ai/kg/doc/1498/st-1 --- Кыргыз Республикасынын Кылмыш-жаза кодексине (Кыргыз Республикасынын Жогорку Кеңешинин Ведомосттору, 1998-ж., N 7, 229-ст.) төмөндөгүдөй толуктоолор киргизилсин: 1. 61-статья төмөндөгүдөй мазмундагы эскертүү менен толукталсын: "Эскертүү. Алдын-ала камакка алуу - соттун өкүмү күчүнө киргенге чейин тыюу салуу чарасы катары кайтарууга алып камакка алуу.". 2. 137-статья төмөндөгүдөй мазмундагы эскертүү менен толукталсын: "Эскертүү. Бул статьяда, ошондой эле ушул Кодекстин башка статьяларында имарат-жай деп турак үйлөр, ошондой эле турак жай фондуна кирген жана туруктуу же убактылуу жашоого арналган ар кандай менчик формасындагы башка курулмалардагы турак жай башпааналары түшүндүрүлөт.". 3. 246-статьянын эскертүүсү төмөндөгүдөй мазмундагы экинчи абзац менен толукталсын: "Бул статьяда, ошондой эле ушул Кодекстин башка статьялары боюнча баңгилик каражаттардын жана психотроптук заттардын ири өлчөмү "Баңгилик каражаттар, психотроптук заттар жана прекурсорлор жөнүндө" Кыргыз Республикасынын Мыйзамына ылайык мыйзамсыз жүгүртүүдөн же сактоодон табылган алардын анча чоң эмес, чоң жана өтө чоң өлчөмдөрү тиешелүү ыйгарым укуктуу орган тарабынан бекитилүүчү Баңгилик каражаттардын, психотроптук жана катуу таасир кылуучу заттардын тизмеги менен аныкталат.". 4. 399-статья төмөндөгүдөй мазмундагы эскертүү менен толукталсын: "Эскертүү. Кайсы бир адам өзүнүн күйөөсү (аялы) же жакын тууганы тарабынан жасалган кылмышты убадалапшай жаап-жашырганы үчүн жазык жоопкерчилигине тартылууга тийиш эмес.". --- Кийинки берене: [2-статья](https://aqlex.ai/kg/doc/1498/st-2)