2-статья. Ушул Мыйзамды колдонуунун максаттары жана принциптери

1. Ата мекендик өндүрүүчүлөрдүн таламдарын коргоо жана Кыргыз Рес-

публикасынын экономикасынын тийиштүү тармактарына келтирилүүчү олуттуу

зыянды же олуттуу зыян коркунучун четтетүү ушул Мыйзамдын максаты болуп

саналат.

2. Коргоо чаралары ата мекендик өндүрүүчүлөргө, олуттуу зыян кел-

тирилген же мындай зыян келтирүү коркунучу түзүлгөн шартта гана ыйгарым

укуктуу орган тарабынан колдонулат.

3. Коргоо чаралары териштирүүнүн жол-жобосу ушул Мыйзамга ылайык

так жүргүзүлгөндө гана колдонулушу мүмкүн.

4. Коргоо чаралары жөнөтүлүүчү товарга карата ал ташылып келинген

жерине карабастан колдонулат.

5. Коргоо чаралары катары ушул Мыйзамда саналып көрсөтүлгөн чара-

лар гана пайдаланылышы мүмкүн. Коргоо чаралары катары жөнөтүүлөрдү өзү

белгилегендей чектөө боюнча аракеттер, рынокторду жөнгө салуу жөнүндө

макулдашуулар же сатып өткөрүүнү жөнгө салуу боюнча башка аракеттер,

бааларга контроль киргизүү жана башка ушул сыяктуу чаралар пайдаланылы-

шы мүмкүн эмес.