18-статья. Убактылуу коргоо чараларын колдонуу

1. Убактылуу коргоо чаралары териштирүү жүргүзүлгөн товар үчүн

атайын бажы алымын белгилөө түрүндө колдонулат.

2. Убактылуу коргоо чаралары бажы органдары тарабынан Кыргыз Рес-

публикасынын Өкмөтүнүн токтомунун негизинде ыйгарым укуктуу орган олут-

туу зыяндын же анын коркунучунун бар экендиги жөнүндө алдын ала ыраста-

ган аныктамасын чыгаргандан кийин колдонулат.

3. Убактылуу коргоо чараларын колдонуу жөнүндө кабар алар колдо-

нулганга чейин 20 күн мурда бардык таламдаш тараптарга жана алардын

өлкөлөрүнүн расмий өкүлдөрүнө жиберилүүгө тийиш. Кабарлагандан кийин 10

күндүн ичинде териштирүүгө алынган жактар убактылуу коргоо чараларын

колдонуунун негиздерине карата кат жүзүндө сын-пикирлерин билдирүүгө

укуктуу.

4. Убактылуу коргоо чараларынын өлчөмү болжолдонгон же белгиленген

олуттуу зыяндын алдын ала белгиленген жалпы суммасынан ашпоого тийиш,

бирок ата мекендик өндүрүүчүлөргө же Кыргыз Республикасынын экономика-

сына келтирилген зыянды четтетүү үчүн мындан аз сумма жетиштүү болсо,

мындай суммадан азыраак болушу да мүмкүн.