8-статья. Демпингдин жана зыяндын бар фактысын текшерүү жөнүндө

арыз

1. Демпингдин жана зыяндын бар фактысын текшерүү тууралу арыз ата

мекендик өндүрүүчүлөр тарабынан же алардын атынан кат жүзүндө ыйгарым

укуктуу органга берилет.

2. Арыз төмөндөгүдөй маалыматтарды камтууга тийиш:

- арыз берүүчүнүн, арыз берүүчүлөрдүн (мындан ары - арыз берүүчү)

аты, арыз берүүчүнүн товар чыгарышы жөнүндө маалыматтар (көлөмү жана

баасы), ошондой эле ата мекендик өндүрүүчүлөр тарабынан арыз берүүчүгө

белгилүү ушул сыяктуу товарды өндүрүп жаткандыгы тууралу маалыматтар;

- товардын сүрөттөлүшү, экспорттолгон же келип чыккан өлкөнүн аты,

Кыргыз Республикасынын бажылык аймагына бул товарды белгилүү чет

өлкөлүк экспорттоочулар жана өндүрүүчүлөр, импорттоочулар, ошол товар-

дын сапаттык мүнөздөмөлөрү тууралу маалыматтар;

- экспорттолгон же келип чыккан өлкөлөрдүн рынокторунда ошол товар

сатылып жаткан баалар, экспорттук баалар тууралуу, ошондой эле бул сы-

яктуу товарга ички рыноктогу баалар тууралу;

- демпингдик товарды тапшыруунун көлөмүнүн динамикасы, ички рынок-

то мындай товарлардын баасына анын таасири жана мындай товарды тапшыру-

унун зыяндуу кесепеттери жөнүндө.

3. Эгерде ыйгарым укуктуу орган арыз берүүчүгө кат жүзүндө билди-

рип, андагы берилген маалыматтардын жетиштүү экендигин тааныса, арыз

кабыл алынды деп эсептелинет. Териштирүү жүргүзүү башталганга чейин ый-

гарым укуктуу орган экспорттоочу өлкөнүн өкмөтүн кабарландырууга тийиш.

Эгерде ыйгарым укуктуу орган маалымат жетишсиз деп эсептесе, ал

бул жөнүндө арыз берүүчүгө 10 күндүк мөөнөттө билдирүүгө жана ага

өзүнүн арызын өзгөртүүгө же толуктоого мүмкүнчүлүк берүүгө тийиш.

Эгерде арыз берүүчү өзүнүн арызын өзгөртсө же толуктаса, арызды

кароонун мөөнөтү толуктоолорду же өзгөртүүлөрдү алган күндөн тартып

башталат.