# Ош шаардык кеңешинин 2022-жылдын 15-июнундагы № 50 "Муниципалдык аймактык башкармалыктардын аткарып жаткан иштеринин натыйжалуулугу жөнүндө" токтому

- Толук аталышы: Ош шаардык кеңешинин 2022-жылдын 15-июнундагы № 50 "Муниципалдык аймактык башкармалыктардын аткарып жаткан иштеринин натыйжалуулугу жөнүндө" токтому
- Актынын түрү: Постановление
- Номери: 50
- Кабыл алынган күнү: 15.06.2022
- Статусу: Күчүндө
- Редакциянын күнү: 15.06.2022
- Тексттин тили: кыргыз тили
- aqlex'теги барагы: <https://aqlex.ai/kg/doc/133506>
- Расмий булак: <https://cbd.minjust.gov.kg/10-9858/edition/1178917/ru>
- Башка тилдеги тексти (Markdown): <https://aqlex.ai/doc/133506.md>

> Текст расмий булактын маалыматы боюнча 15.06.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Ош шаардык кеңешинин 2022-жылдын 15-июнундагы № 50 "Муниципалдык аймактык башкармалыктардын аткарып жаткан иштеринин натыйжалуулугу жөнүндө" токтому (15.06.2022 редакциясы) - https://aqlex.ai/kg/doc/133506

---

ОШ ШААРДЫК КЕНЕШИ ТОКТОМ Ош шаардык кеңешинин кезектеги IX сессиясы (V чакырылыш) 2022-жылдын 15-июну № 50 Муниципалдык аймактык башкармалыктардын аткарып жаткан иштеринин натыйжалуулугу жөнүндө Ош шаарынын мэриясынын 2022-жылдын 31-январындагы чыгуу №08-6/137 сандуу Ош шаарынын мэриясынын муниципалдык аймактык башкармалыктардын жана Жапалак айылдык аймактык башкармалыгынын 2021-жыл ичинде аткарган иштеринин натыйжалуулугу жөнүндө Ош шаарынын вице-мэри С.Джунусбаевдин маалыматын угуп жана талкуулап, Ош шаардык кеңешинин жергиликтүү өз алдынча башкаруу, инвестиция, ишкердүүлүк, тышкы экономикалык байланыш, кичи жана орто бизнести колдоо жана миграция маселелери боюнча туруктуу депутаттык комиссиясынын 2022-жылдын 30-майындагы №1 чечимин, ошондой эле сессияда чыгып сүйлөгөн депутаттардын ой пикирлерин эске алуу менен Ош шаардык кеңеши токтом кылат:

1. Ош шаарындагы муниципалдык аймактык башкармалыктардын жана Жапалак айылдык аймактык башкармалыгынын 2021-жыл ичинде аткарган иштеринин натыйжалуулугу жөнүндө Ош шаарынын вице-мэри С.Джунусбаевдин маалыматы эске алынсын.

2. Ош шаарынын мэриясына (А.Мамбетов):

- Ош шаарындагы муниципалдык аймактык башкармалыктардагы орун алган бала бакча, таза суу, канализация, жол, тратуар, транспорт, аялдама, жол белгилери жана светофор, түнкү жарыктандыруу, электр энергия менен камсыздоо сыяктуу көйгөйлүү маселелерди чечүү боюнча тиешелүү чараларды көрүү;

- муниципалдык аймактык башкармалыктардагы аксакалдар соттурунун материалдык-техникалык базасын чыңдоо, алардын иш алып баруусу үчүн иш бөлмөлөр менен камсыз кылуу сунушталсын.

Кыргыз Республикасынын 2021-жылдын 20-октябрындагы №123 “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 57-беренесине ылайык кварталдык комитеттердин чектерин белгилөө жана аларды каттоо үчүн, тиешелүү документтерди 2022-жылдын 15-июлуна чейинки мөөнөттө Ош шаардык кеңешине тапшыруу милдеттендирилсин.

3. Токтом мыйзамда каралган тартипте катталсын (Р.Кулов) жана жалпыга маалымдоо каражаттарына жарыялансын (Ч.Абдиев).

4. Токтомдун аткарылышын көзөмөлдөө Ош шаардык кеңешинин жергиликтүү өз алдынча башкаруу, инвестиция, ишкердүүлүк, тышкы экономикалык байланыш, кичи жана орто бизнести колдоо жана миграция маселелери боюнча туруктуу депутаттык комиссиясына (А. Эркинбаев) жүктөлсүн.

Төрага

С.Назылбеков