Кыргыз Республикасынын Өкмөтүнүн «Кыргыз Республикасынын Маалыматтык технологиялар жана байланыш мамлекеттик комитетинин ишине тийиштүү маселелер боюнча Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө» токтому

КР Өкмөтүнүн 2021-жылдын 10-мартындагы № 86 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2019-жылдын 9-январы № 6 Кыргыз Республикасынын Маалыматтык технологиялар жана байланыш мамлекеттик комитетинин ишине тийиштүү маселелер боюнча Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 22-августундагы № 473 "Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө" токтомуна төмөнкүдөй өзгөртүү киргизилсин:

жогоруда аталган токтомдун 6-тиркемесинде:

- 12-пункту күчүн жоготту деп таанылсын.

2. Кыргыз Республикасынын Өкмөтүнүн 2016-жылдын 15-июлундагы № 402 "Кыргыз Республикасынын Маалыматтык технологиялар жана байланыш мамлекеттик комитетинин маселелери жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын Маалыматтык технологиялар жана байланыш мамлекеттик комитети жөнүндө жободо:

- 1 жана 7-пункттарындагы "санариптик" деген сөз алып салынсын;

- 8-пунктунун экинчи абзацындагы "санариптик колтамга" деген сөз "кол тамга" деген сөз менен алмаштырылсын;

- 9-пунктунун 1-пунктчасынын үчүнчү, төртүнчү, тогузунчу, он жетинчи жана он сегизинчи абзацтарындагы "санариптик" деген сөз алып салынсын;

- 11-пунктунда:

мамлекеттик тилдеги текстинде: он бешинчи абзацы төмөнкүдөй редакцияда баяндалсын: "- маалыматташтыруу жана электрондук башкаруу жаатында кызмат көрсөтүүлөргө тарифтерди иштеп чыгууга;"; төмөнкүдөй мазмундагы он алтынчы абзац менен толукталсын: "- ведомстволук бөлүмдөр тарабынан байланыш жаатында кызмат көрсөтүүгө тарифтерди макулдашууга;"; он тогузунчу абзацы төмөнкүдөй редакцияда баяндалсын: "- байланыш, маалыматташтыруу, электрондук кол тамга жана электрондук башкаруу жаатында эл аралык уюмдар жана башка өлкөлөрдүн жөнгө салуу органдары менен Кыргыз Республикасынын мыйзамдарынын алкагында өз ара аракеттенүүгө;"; расмий тилдеги текстинде: жыйырманчы абзацындагы "цифровой" деген сөз алып салынсын.

3. Ушул токтом расмий жарыяланган күндөн тартып жети күн өткөндөн кийин күчүнө кирет.

"Эркин Тоо" газетасынын 2019-жылдын 15-январындагы N 2 жарыяланды

Премьер-министри

М.Абылгазиев