36-берене. Биринчи инстанциядагы соттун төрагасы
Күчүн жоготкон · 15.11.2021 редакциясы · 2-глава
Акт күчүн жоготкон. Негизи: Конституционный Закон КР от 15 ноября 2021 года № 134.
Акыркы өзгөртүү: Закон КР от 13 июня 2011 года № 39
1. Биринчи инстанциядагы соттун төрагасы судья болуп саналат жана судьянын милдеттерин аткаруу менен катар:
1) сот иштерин карайт;
2) судьялардын ортосунда иштерди жана соттук материалдарды бөлүштүрүү боюнча автоматташтырылган тутумдун иштешин камсыз кылат, ал эми автоматташтырылган тутум техникалык жактан оң эмес болгон учурда, иштерди жана соттук материалдарды өз алдынча бөлүштүрөт;
3) жарандарды кабыл алуу жана сот өндүрүшүндө турган иштер жана материалдар боюнча арыздарды жана даттанууларды кошпогондо, алардын сунуштарын, арыздарын жана даттанууларын кароо боюнча соттун ишин уюштурат;
4) соттун аппаратынын ишине жалпы жетекчиликти жүзөгө ашырат, ыйгарым укуктуу органдын жетекчисине төмөнкү сунуштарды киргизет:
- соттун аппаратынын мамлекеттик кызматчыларын дайындоо жана бошотуу жөнүндө;
- соттун аппаратынын мамлекеттик кызматчыларына класстык чиндерди ыйгаруу жөнүндө;
- соттун аппаратынын мамлекеттик кызматчыларына карата сыйлоо жана тартиптик жазалоо чараларын көрүү жөнүндө;
- соттук аткаруучуларга карата сыйлоо жана тартиптик жаза чарасын колдонуу жөнүндө;
5) сот статистикасын жүргүзүүнү уюштурат;
6) (Кыргыз Республикасынын 2008-жылдын 23-июнундагы № 134 Мыйзамынын редакциясына ылайык алып салынды)
7) соттун кызматкерлеринин квалификациясын жогорулатуу боюнча ишти уюштурат;
8) (Кыргыз Республикасынын 2008-жылдын 23-июнундагы № 134 Мыйзамынын редакциясына ылайык алып салынды)
81) судьялардын аракеттерине (аракетсиздигине) карата сунуштама менен Судьялар кеңешине караштуу Тартип комиссиясына кайрылат;
82) тергөө судьясынын ыйгарым укуктарын аткарууну бир жылдык мөөнөткө чейин ушул эле соттун башка судьясына жүктөйт;
9) Кыргыз Республикасынын мыйзамдарына ылайык дагы башка ыйгарым укуктарды жүзөгө ашырат.
2. Соттун төрагасы болбогондо төраганын милдеттерин аткаруу анын тапшыруусу боюнча ушул эле соттун башка судьясына жүктөлөт, ал эми андай тапшырма берүү мүмкүн болбогондо, соттун төрагасынын ыйгарым укуктарын судьялардын бирине жүктөө жөнүндө чечимди судьялардын чогулушу кабыл алат.
3. Эки судьядан турган биринчи инстанциядагы сотто төраганын милдеттерин аткаруу ал болбогон бардык учурларда берки судьяга жүктөлөт.
4. (КР 2011-жылдын 13-июнундагы № 39 Мыйзамына ылайык күчүн жоготту)
5. (КР 2020-жылдын 11-апрелиндеги № 39 Мыйзамына ылайык күчүн жоготту)
(Кыргыз Республикасынын 2008-жылдын 23-июнундагы № 134, 2011-жылдын 13-июнундагы № 39, 2017-жылдын 28-июлундагы № 149, 2020-жылдын 11-апрелиндеги № 39 Мыйзамдарынын редакцияларына ылайык)
Берененин тексти 15.11.2021 редакциясы боюнча берилди. Юридикалык маанилүү аракеттер үчүн расмий жарыялоо менен салыштырыңыз.
36-берене боюнча дагы суроолоруңуз барбы?
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.
Айына ЖИнин 40 жообу - акысыз. Банк картасы керек эмес.
Берененин өзгөртүүлөр тарыхы
Берененин текстиндеги «редакциясына ылайык» белгилери боюнча, жаңылары биринчи. Күнү - өзгөртүүчү актынын кабыл алынган күнү.
- Закон КР от 13 июня 2011 года № 39 "О внесении изменений и дополнений в Закон Кыргызской Республики "О Верховном суде Кыргызской Республики и местных судах"Редакцияларды салыштыруу
13.06.2011 редакциясында эмне өзгөрдү
Кошулган текст астын сызылган, алынып салынганы чийилген. Өзгөргөн жерлер гана көрсөтүлдү.
алынып салынды: Райондук соттун төрагасы
1. Райондук соттун төрагасы судья болуп саналат жана судьянын мил-
деттерин аткаруу менен катар:
1) сот иштерин карайт;
2) кароо үчүн иштерди, материалдарды, арыздарды судьяларга
бөлүштүрөт;
3) жарандарды кабыл алуу жана сот өндүрүшүндө турган иштер жана
материалдар боюнча арыздарды жана даттанууларды кошпогондо, алардын су-
нуштарын, арыздарын жана даттанууларын кароо боюнча соттун ишин уюшту-
рат;
4) соттун аппаратынын ишине жалпы жетекчиликти жүзөгө ашырат, жер-
гиликтүү соттордун ишин уюштуруучулук, материалдык-техникалык жана баш-
ка жактан камсыз кылууну жүзөгө ашыруучу жана соттук актылардын аткары-
лышын камсыз кылуучу ыйгарым укуктуу мамлекеттик органдын жетекчисине
төмөнкүдөй сунуштарды берет: - соттун аппаратынын мамлекеттик кызмат-
чыларын дайындоо жана бошотуу жөнүндө; - соттун аппаратынын мамлекет-
тик кызматчыларына класстык чиндерди ыйгаруу жөнүндө; - соттун аппара-
тынын мамлекеттик кызматчыларына карата сыйлоо жана тартиптик жазалоо
чараларын көрүү жөнүндө; - соттук аткаруучуларга карата соттук акты-
ларды аткаргандыгы үчүн сыйлоо жана талаптагыдай эмес аткаргандыгы үчүн
тартиптик жаза чарасын колдонуу жөнүндө;
5) сот статистикасын жүргүзүүгө жетекчилик кылат;
6) (Кыргыз Республикасынын 2008-жылдын 23-июнундагы № 134 Мыйзамы-
нын редакциясына ылайык алып салынды)
7) соттун кызматкерлеринин квалификациясын жогорулатуу боюнча ишти
уюштурат;
8) (Кыргыз Республикасынын 2008-жылдын 23-июнундагы № 134Мыйзамынын редакциясына ылайык алып салынды)
9) Кыргыз Республикасынын мыйзамдарына ылайык дагы башка ыйгарым
укуктарды жүзөгө ашырат.
2. Райондук соттун төрагасы жок кезде соттун төрагасынын тапшыруу-
су боюнча төраганын милдеттерин аткаруу ушул эле соттун башка судьясына
жүктөлөт. Райондук соттун төрагасынын кызмат орду бош болгон учурда
бул соттун төрагасынын милдетин аткаруу Кыргыз Республикасынын мыйзам-
дарында каралган учурлардан тышкары, райондук соттун төрагасы дайындал-
ганга чейин облустук соттун төрагасынын буйругу менен ушул же башка
соттун башка судьясына жүктөлөт.
3. Бир судья дайындалган (бир курамдуу сот) биринчи инстанциядагы
сотто төраганын ыйгарым укуктарын ушул судья жүзөгө ашырат.
4. Бир курамдуу сотто төрага жок кезде анын милдеттерин аткаруу
областтык соттун төрагасынын буйругу менен башка соттун судьяларынын
бирине жүктөлөт.
5. Жергиликтүү сотто судья жок кезде же судьянын кызмат орду бош
болгон учурда ошол соттогу судьянын милдеттерин аткаруу Кыргыз Респуб-
ликасынын Жогорку Сотунун Төрагасы тарабынан 6 айдан ашпаган мөөнөткө
башка соттун судьясына жүктөлүшү мүмкүн.
(Кыргыз Республикасынын 2008-жылдын 23-июнундагы № 134 Мыйзамынын
редакциясына ылайык)
IV БӨЛҮМ
КЫРГЫЗ РЕСПУБЛИКАСЫНЫН ЖОГОРКУ СОТУНУН ЖАНА
ЖЕРГИЛИКТҮҮ СОТТОРДУН ИШИН КАМСЫЗ КЫЛУУ
Берененин байланыштары
Берене шилтеме берет
Беренени өз сайтыңызга кошуу
Виджет берененин күчүндөгү редакциясын көрсөтөт жана аны менен кошо жаңыланат. Бул кодду баракчаңыздын HTML'ине коюңуз:
<iframe src="https://aqlex.ai/kg/embed/doc/1279/st-36" title="36-берене - Кыргыз Республикасынын Жогорку Соту жана жергиликтүү соттор жөнүндө (aqlex)" width="100%" height="480" style="border:1px solid #e3e5e8;border-radius:8px" loading="lazy"></iframe>