# КР Өкмөтүнүн 2018-жылдын 3-декабрындагы № 562 "Агрардык илим чөйрөсүндөгү Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому - Толук аталышы: КР Өкмөтүнүн 2018-жылдын 3-декабрындагы № 562 "Агрардык илим чөйрөсүндөгү Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому - Актынын түрү: Постановление - Номери: 562 - Кабыл алынган күнү: 03.12.2018 - Статусу: Күчүн жоготкон - Редакциянын күнү: 06.08.2021 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 06.08.2021 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР Өкмөтүнүн 2018-жылдын 3-декабрындагы № 562 "Агрардык илим чөйрөсүндөгү Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому (06.08.2021 редакциясы) - https://aqlex.ai/kg/doc/12753 --- КР Министрлер Кабинетинин 2021-жылдын 6-августундагы № 116 токтомуна ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2018-жылдын 3-декабры № 562 Агрардык илим чөйрөсүндөгү Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө (КР Өкмөтүнүн 2019-жылдын 29-апрелиндеги № 196 токтомунун редакциясына ылайык) Агрардык илимий-изилдөө институттарын натыйжалуу иштетүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ: 1. К.И.Скрябин атындагы Кыргыз улуттук агрардык университети белгиленген тартипте Кыргыз Республикасынын Айыл чарба, тамак-аш өнөр жайы жана мелиорация министрлигинин карамагына төмөнкүлөрдү өткөрүп берсин: - Кыргыз дыйканчылык илимий-изилдөө институтун, 51 бирдик штаттык саны жана 21 бирдик техникалык жана тейлөөчү персоналы, 2018-жылга тиешелүү бюджеттик каржылоосу жана материалдык-техникалык базасы менен; - Кыргыз мал чарба жана жайыт илимий-изилдөө институтун, 79 бирдик штаттык саны, 21 бирдик техникалык жана тейлөөчү персоналы, 2018-жылга тиешелүү бюджеттик каржылоосу жана материалдык-техникалык базасы менен. (КР Өкмөтүнүн 2019-жылдын 29-апрелиндеги № 196 токтомунун редакциясына ылайык) 2. Төмөнкүлөр бекитилсин: - Кыргыз Республикасынын Айыл чарба, тамак-аш өнөр жайы жана мелиорация министрлигинин Кыргыз дыйканчылык илимий-изилдөө институту жөнүндө жобо, 1-тиркемеге ылайык; - Кыргыз Республикасынын Айыл чарба, тамак-аш өнөр жайы жана мелиорация министрлигинин Кыргыз мал чарба жана жайыт илимий-изилдөө институту жөнүндө жобо, 2-тиркемеге ылайык. 3. Кыргыз Республикасынын Өкмөтүнүн 2011-жылдын 20-апрелиндеги № 178 "К.И.Скрябин атындагы Кыргыз улуттук агрардык университетинин маселелери жөнүндө" токтомуна төмөнкүдөй өзгөртүүлөр киргизилсин: жогоруда аталган токтом менен бекитилген К.И.Скрябин атындагы Кыргыз улуттук агрардык университетинин уставында: - I бөлүмүнүн 1.5-пунктунун жыйырманчы абзацы күчүн жоготту деп таанылсын; - V бөлүмүнүн 5.1-пунктундагы ", өндүрүштүк" деген сөз алып салынсын; - VI бөлүмүнүн 6.5-пунктунун он үчүнчү абзацы күчүн жоготту деп таанылсын; жогоруда аталган токтом менен бекитилген К.И.Скрябин атындагы Кыргыз улуттук агрардык университетинин түзүмүндө: - "Мал чарбачылыгы жана жайыттар ИИИ; Дыйканчылык ИИИ; Нарын районундагы "Тянь-Шань" АТЗ; Жети-Өгүз районундагы "Оргочор" АТЗ; Кара-Суу районундагы "Катта Талдык" АТЗ; Кара-Буура районундагы М.Лущихин атындагы АТЗ; Кочкор районундагы "Кочкор" АТЖЗ; Нарын районундагы "Нарын" АТЖЗ; Талас районундагы "Талас" АТЖЗ; Ноокат районундагы "Көк Бел" АТЖЗ,; Пахта боюнча тажрыйба станциясы, Ош облусу; Ысык-Көл тажрыйба-селекциялык станциясы, Ысык-Көл облусу; "Жаңы-Пахта" үрөнчүлүк чарбасы, Чүй облусу; Бүргөндү таяныч пункуту, Баткен облусу; Кант кызылчасы боюнча тажрыйба селекциялык станциясы, Чүй облусу; Экспертименталдык чарба, Чүй облусу; Нарын тажрыйба станциясы, Нарын облусу" позициялар алып салынсын; жогоруда аталган токтомдун "Илим-изилдөө институттарынын (тажрыйба-селекциялык станциялардын, эксперименталдык, үрөнчүлүк чарбалардын, асыл тукум заводдордун жана таяныч пункттардын) ведомстволук уюмдардын тизмеси жана алардын дареги, жайгашкан орду" тиркемеси күчүн жоготту деп таанылсын. 4. Кыргыз Республикасынын Өкмөтүнүн 2016-жылдын 11-ноябрындагы № 576 "Кыргыз Республикасынын Айыл чарба, тамак-аш өнөр жайы жана мелиорация министрлигинин маселелери жөнүндө" токтомуна төмөнкүдөй өзгөртүүлөр киргизилсин: жогоруда аталган токтом менен бекитилген Кыргыз Республикасынын Айыл чарба, тамак-аш өнөр жайы жана мелиорация министрлиги жөнүндө жободо: 7-пунктунда: - 1-пунктчасы төмөнкүдөй мазмундагы төртүнчү абзац менен толукталсын: "агрардык илимдин артыкчылыктуу багыттары боюнча илимий-өндүрүштүк, илимий-изилдөөчү жана тажрыйбалык-конструктордук иштерди аткаруу боюнча мамлекеттик тапшырыкты камсыздоо;"; - 3-пунктчасы төмөнкүдөй мазмундагы он экинчи абзац менен толукталсын: - "дыйканчылык, ирригация, ветеринария, мал чарба жана жайыт жаатындагы илимий-инновациялык иштерди координациялайт, агрардык илимдин жетишкендиктерин айыл чарба өндүрүшүнө жайылтат;"; жогоруда аталган токтом менен бекитилген Кыргыз Республикасынын Айыл чарба, тамак-аш өнөр жайы жана мелиорация министрлигинин башкаруу схемасында: - "К.И.Скрябин атындагы Кыргыз улуттук агрардык университети; Жайыт жана мал чарбасы илимий-изилдөө институту; Дыйканчылык боюнча илимий-изилдөө институту;" позициясы күчүн жоготту деп таанылсын; - төмөнкүдөй мазмундагы позициялар менен толукталсын: "Кыргыз дыйканчылык илимий-изилдөө институту; Кыргыз мал чарба жана жайыт илимий-изилдөө институту"; " "; - төмөнкүдөй мазмундагы эскертүү менен толукталсын: "Эскертүү: 5. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн. 6. Ушул токтом расмий жарыяланган күндөн тартып он күн өткөндөн кийин күчүнө кирет. Премьер-министри М. Абылгазиев