# Жазык-аткаруу тутумунун мекемелеринде жаза өтөп жаткан жумушсуз аялдар- га кош бойлуулук жана төрөт боюнча жөлөкпул дайындоо жана төлөө ТАРТИБИ (Кыргыз Республикасынын Өкмөтүнүн 2018-жылдын 19-ноябрындагы N 534 ток- тому менен бекитилген) - Толук аталышы: Жазык-аткаруу тутумунун мекемелеринде жаза өтөп жаткан жумушсуз аялдар- га кош бойлуулук жана төрөт боюнча жөлөкпул дайындоо жана төлөө ТАРТИБИ (Кыргыз Республикасынын Өкмөтүнүн 2018-жылдын 19-ноябрындагы N 534 ток- тому менен бекитилген) - Актынын түрү: Порядок - Номери: 534 - Кабыл алынган күнү: 19.11.2018 - Статусу: Күчүндө - Редакциянын күнү: 24.12.2021 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 24.12.2021 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Жазык-аткаруу тутумунун мекемелеринде жаза өтөп жаткан жумушсуз аялдар- га кош бойлуулук жана төрөт боюнча жөлөкпул дайындоо жана төлөө ТАРТИБИ (Кыргыз Республикасынын Өкмөтүнүн 2018-жылдын 19-ноябрындагы N 534 ток- тому менен бекитилген) (24.12.2021 редакциясы) - https://aqlex.ai/kg/doc/12711 --- Тиркеме (Кыргыз Республикасынын Өкмөтүнүн 2018-жылдын 19-ноябрындагы № 534 токтомуна) Жазык-аткаруу тутумунун мекемелеринде жаза өтөп жаткан жумушсуз аялдарга кош бойлуулук жана төрөт боюнча жөлөкпул дайындоо жана төлөө ТАРТИБИ (КР Министрлер Кабинетинин 2021-жылдын 24-декабрындагы № 350 токтомнун редакцияларына ылайык) ## 1-глава. Жалпы жоболор 1. Ушул Тартип жазык-аткаруу тутумунун мекемелеринде жаза өтөп жаткан жана жумуш берүүчү менен эмгек мамилесинде турбаган соттолгон аялдарга (мындан ары - соттолгон аялдар) кош бойлуулук жана төрөт боюнча жөлөкпул дайындоонун жана төлөөнүн шарттарын аныктайт. Ушул Тартип Кыргыз Республикасынын жараны болуп саналган соттолгон аялдарга карата колдонулат. Ушул Тартип жазык-аткаруу тутумунун мекемелеринде жаза өтөп жаткан жана жумуш берүүчү менен эмгек мамилесинде болгон соттолгон аялдарга карата колдонулбайт. Бул категориядагы соттолгон аялдарга карата кош бойлуулук жана төрөт боюнча жөлөкпул Кыргыз Республикасынын Өкмөтүнүн 2018-жылдын 18-сентябрындагы № 434 токтому менен бекитилген Убактылуу эмгекке жарамсыздык боюнча жөлөкпулду, кош бойлуулук жана төрөт боюнча жөлөкпулду берүүнүн тартиби жөнүндө жобого ылайык төлөнөт. ## 2-глава. Кош бойлуулук жана төрөт боюнча жөлөкпулду төлөө шарттары 2. Жазык-аткаруу тутумунун мекемесинин медициналык кызматы соттолгон аялдын кош бойлуулугун аныктагандан кийин ушул Тартиптин 1-тиркемесине ылайык форма боюнча каттоо журналына жана кош бойлуу жана төрөгөн аялдын жеке картасына жазуу менен аны каттоого алат. 3. Соттолгон аялдарга кош бойлуулук жана төрөт боюнча жөлөкпулду дайындоого жана төлөөгө негиз болуп жазык-аткаруу тутумунун мекемесинин администрациясынын кош бойлуулук жана төрөт боюнча жөлөкпулду төлөө жөнүндө буйругу эсептелет. Аталган буйрук ушул Тартиптин 2-тиркемесине ылайык форма боюнча кош бойлуулук жөнүндөгү жазык-аткаруу тутумунун мекемесинин медициналык кызматы тарабынан таризделген жана жазаларды аткаруу мамлекеттик органынын медициналык кызматынын мөөрү менен бекитилген маалымкат бар болгондо чыгарылат. 4. Жазык-аткаруу тутумунун медициналык кызматы тарабынан соттолгон аялга кош бойлуулуктун отузунчу жумасынан ушул Тартиптин 3-пунктунда белгиленген маалымкат берилет, ал жазык-аткаруу тутумунун финансы кызматына ушул Тартиптин 3-пунктунда белгиленген буйрукту тариздөө үчүн жиберилет. 5. Кош бойлуулук жана төрөт боюнча жөлөкпулду төлөө ушул Тартиптин 3-пунктунда белгиленген буйрук чыккандан кийин жазык-аткаруу тутумунун атайын эсебинде чогулган өндүрүш ишинин каражатынын эсебинен төлөнөт. Кош бойлуулук жана төрөт боюнча жөлөкпул жазык-аткаруу тутумунун мекемесинин финансы кызматы тарабынан ушул Тартиптин 6-9-пункттары менен белгиленген соттолгон аялдардын өздүк эсебине акча каражатын которуу аркылуу төлөнөт. Соттолгон аялдын өздүк эсеби жок болгон учурда жазык-аткаруу тутумунун мекемесинин финансы кызматы жазаларды аткаруу мамлекеттик органынын чечими менен белгиленген тартипте анын атына өздүк эсебин ачат. 6. Кош бойлуулук жана төрөт боюнча жөлөкпул 40 эсептик көрсөткүч өлчөмүндө дайындалат, ушул Тартиптин 9-пунктунда көрсөтүлгөн жагдайлардан тышкары. 7. Кош бойлуулук жана төрөт боюнча жөлөкпул соттолгон аялдарга эки этап менен төлөнөт: - кош бойлуулуктун отуз жумалык мөөнөтүнө жеткенден кийин жети иш күндүн ичинде - 20 эсептик көрсөткүч өлчөмүндө; - төрөттөн кийин жыйырма иш күндүн ичинде - 20 эсептик көрсөткүч өлчөмүндө. 8. Кош бойлуулуктун отуз жумалык мөөнөтүнө чейин тирүү бала төрөгөн аялдарга жөлөкпул 40 эсептик көрсөткүч өлчөмүндө төрөттөн кийин жыйырма иш күндүн ичинде берилет. 9. Бала жансыз болуп төрөлсө же төрөттөн кийинки жети күндүн ичинде каза болсо жөлөкпул 20 эсептик көрсөткүч өлчөмүндө жыйырма иш күндүн ичинде берилет. ## 3-глава. Кош бойлуулук жана төрөт боюнча жөлөкпулду дайындоо жана төлөө үчүн жоопкерчилик жана контроль 10. Кош бойлуулук жана төрөт боюнча соттолгон аялдарга жөлөкпулду дайындоонун жана төлөөнүн негиздүүлүгү үчүн жазык-аткаруу тутумунун мекемесинин администрациясы жоопкерчилик тартат. 11. Жазык-аткаруу тутумунун мекемелеринде кош бойлуулук жана төрөт боюнча жөлөкпул төлөөнү контролдоо жазаларды аткаруу мамлекеттик органы тарабынын ишке ашырылат. Жазык-аткаруу тутумунун мекемелеринде жаза өтөп жаткан жумушсуз аялдарга кош бойлуулук жана төрөт боюнча жөлөкпул дайындоо жана төлөө тартибине 1-тиркеме Форма Соттолгон аялдарга кош бойлуулук жана төрөт боюнча маалымкат берүү жана КАТТОО ЖУРНАЛЫ № Каттоо күнү, айы, жылы Аты-жөнү Туулган күнү, айы, жылы КР ЖКнын беренеси, жаза мөөнөтү Корутунду жана сунуштар Жазык-аткаруу тутумунун мекемелеринде жаза өтөп жаткан жумушсуз аялдарга кош бойлуулук жана төрөт боюнча жөлөкпул дайындоо жана төлөө тартибине 2-тиркеме (КР Министрлер Кабинетинин 2021-жылдын 24-декабрындагы № 350 токтомнун редакцияларына ылайык) Форма Кыргыз Республикасынын Юстиция министрлигине караштуу Жазаларды аткаруу кызматы № \_\_\_\_\_\_\_\_\_\_\_\_\_ мекеменин медициналык кызматы МЕДИЦИНАЛЫК МААЛЫМКАТ (врачтык-консультациялык корутунду) 20\_\_\_-ж. \_\_\_\_\_\_\_\_\_\_\_\_\_\_\_ № \_\_\_\_\_\_\_\_\_\_\_\_\_ Берилди соттолгон \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ (аты-жөнү, туулган күнү, айы, жылы, КР ЖКнын беренеси) Кош бойлуулук мөөнөтүнүн башы \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ Кош бойлуулук мөөнөтүнүн аягы \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ Мөөнөтүндө кош бойлуулук боюнча каттоого турган датасы \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ Корутунду жана сунуштар \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ Гинеколог-дарыгер \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ (аты-жөнү) (колу) № \_\_\_\_\_\_\_\_\_\_\_\_\_\_\_ мекеменин медициналык кызматынын башчысы \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ (аты-жөнү) \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ (колу) Макулдашылды: ЖАКнын медициналык кызматынын башчысы \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ (аты-жөнү) \_\_\_\_\_\_\_\_\_\_\_\_\_\_\_\_\_\_\_\_\_\_\_\_\_ (колу) М.О.