# Кыргыз Республикасынын Өкмөтүнүн 2018-жылдын 29-мартындагы № 169 "Генерациялоочу булактарды, электр бөлүштүрүүчү уюмдардын электр тармактарын жана керектөөчүлөрдүн электр түзүлүштөрүн электр тармактарына технологиялык туташтыруунун эрежесин бекитүү жөнүндө" токтому - Толук аталышы: Кыргыз Республикасынын Өкмөтүнүн 2018-жылдын 29-мартындагы № 169 "Генерациялоочу булактарды, электр бөлүштүрүүчү уюмдардын электр тармактарын жана керектөөчүлөрдүн электр түзүлүштөрүн электр тармактарына технологиялык туташтыруунун эрежесин бекитүү жөнүндө" токтому - Актынын түрү: Постановление - Номери: 169 - Кабыл алынган күнү: 29.03.2018 - Статусу: Күчүндө - Редакциянын күнү: 29.03.2018 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 29.03.2018 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Өкмөтүнүн 2018-жылдын 29-мартындагы № 169 "Генерациялоочу булактарды, электр бөлүштүрүүчү уюмдардын электр тармактарын жана керектөөчүлөрдүн электр түзүлүштөрүн электр тармактарына технологиялык туташтыруунун эрежесин бекитүү жөнүндө" токтому (29.03.2018 редакциясы) - https://aqlex.ai/kg/doc/11811 --- КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2018-жылдын 29-марты № 169 Генерациялоочу булактарды, электр бөлүштүрүүчү уюмдардын электр тармактарын жана керектөөчүлөрдүн электр түзүлүштөрүн электр тармактарына технологиялык туташтыруунун эрежесин бекитүү жөнүндө Электр энергетика чөйрөсүндөгү кызмат көрсөтүүлөрдүн бирдей жеткиликтүүлүгүн камсыздоо максатында, 2014-жылдын 29-майындагы Евразия экономикалык бирлиги жөнүндө келишимдин 82-беренесине, "Энергетика жөнүндө" Кыргыз Республикасынын Мыйзамына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ: 1. Генерациялоочу булактарды, электр бөлүштүрүүчү уюмдардын электр тармактарын жана керектөөчүлөрдүн электр түзүлүштөрүн электр тармактарына технологиялык туташтыруунун эрежеси тиркемеге ылайык бекитилсин. 2. Кыргыз Республикасынын Өкмөтүнүн 2012-жылдын 22-августундагы № 576 "Электр энергиясын пайдалануу эрежелерин бекитүү жөнүндө" токтомуна төмөнкүдөй өзгөртүү киргизилсин: жогоруда аталган токтом менен бекитилген Электр энергиясын пайдалануу эрежелеринин 3-главасы күчүн жоготту деп таанылсын. 3. Бул токтом расмий жарыяланган күндөн он беш күн өткөндөн кийин күчүнө кирет. Премьер-министри С. Исаков