# Кыргыз Республикасынын Өкмөтүнүн 2017-жылдын 28-декабрындагы № 843 "Кыргыз Республикасынын жалпы билим берүүчү уюмдарын бюджеттик каржылоо маселеси жөнүндө" токтому - Толук аталышы: Кыргыз Республикасынын Өкмөтүнүн 2017-жылдын 28-декабрындагы № 843 "Кыргыз Республикасынын жалпы билим берүүчү уюмдарын бюджеттик каржылоо маселеси жөнүндө" токтому - Актынын түрү: Постановление - Номери: 843 - Кабыл алынган күнү: 28.12.2017 - Статусу: Күчүн жоготкон - Редакциянын күнү: 29.01.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 29.01.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Өкмөтүнүн 2017-жылдын 28-декабрындагы № 843 "Кыргыз Республикасынын жалпы билим берүүчү уюмдарын бюджеттик каржылоо маселеси жөнүндө" токтому (29.01.2026 редакциясы) - https://aqlex.ai/kg/doc/11634 --- Кыргыз Республикасынын Министрлер Кабинетинин 2026-жылдын 29-январындагы № 34 токтомуна ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2017-жылдын 28-декабры № 843 Кыргыз Республикасынын жалпы билим берүүчү уюмдарын бюджеттик каржылоо маселеси жөнүндө (КР Өкмөтүнүн 2021-жылдын 4-майындагы № 182 токтомунун редакциясына ылайык) Билим берүү секторунда финансылык каражаттарды натыйжалуу пайдалануу максатында, "Билим берүү жөнүндө" Кыргыз Республикасынын Мыйзамынын 43 жана 44-беренелерине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ: 1. Кыргыз Республикасынын жалпы билим берүүчү уюмдарын бир окуучуга карата (коммуналдык чыгымдардан тышкары) бюджеттик каржылоонун типтүү ченемдери тиркемеге ылайык бекитилсин. 2. Кыргыз Республикасынын Өкмөтүнүн 2011-жылдын 20-сентябрындагы № 563 "Кыргыз Республикасынын жалпы билим берүү уюмдарын каржылоонун ченемдик принцибине которуу жөнүндө" токтомуна төмөнкүдөй өзгөртүү киргизилсин: 3-пункттун төртүнчү абзацы төмөнкүдөй редакцияда баяндалсын: "- Кыргыз Республикасынын жалпы билим берүүчү уюмдарын бир окуучуга карата (коммуналдык чыгымдардан тышкары) бюджеттик каржылоонун типтүү ченемдери жалпы билими берүүчү уюмдарды каржылоонун шарттары өзгөргөн учурда Кыргыз Республикасынын Финансы министрлиги тарабынан Кыргыз Республикасынын Билим берүү жана илим министрлиги менен бирдикте эсептелет жана Кыргыз Республикасынын Өкмөтү тарабынан бекитилет.". 3. Кыргыз Республикасынын Өкмөтүнүн 2013-жылдын 30-майындагы № 302 "Айыл аймактарынын жана шаарлардын жергиликтүү бюджеттеринен каржылануучу билим берүү уюмдарын Кыргыз Республикасынын Билим берүү жана илим министрлигинин аймактык бөлүмдөрү аркылуу республикалык бюджеттен каржылоого которуу жөнүндө" токтомуна төмөнкүдөй өзгөртүүлөр киргизилсин: жогоруда аталган токтом менен бекитилген Ченемдик каржылоонун механизми жайылтылбаган Кыргыз Республикасынын жалпы билим берүүчү уюмдарынын тизмеги төмөнкүдөй мазмундагы 163-170-пункттар менен толукталсын: " 163 Бишкек шаары Абдылда Каниметов атындагы № 1 жалпы билим берүүчү гимназия-интернаты 164 Бишкек шаары Т.Молдо атындагы № 71 жетим балдар жана ата-энесинин камкордугусуз калган балдар үчүн жалпы орто билим берүүчү интернат мектеп 165 Бишкек шаары Герман Гмайнер атындагы SOS окуу тарбиялоо комплекси 166 Бишкек шаары № 10 кечки (нөөмөттүү) жалпы билим берүүчү мектеп 167 Бишкек шаары № 7 жумушчу жаштардын жалпы орто билим берүүчү мектеби 168 Бишкек шаары № 22 атайын (көмөкчү) мектеп 169 Бишкек шаары № 30 атайын (көмөкчү) мектеп 170 Бишкек шаары № 34 атайын (көмөкчү) мектеп ". 4. Кыргыз Республикасынын Билим берүү жана илим министрлиги, Кыргыз Республикасынын Финансы министрлиги, Бишкек шаарынын мэриясы (макулдашуу боюнча) ушул токтомдун 1-пункту менен бекитилген Кыргыз Республикасынын жалпы билим берүүчү уюмдарын бир окуучуга карата (коммуналдык чыгымдардан тышкары) бюджеттик каржылоонун типтүү ченемдеринин негизинде жалпы билим берүүчү уюмдардын 2018-жылга бюджетин республикалык жана жергиликтүү бюджеттердин мүмкүнчүлүгүнө жараша аныктасын. 5. Кыргыз Республикасынын Финансы министрлиги ушул токтомдун 1-пункту менен бекитилген Кыргыз Республикасынын жалпы билим берүүчү уюмдарын бир окуучуга карата (коммуналдык чыгымдардан тышкары) бюджеттик каржылоонун типтүү ченемдерине ылайык Кыргыз Республикасынын жалпы билим берүүчү уюмдарын 2018-жылы 90,5 пайыз өлчөмүндө, 2019-жылы 93,0 пайыз өлчөмүндө, 2020-жылы 95 пайыз өлчөмүндө жана 2021-жылы - 100 пайыз өлчөмүндө каржылоону камсыздасын. 6. Кыргыз Республикасынын Билим берүү жана илим министрлиги жана/же райондук жана/же райондук (шаардык) билим берүү бөлүмдөрү финансылык тобокелдери бар жалпы билим берүүчү уюмдар үчүн бюджеттик каржылоонун типтүү ченеми менен аныкталган бюджеттен тышкары 30 пайызга чейин дотация чектөөгө укуктуу экени белгиленсин. Дотациялар ушул токтомдун 1-пункту менен бекитилген Кыргыз Республикасынын жалпы билим берүүчү уюмдарын бир окуучуга карата (коммуналдык чыгымдардан тышкары) бюджеттик каржылоонун типтүү ченемдерине ылайык 2017-2020-жылдарга эсептелген бюджеттик чыгымдардын чегинде, эмгек акы төлөө фондунун өсүшүн чектөөнүн эсебинен 30 пайыздан ашпастан бөлүнөт. 7. Кыргыз Республикасынын Билим берүү жана илим министрлиги Кыргыз Республикасынын Өкмөтүнүн 2013-жылдын 30-майындагы № 302 "Айыл аймактарынын жана шаарлардын жергиликтүү бюджеттеринен каржылануучу билим берүү уюмдарын Кыргыз Республикасынын Билим берүү жана илим министрлигинин аймактык бөлүмдөрү аркылуу республикалык бюджеттен каржылоого которуу жөнүндө" токтомуна ушул токтомдон келип чыгуучу тийиштүү өзгөртүүлөрдү киргизүү жөнүндө Кыргыз Республикасынын Өкмөтүнүн токтомунун долбоорун иштеп чыксын жана белгиленген тартипте Кыргыз Республикасынын Өкмөтүнүн кароосуна киргизсин. 8. Кыргыз Республикасынын Өкмөтүнүн 2015-жылдын 8-майындагы № 281 "2015-жылга Кыргыз Республикасынын жалпы билим берүү уюмдарын бюджеттик каржылоо стандарттарынын шкаласын (коммуналдык чыгымдарсыз) бекитүү жөнүндө" токтомунун 1-пункту күчүн жоготту деп таанылсын. 9. Ушул токтом расмий жарыяланган күндөн тартып жети күн өткөндөн кийин күчүнө кирет. 10. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн. Премьер-министри С. Исаков Тиркеме Кыргыз Республикасынын жалпы билим берүүчү уюмдарын бюджеттик каржылоонун (коммуналдык чыгымдардан тышкары) ЧЕНЕМДЕРИ (КР Өкмөтүнүн 2021-жылдын 4-майындагы № 182 токтомунун редакциясына ылайык) (сом менен) № Жалпы билим берүүчү уюмдардын (класстардын) типтери Чыгымдардын түрлөрү Шаарларда жайгашкан жалпы билим берүүчү уюмдар Айыл жеринде жайгашкан жалпы билим берүүчү уюмдар I баскыч II баскыч III баскыч I баскыч II баскыч III баскыч 1 Башталгыч жалпы билим берүүчү мектептер Эмгек акыга чыгымдар 12023 14524 Социалдык фондго төгүмдөр 2074 2505 Тамак-ашка чыгымдар 1260 1260 Окуу чыгымдары 163 178 Квалификацияны жогорулатууга чыгымдар 93 93 Окуу китептерин сатып алууга чыгымдар 196 196 Күндөлүк оңдоо иштерине чыгымдар 368 368 1 окуучуга карата бюджеттик каржылоо стандарты 16177 19124 2 Негизги жана орто жалпы билим берүүчү мектептер (жалпы билим берүүчү класстар) Эмгек акыга чыгымдар 11024 15974 16576 13319 19210 19448 Социалдык фондго төгүмдөр 1902 2756 2859 2297 3314 3355 Тамак-ашка чыгымдар 1260 1260 Окуу чыгымдары 163 181 215 178 197 225 Квалификацияны жогорулатууга чыгымдар 93 93 93 93 93 93 Окуу китептерин сатып алууга чыгымдар 196 321 525 196 321 525 Күндөлүк оңдоо иштерине чыгымдар 368 368 368 368 368 368 1 окуучуга карата бюджеттик каржылоо стандарты 15006 19693 20636 17711 23503 24014 3 Мектеп-интернаттар (интернаттык класстар) Эмгек акыга чыгымдар 15847 22963 23824 19142 27612 27956 Социалдык фондго төгүмдөр 2734 3961 4110 3302 4763 4822 Тамак-ашка чыгымдар 14280 14700 14700 14280 14700 14700 Окуу чыгымдары 163 181 215 178 197 225 Квалификацияны жогорулатууга чыгымдар 93 93 93 93 93 93 Окуу китептерин сатып алууга чыгымдар 196 321 525 196 321 525 Күндөлүк оңдоо иштерине чыгымдар 368 368 368 368 368 368 1 окуучуга карата бюджеттик каржылоо стандарты 33681 42587 43835 37559 48054 48689 4 Мектеп-гимназиялар (гимназиялык класстар) Эмгек акыга чыгымдар 11024 22166 25046 13319 25931 28626 Социалдык фондго төгүмдөр 1902 3824 4321 2297 4473 4938 Тамак-ашка чыгымдар 1260 1260 Окуу чыгымдары 163 181 215 178 197 225 Квалификацияны жогорулатууга чыгымдар 93 93 93 93 93 93 Окуу китептерин сатып алууга чыгымдар 196 321 525 196 321 525 Күндөлүк оңдоо иштерине чыгымдар 368 368 368 368 368 368 1 окуучуга бюджеттик каржылоо стандарты 15006 26953 30568 17711 31383 34775 5 Мектеп-лицейлер (лицейлик класстар) Эмгек акыга чыгымдар 11024 19853 26137 13319 23209 22872 Социалдык фондго төгүмдөр 1902 3425 4509 2297 4004 5153 Тамак-ашка чыгымдар 1260 1260 Окуу чыгымдары 163 181 215 178 197 225 Квалификацияны жогорулатууга чыгымдар 93 93 93 93 93 93 Окуу китептерин сатып алууга чыгымдар 196 321 525 196 321 525 Күндөлүк оңдоо иштерине чыгымдар 368 368 368 368 368 368 1 окуучуга бюджеттик каржылоо стандарты 15006 24241 31847 17711 28192 36236 6 Чет тилди тереңдетип окутуучу мектеп-гимназиялар (чет тилди тереңдетип окутуучу класстар) Эмгек акыга чыгымдар 11024 24997 26402 13319 28062 29003 Социалдык фондго төгүмдөр 1902 4312 4554 2297 4841 5003 Тамак-ашка чыгымдар 1260 1260 Окуу чыгымдары 163 181 215 178 197 225 Квалификацияны жогорулатууга чыгымдар 93 93 93 93 93 93 Окуу китептерин сатып алууга чыгымдар 196 321 525 196 321 525 Күндөлүк оңдоо иштерине чыгымдар 368 368 368 368 368 368 1 окуучуга бюджеттик каржылоо стандарты 15006 30272 32157 17771 33882 35217 Инклюзивдүү билим берүүдө атайын муктаждыктары бар окуучулар үчүн бюджеттик каржылоо стандарты боюнча каражаттарга жалпы билим берүүчү уюмдардын керектөөлөрүн эсептөөдө стандартта эмгек акыга чыгымдар 3,0 көбөйтүүчү коэффициент менен туураланат.