# 4-берене - Документ: [Мамлекеттик социалдык камсыздандыруу чөйрөсүндөгү Кыргыз Республикасынын айрым мыйзам актыларына өзгөртүүлөрдү киргизүү жөнүндө](https://aqlex.ai/kg/doc/112574) - Толук аталышы: Кыргыз Республикасынын 2023-жылдын 26-апрелиндеги № 93 "Мамлекеттик социалдык камсыздандыруу чөйрөсүндөгү Кыргыз Республикасынын айрым мыйзам актыларына өзгөртүүлөрдү киргизүү жөнүндө" Мыйзамы - Актынын түрү: Закон - Номери: 93 - Кабыл алынган күнү: 26.04.2023 - Статусу: Күчүндө - Редакциянын күнү: 26.04.2023 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 26.04.2023 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Мамлекеттик социалдык камсыздандыруу чөйрөсүндөгү Кыргыз Республикасынын айрым мыйзам актыларына өзгөртүүлөрдү киргизүү жөнүндө, 4-берене (26.04.2023 редакциясы) - https://aqlex.ai/kg/doc/112574/st-4 --- "Кыргыз Республикасынын Социалдык фонду жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2004-ж., № 11, 510-ст.) төмөнкүдөй өзгөртүүлөр киргизилсин: 1) 2-статьяда: а) биринчи бөлүктүн үчүнчү абзацында "Кыргыз Республикасынын мыйзамдарына" деген сөздөр "Кыргыз Республикасынын мамлекеттик социалдык камсыздандыруу чөйрөсүндөгү мыйзамдарына" деген сөздөргө алмаштырылсын; б) экинчи бөлүктө: - бешинчи абзацта "Милдеттүү мамлекеттик социалдык камсыздандыруу максатында Кыргыз Республикасынын жарандарын жекече (индивидуалдык) эсепке алуу жөнүндө" Кыргыз Республикасынын Мыйзамына ылайык" деген сөздөр "мыйзамда белгиленген тартипте" деген сөздөргө алмаштырылсын; - тогузунчу абзацта "Өкмөтүнө" деген сөз "Министрлер Кабинетине" деген сөздөргө алмаштырылсын; - он биринчи абзацта "Кыргыз Республикасынын мыйзамдарында" деген сөздөр "Кыргыз Республикасынын мамлекеттик социалдык камсыздандыруу чөйрөсүндөгү мыйзамдарында" деген сөздөргө алмаштырылсын; - он экинчи абзацта "Өкмөтүнө" деген сөз "Министрлер Кабинетине" деген сөздөргө алмаштырылсын; - төмөнкүдөй мазмундагы он бешинчи жана он алтынчы абзацтар менен толукталсын: "- камсыздандыруу төгүмдөрүн башкаруу чөйрөсүндөгү ыйгарым укуктуу мамлекеттик орган менен өз ара аракеттенүүнү жүзөгө ашырууну; - камсыздандыруу төгүмдөрүн башкаруу чөйрөсүндөгү ыйгарым укуктуу мамлекеттик орган тарабынан аныкталган бузууларды четтетүү боюнча талаптарды коюу үчүн 2019-жылдын 1-январына чейинки мезгил үчүн камсыздандыруу төгүмдөрүн төлөөчүлөргө камсыздандыруу төгүмдөрүн, финансылык жана айып санкцияларын кошуп эсептөөнү;"; 2) 3-статьяда: а) биринчи бөлүктө: - тогузунчу абзац төмөнкүдөй редакцияда баяндалсын: "- камсыздандыруу төгүмдөрүн башкаруу чөйрөсүндөгү ыйгарым укуктуу мамлекеттик органга жана укук коргоо органдарына мамлекеттик социалдык камсыздандыруу боюнча мыйзамдардын талаптары бузулгандыгы жөнүндө маалыматты жана материалдарды берүүгө;"; - он бешинчи абзац төмөнкүдөй редакцияда баяндалсын: "- мамлекеттик социалдык камсыздандыруу системасынын финансылык туруктуулугун камсыз кылуу үчүн резервдик фонддорду, ошондой эле өнүктүрүү фонддорун түзүүгө. Резервдик фонддорду жана өнүктүрүү фондун түзүү жана пайдалануу тартиби Мамлекеттик социалдык камсыздандырууну башкаруу боюнча байкоочу кеңеш тарабынан аныкталат;"; - жыйырма биринчи абзацта "Өкмөтү" деген сөз "Министрлер Кабинети" деген сөздөргө алмаштырылсын; - төмөнкүдөй мазмундагы жыйырма үчүнчү абзац менен толукталсын: "- мамлекеттик социалдык камсыздандыруу системасын жөнгө салуу жана жеке маалыматтар менен иштөө чөйрөсүндөгү Кыргыз Республикасынын мыйзамдарында белгиленген өздөрүнүн ыйгарым укуктарынын жана компетенциясынын чегинде башка жеке маалымат кармоочуларында (ээлеринде) болгон жеке маалыматтарды суратууга, алууга, иштеп чыгууга жана берүүгө, анын ичинде түздөн-түз мамлекеттик социалдык камсыздандыруу максатында гана жеке маалымат субъектинин макулдугусуз;"; б) экинчи бөлүк төмөнкүдөй мазмундагы он алтынчы абзац менен толукталсын: "- 2019-жылдын 1-январына чейинки мезгил үчүн эсептелген камсыздандыруу төгүмдөрү, туумдар, айыптар жана башка финансылык санкциялар боюнча карыздардын суммаларын төлөөчүдөн өндүрүү жөнүндө маалыматты камсыздандыруу төгүмдөрүн башкаруу чөйрөсүндөгү ыйгарым укуктуу мамлекеттик органга берүүгө;"; 3) 4 жана 5-статьялар төмөнкүдөй редакцияда баяндалсын: "4-статья. Мамлекеттик социалдык камсыздандыруунун жана Социалдык фонддун каражаттары 1. Мамлекеттик социалдык камсыздандыруунун каражаттары иш берүүчүлөрдүн жана жарандардын милдеттүү камсыздандыруу төгүмдөрүнүн эсебинен түзүлөт. 2. Социалдык фонддун каражаттары төмөнкүдөй киреше булактарынын эсебинен түзүлөт: - пенсиялык топтоолорду кошпогондо, мамлекеттик социалдык камсыздандыруунун каражаттарынан; - Мамлекеттик топтоочу пенсиялык фондуна түшкөн камсыздандыруу төгүмдөрүн жана пенсиялык топтоо каражаттарын инвестициялоо боюнча операциялардан алынган инвестициялык кирешелерди кошпогондо, Кыргыз Республикасынын мыйзамдарына ылайык иш берүүчүлөрдүн, иштеген жарандардын жана башка адамдардын камсыздандыруу төгүмдөрүнөн; - Кыргыз Республикасынын Бюджеттик кодексинде каралган республикалык бюджеттен ассигнованиелерден; - камсыздандыруу төгүмдөрүн өз убагында жана толук которбогондугу үчүн туумдардан, айыптардан жана пайыздардан; - регресстик талаптарды коюунун натыйжасында иш берүүчүлөрдөн жана жарандардан өндүрүлгөн каражаттардан; - эмгектин өзгөчө шарттары үчүн пенсияларды төлөөгө иш берүүчүлөр которгон каражаттардан; - жоюлуп жаткан ишканалардын кызматкерлерине пенсияларды жана жөлөкпулдарды төлөө үчүн капиталдаштырылган суммалардан; - Социалдык фондго таандык ишканалардын акциялары боюнча дивиденддерден; - Кыргыз Республикасынын юридикалык жана жеке жактарынын жана чет өлкөлүк жарандардын ыктыярдуу төгүмдөрүнөн; - Социалдык фонддун бош каражаттарын жайгаштыруудан алынган кирешелерден; - Социалдык фондго таандык, анын ичинде ыкчам башкаруу укугундагы мүлктү сатуудан жана ижарага берүүдөн алынган кирешелерден, толук көлөмдө; - акы төлөнүүчү негизде мамлекеттик кызмат көрсөтүүлөрдөн алынган кирешелерден; - Кыргыз Республикасынын мыйзамдарына каршы келбеген башка түшүүлөрдөн. 3. Социалдык фонддун каражаттары төмөнкүлөрдү каржылоого жумшалат: - мамлекеттик социалдык камсыздандыруу жана пенсиялык камсыздоо боюнча Кыргыз Республикасынын мыйзамдарына ылайык пенсияларды жана жөлөкпулдарды төлөөнү; - Кыргыз Республикасынын эмгек мыйзамдарына жана мамлекеттик социалдык камсыздандыруу боюнча мыйзамдарына ылайык эмгектик мертинүү же кесиптик оору боюнча компенсацияларды төлөөнү; - милдеттүү медициналык камсыздандырууну; - камсыздандырылган адамдардын жана алардын багуусундагы үй-бүлө мүчөлөрүнүн ден соолугун чыңдоо боюнча иш-чараларды; - Социалдык фонддун учурдагы ишин материалдык-техникалык жана финансылык жактан камсыз кылууну; - резервдик фонддорду жана өнүктүрүү фонддорун. 4. Социалдык фондго түшкөн каражаттарды каржылануучу фонддор боюнча бөлүштүрүү Социалдык фонддун учурдагы ишинин чыгымдарын, пенсияларды жеткирүү жана төлөө чыгымдарын каржылоого жиберилүүчү суммаларды алып салгандан кийин жүзөгө ашырылат. Социалдык фонддун учурдагы ишинин чыгымдары жыл сайын түшкөн камсыздандыруу төгүмдөрүнүн эсебинен каржыланат жана алардын жалпы көлөмүнүн 3 пайызынан ашпоого тийиш. Почталык байланыш уюмдары тарабынан пенсияларды жана жөлөкпулдарды жеткирүү жана төлөө боюнча кызмат көрсөтүүлөр үчүн чыгымдардын ченемдери Кыргыз Республикасынын Министрлер Кабинети тарабынан белгиленет, банк уюмдары тарабынан пенсияларды жана жөлөкпулдарды төлөө боюнча кызмат көрсөтүүлөр үчүн чыгымдардын ченемдери мамлекеттик сатып алуулар жөнүндө Кыргыз Республикасынын мыйзамдарынын талаптарына ылайык белгиленет. --- Мурунку берене: [3-берене](https://aqlex.ai/kg/doc/112574/st-3) Кийинки берене: [5-статья](https://aqlex.ai/kg/doc/112574/st-5)