# 14-берене. Жеке нотариалдык ишти жүргүзүүгө лицензия

- Документ: [Нотариат жөнүндө](https://aqlex.ai/kg/doc/112540)
- Документтеги орду: 2-глава
- Толук аталышы: Кыргыз Республикасынын 2023-жылдын 9-мартындагы № 54 "Нотариат жөнүндө" Мыйзамы
- Актынын түрү: Закон
- Номери: 54
- Кабыл алынган күнү: 09.03.2023
- Статусу: Күчүндө
- Редакциянын күнү: 29.10.2025
- Акыркы өзгөртүү: [Закон КР от 29 октября 2025 года № 243 "О внесении изменений в некоторые законодательные акты Кыргызской Республики в сфере налогообложения"](https://aqlex.ai/kg/doc/230034409)
- Берененин өзгөртүүлөрү: 29.10.2025 [Закон КР от 29 октября 2025 года № 243 "О внесении изменений в некоторые законодательные акты Кыргызской Республики в сфере налогообложения"](https://aqlex.ai/kg/doc/230034409); 30.07.2025 [Закон КР от 30 июля 2025 года № 171 "О внесении изменений в Закон Кыргызской Республики "О нотариате"](https://aqlex.ai/kg/doc/230029759); 26.06.2024 [Закон КР от 26 июня 2024 года № 103 "О внесении изменений в некоторые законодательные акты Кыргызской Республики (в законы Кыргызской Республики "О лицензионно-разрешительной системе в Кыргызской Республике", "О нотариате")"](https://aqlex.ai/kg/doc/230009698)
- Редакцияларды салыштыруу: <https://aqlex.ai/kg/doc/112540#diff=35854..44211>
- Тексттин тили: кыргыз тили
- aqlex'теги барагы: <https://aqlex.ai/kg/doc/112540/st-14>
- Расмий булак: <https://cbd.minjust.gov.kg/4-3305/edition/1244951/ru>
- Башка тилдеги тексти (Markdown): <https://aqlex.ai/doc/112540/st-14.md>

> Текст расмий булактын маалыматы боюнча 29.10.2025 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Нотариат жөнүндө, 14-берене (29.10.2025 редакциясы) - https://aqlex.ai/kg/doc/112540/st-14

---

1. Лицензия - адамдын жеке нотариалдык ишти жүргүзүүгө укугу жөнүндө күбөлөндүргөн, белгиленген формадагы документ.

Аймактык колдонуу чөйрөсү боюнча лицензиялар төмөнкүдөй айырмаланат:

- ушул Мыйзамдын 19-беренесинин 2-1-бөлүгүндө аныкталган Кыргыз Республикасынын аймагында жеке нотариалдык иш жүргүзүүгө универсалдуу лицензия;

- Кыргыз Республикасынын белгилүү бир аймагында жеке нотариалдык иш жүргүзүүгө локалдаштырылган лицензия.

2. Лицензия тандалган салык режими боюнча салык төлөөчү катары салык кызматынын органдарында салыктык каттоосу бар болгондо жеке нотариалдык ишти жүргүзүү укугуна лизензия алууга талапкер адамдардан Юстиция министрлигинин алдындагы Квалификациялык экзаменди кабыл алуу боюнча квалификациялык комиссиянын (мындан ары - Квалификациялык комиссия) чечиминин негизинде квалификациялык экзаменди тапшыргандан кийин бир айдын ичинде Юстиция министрлиги тарабынан берилет.

Юстиция министрлиги лицензияны бергенден кийин 10 жумуш күндүн ичинде аны Нотариалдык палатанын мүчөлүгүнө киргизүү үчүн Нотариалдык палатага билдирет.

3. Квалификациялык экзаменди тапшырбаган адамдар кайталап стжировкадан өткөндөн жана Квалификациялык комиссия чечим кабыл алгандан кийин кайра тапшырууга киргизилет.

4. Лицензия биринчи жолу 5 жылга берилет, андан кийин, эгер жеке нотариалдык ишти жүргүзүү мезгилинде ушул Мыйзамдын 17-беренесинин 1-бөлүгүнүн 3-9-пункттарында каралган негиздер боюнча лицензия токтотулуп турбаса, квалификациялык экзаменди тапшырбастан кийинки 10 жылга жана андан кийин ал чектелген куракка жеткенге чейин узартылат.

5. Лицензияны алгандан кийин бир жылдын ичинде нотариалдык ишти жүргүзүүгө киришпеген адамга квалификациялык экзаменди кайрадан тапшыргандан кийин нотариалдык ишти жүргүзүүгө жол берилет.

6. Жеке нотариалдык ишти лицензиялоонун өзгөчөлүктөрү, ошондой эле лицензияны берүү тартиби жана формасы Юстиция министрлиги тарабынан аныкталат.

(КР 2024-жылдын 26-июнундагы N 103, 2025-жылдын 30-июлундагы N 171 , 2025-жылдын 29-октябрындагы № 243 Мыйзамдарынын редакцияларына ылайык)

---

Мурунку берене: [13-берене](https://aqlex.ai/kg/doc/112540/st-13)  
Кийинки берене: [15-берене](https://aqlex.ai/kg/doc/112540/st-15)