# Кыргыз Республикасынын 2023-жылдын 24-февралындагы № 41 "Тышкы миграция жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Мыйзамы - Толук аталышы: Кыргыз Республикасынын 2023-жылдын 24-февралындагы № 41 "Тышкы миграция жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Мыйзамы - Актынын түрү: Закон - Номери: 41 - Кабыл алынган күнү: 24.02.2023 - Статусу: Күчүндө - Редакциянын күнү: 24.02.2023 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 24.02.2023 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын 2023-жылдын 24-февралындагы № 41 "Тышкы миграция жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Мыйзамы (24.02.2023 редакциясы) - https://aqlex.ai/kg/doc/112532 --- КЫРГЫЗ РЕСПУБЛИКАСЫНЫН МЫЙЗАМЫ 2023-жылдын 24-февралы № 41 "Тышкы миграция жөнүндө" Кыргыз Республикасынын Мыйзамына өзгөртүүлөрдү киргизүү тууралуу ### [1-берене](https://aqlex.ai/kg/doc/112532/st-1) "Тышкы миграция жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2000-жыл, № 7, 371-ст.) төмөнкүдөй өзгөртүүлөр киргизилсин: 1) 14-статьянын онунчу абзацы төмөнкүдөй редакцияда баяндалсын: "- инвестициялоо максаты менен Кыргыз Республикасына келип жаткан чет өлкөлүк жарандарга жана жарандыгы жок адамдарга - инвестицияларды илгерилетүү боюнча ыйгарым укуктуу мамлекеттик орган тарабынан берилген, Кыргыз Республикасынын экономикасына ушул Мыйзамдын 142-статьясында көрсөтүлгөн салымын ырастоочу документ."; 2) Мыйзам төмөнкүдөй мазмундагы 142-статья менен толукталсын: "142-статья. Инвестициялык визалардын колдонулуу мөөнөттөрү Инвестициялык виза төмөнкүдөй мөөнөттөргө берилет: - 5 жылга, эгерде инвестор өлкөнүн экономикасына он миллион сомдон кем эмес суммага эквиваленттүү акчалай жана материалдык баалуулуктар түрүндө салым кошсо; - 10 жылга, эгерде инвестор өлкөнүн экономикасына жыйырма миллион сомдон кем эмес суммага эквиваленттүү акчалай жана материалдык баалуулуктар түрүндө салым кошсо. Инвестор өлкөнүн экономикасына чет өлкөлүк валютада салым кошууга укуктуу.". ### [2-берене](https://aqlex.ai/kg/doc/112532/st-2) Ушул Мыйзам расмий жарыяланган күндөн тартып он беш күн өткөндөн кийин күчүнө кирет. "Эркин Тоо" газетасынын 2023-жылдын 28-февралындагы № 15(3464) жарыяланды Кыргыз Республикасынын Министрлер Кабинети өзүнүн чечимдерин ушул Мыйзамга ылайык келтирсин. Кыргыз Республикасынын Президенти С.Н.Жапаров 2023-жылдын 11-январында Кыргыз Республикасынын Жогорку Кеңеши тарабынан кабыл алынган