# 7-берене. ЭКБны пайдаланууну илгерилетүү

- Документ: [Энергиянын кайра жаралуучу булактары жөнүндө](https://aqlex.ai/kg/doc/112382)
- Документтеги орду: 2-глава
- Толук аталышы: Кыргыз Республикасынын 2022-жылдын 30-июнундагы № 49 "Энергиянын кайра жаралуучу булактары жөнүндө" Мыйзамы
- Актынын түрү: Закон
- Номери: 49
- Кабыл алынган күнү: 30.06.2022
- Статусу: Күчүндө
- Редакциянын күнү: 03.04.2026
- Акыркы өзгөртүү: [Закон КР от 3 апреля 2026 года № 38 "О внесении изменений в Закон Кыргызской Республики "О возобновляемых источниках энергии"](https://aqlex.ai/kg/doc/230044115)
- Редакцияларды салыштыруу: <https://aqlex.ai/kg/doc/112382#diff=35985..51150>
- Тексттин тили: кыргыз тили
- aqlex'теги барагы: <https://aqlex.ai/kg/doc/112382/st-7>
- Расмий булак: <https://cbd.minjust.gov.kg/4-3169/edition/1279295/ru>
- Башка тилдеги тексти (Markdown): <https://aqlex.ai/doc/112382/st-7.md>

> Текст расмий булактын маалыматы боюнча 03.04.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Энергиянын кайра жаралуучу булактары жөнүндө, 7-берене (03.04.2026 редакциясы) - https://aqlex.ai/kg/doc/112382/st-7

---

Кыргыз Республикасынын Министрлер Кабинети ЭКБны пайдаланууну илгерилетүүнү төмөнкүлөр аркылуу жүзөгө ашырат:

1) ЭКБны өздөштүрүүдө артыкчылыктарды аныктоо;

2) скважиналарды, өндүрүш процессинде айлана-чөйрөнү булгаган заттарды эвакуациялоону жана кайра жаралуучу отунду колдонууну кошо алганда, ЭКБны өздөштүрүү процессинде экологиялык таза технологияларды же калдыктары төмөнкү жана коопсуз деңгээлдеги технологияларды иштеп чыгуу жана ишке киргизүү боюнча мыйзамдарда каралган экономикалык механизмдердин жана түрткү берүүчү чаралардын кепилденген иштеши;

3) энергия сервисин жана жергиликтүү өндүрүштүн иштешин камсыз кылуу, калктын жашоо-тиричилигин камсыздоо үчүн шаарларда, ошондой эле айыл жергесинде кайра жаралуучу энергиянын көз карандысыз тутумдарын курууну колдоо;

4) ысык суу менен жабдуу, жылытуу, муздатуу жана электр энергиясын иштеп чыгаруу үчүн күндүн энергия тутумдарынын жабдууларын орнотуу жана пайдалануу боюнча ишти колдоо;

5) айыл чарба өндүрүшүнүн жана кайра иштетүүчү өнөр жайдын органикалык калдыктарын сарамжалдуу пайдалануу үчүн биогаз орнотмолорунун түйүндөрүн орнотуу жана түзүү боюнча ишти колдоо;

6) ЭКБны пайдалануу менен орнотмолорду туруктуу өндүрүүнү камсыз кылуучу сервистик борборлорду түзүүнү колдоо, түзүлүүчү тутумдарды оңдоо жана тейлөө;

7) ЭКБны пайдалануу менен алынган электр энергиясын кепилденген сатып алууну жүзөгө ашыруу.

(КР 2026-жылдын 3-апрелиндеги № 38 Мыйзамынын редакциясына ылайык)

---

Мурунку берене: [6-берене](https://aqlex.ai/kg/doc/112382/st-6)  
Кийинки берене: [8-берене](https://aqlex.ai/kg/doc/112382/st-8)