# 2-берене. Жол фондунун каражаттарын түзүүнүн булактары

- Документ: [Жол фонду жөнүндө](https://aqlex.ai/kg/doc/112371)
- Толук аталышы: КР 2022-жылдын 30-майындагы № 36 "Жол фонду жөнүндө" Мыйзамы
- Актынын түрү: Закон
- Номери: 36
- Кабыл алынган күнү: 30.05.2022
- Статусу: Күчүндө
- Редакциянын күнү: 16.05.2026
- Акыркы өзгөртүү: [Закон КР от 16 мая 2026 года № 67 "О внесении изменений в Закон Кыргызской Республики "О Дорожном фонде"](https://aqlex.ai/kg/doc/230046049)
- Берененин өзгөртүүлөрү: 16.05.2026 [Закон КР от 16 мая 2026 года № 67 "О внесении изменений в Закон Кыргызской Республики "О Дорожном фонде"](https://aqlex.ai/kg/doc/230046049); 16.12.2024 [Закон КР от 16 декабря 2024 года № 202 "О внесении изменений в некоторые законодательные акты Кыргызской Республики (в Кодекс Кыргызской Республики о неналоговых доходах, Закон Кыргызской Республики "О Дорожном фонде")"](https://aqlex.ai/kg/doc/230019616); 15.02.2024 [Закон Кыргызской Республики от 15 февраля 2024 года № 43 "О внесении изменения в Закон Кыргызской Республики "О Дорожном фонде"](https://aqlex.ai/kg/doc/230001858)
- Редакцияларды салыштыруу: <https://aqlex.ai/kg/doc/112371#diff=32292..52989>
- Тексттин тили: кыргыз тили
- aqlex'теги барагы: <https://aqlex.ai/kg/doc/112371/st-2>
- Расмий булак: <https://cbd.minjust.gov.kg/4-3158/edition/1177681/ru>
- Башка тилдеги тексти (Markdown): <https://aqlex.ai/doc/112371/st-2.md>

> Текст расмий булактын маалыматы боюнча 16.05.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Жол фонду жөнүндө, 2-берене (16.05.2026 редакциясы) - https://aqlex.ai/kg/doc/112371/st-2

---

1. Жол фондунун каражаттары төмөнкү булактардын эсебинен түзүлөт:

1) республикалык бюджеттен жалпы пайдалануудагы автомобиль жолдорун жана жол курулмаларын долбоорлоого, курууга, реконструкциялоого, оңдоого жана күтүүгө багытталган ассигнованиелерден;

2) бензинге, жеңил жана орто дистилляттарга жана башка бензиндерге, дизелдик жана (же) карбюратордук (инжектордук) кыймылдаткычтар үчүн дизель отунуна, автомобиль күйүүчү майы катары пайдаланылган суюлтулган көмүр суутек газына (СКГ), мотор майларына болгон акциздик салыктын элүүдөн кем эмес пайызынан;

3) автомототранспорттук каражаттарды каттоо үчүн жыйымдардан;

4) (КР 2026-жылдын 16-майындагы № 67 Мыйзамына ылайык күчүн жоготту)

5) (КР 2026-жылдын 16-майындагы № 67 Мыйзамына ылайык күчүн жоготту)

6) жалпы пайдалануудагы автомобиль жолдорундагы жасалма курулмалар аркылуу жүргөндүгү үчүн жыйымдардан;

7) жалпы пайдалануудагы автомобиль жолдору боюнча жүргөндүгү үчүн жүк ташуучу транспорттон жана автобустардан алынуучу жыйымдардан;

8) (КР 2026-жылдын 16-майындагы № 67 Мыйзамына ылайык күчүн жоготту)

9) жалпы пайдалануудагы автомобиль жолдорунда жүрүү үчүн транспорт каражаттарынын белгиленген салмак-габариттик параметрлеринин жол берилген ченемдерин сактабагандыгы (ашып кеткендиги) үчүн айып пулдардан;

10) (КР 2026-жылдын 16-майындагы № 67 Мыйзамына ылайык күчүн жоготту)

11) чет өлкөлүк инвестициялардан жана гранттардан;

12) жол иштерин финансылык камсыздоого карата жеке жана юридикалык жактардан түшкөн кайтарымсыз каражаттардан, анын ичинде ыктыярдуу кайрымдуулуктардан;

13) автомобиль жолдору чөйрөсүндөгү мамлекеттик-жеке өнөктөштүк долбоорлору боюнча каражаттардан;

14) автомобиль жана суу транспорту чөйрөсүндөгү лицензияларды жана уруксаттарды берүүдө мамлекеттик алымдарды алуудан түшкөн каражаттардан;

15) Үстөк айыптарды (айып пулдар, туумдар) төлөөдөн республикалык бюджетке түшүүчү акча каражаттарынан, ошондой эле Жол фондунун каражаттарынын эсебинен каржылануучу мамлекеттик контракттын же башка келишимдердин шарттары аткаруучу (подрядчик) тарабынан бузулгандыгына байланыштуу же мындай контрактты же башка келишимдерди түзүүдөн качкандыгына байланыштуу белгиленген тартипте өндүрүп алынган мамлекеттик тапшырыкчыга келтирилген зыяндын ордун толтуруудан;

16) Жол фондунун каражаттарынын эсебинен каржылануучу мамлекеттик контрактты түзүү максатында өткөрүлгөн конкурстун же аукциондун катышуучусу, конкурстун же аукциондун катышуучулары мындай контрактты түзүүдөн качкан учурда жана Кыргыз Республикасынын мыйзамдарында белгиленген башка учурларда, мындай конкурска же аукционго катышууга өтүнмөнү камсыз кылуу катары төккөн акча каражаттарынан.

17) автомобиль жолдорун оңдоого, күтүүгө, курууга жана реконструкциялоого жыйымдардан.

2. Ушул берененин 1-бөлүгүндө каралган жыйымдардын, айып пулдардын жана келип түшкөн каражаттардын өлчөмдөрү, аларды чегерүү, эсепке алуу, эсептөөнүн тууралыгына, толуктугуна жана өз убагында төлөнүшүн контролдоо тартиби салыктык, салыктык эмес мыйзамдарга жана укук бузуулар жана мамлекеттик сатып алуулар жөнүндө мыйзамдарга ылайык белгиленет.

(КР 2024-жылдын 15-февралындагы N 43 , 2024-жылдын 16-декабрындагы № 202, 2026-жылдын 16-майындагы № 67 Мыйзамдарынын редакциясына ылайык)

---

Мурунку берене: [1-берене](https://aqlex.ai/kg/doc/112371/st-1)  
Кийинки берене: [3-берене](https://aqlex.ai/kg/doc/112371/st-3)