# 6-берене - Документ: [Кыргыз Республикасынын Салык кодексин колдонууга киргизүү жөнүндө](https://aqlex.ai/kg/doc/112342) - Толук аталышы: Кыргыз Республикасынын 2022-жылдын 18-январындагы № 4 "Кыргыз Республикасынын Салык кодексин колдонууга киргизүү жөнүндө" Мыйзамы - Актынын түрү: Закон - Номери: 4 - Кабыл алынган күнү: 18.01.2022 - Статусу: Күчүндө - Редакциянын күнү: 06.08.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 06.08.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Салык кодексин колдонууга киргизүү жөнүндө, 6-берене (06.08.2026 редакциясы) - https://aqlex.ai/kg/doc/112342/st-6 --- "Керектөөчүлөрдүн укуктарын коргоо жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1998-ж., № 2, 5-ст.) төмөнкүдөй өзгөртүүлөр киргизилсин: 1) 11 -берене төмөнкүдөй мазмундагы он алтынчы жана он жетинчи абзацтар менен толукталсын: "виртуалдык актив - бул наркы бар, баалуулуктардын санариптик туюнтмасы жана (же) мүлктүк жана (же) мүлктүк эмес укуктарды күбөлөндүрүүчү каражат болуп саналган электрондук-санариптик формадагы маалыматтардын жыйындысы, ал бөлүштүрүлгөн реестрлердин технологияларын же ушуга окшош технологияларды пайдалануу менен түзүлөт, сакталат жана жүгүртүлөт жана акча бирдиги (валюта), төлөм каражаты жана баалуу кагаз болуп саналбайт; виртуалдык активди сатуу - виртуалдык активди улуттук же чет өлкөлүк валютага алмаштыруу. Бир виртуалдык активди башка виртуалдык активге алмаштыруу аны сатуу болуп таанылбайт."; 2) 241-берененин 3-пунктунда: а) биринчи абзацтагы "беш" деген сөз "он төрт" деген сөзгө алмаштырылсын; б) төртүнчү абзацтагы "он күндөн кечиктирбестен" деген сөздөрдөн кийин ", же болбосо сатуучу кайтарылган товарды алган күндөн тартып беш күндөн кечиктирбестен" деген сөздөр менен толукталсын; в) пункт төмөнкүдөй мазмундагы бешинчи жана алтынчы абзацтар менен толукталсын: "Сатуучу кайтарылып берилген товарды алган датаны ырастоосу болуп товарды өткөрүп берүү жөнүндө почта же чабарман кызматынын белгилөөсү саналат. Дистанттык ыкмада сатып алынган товарларды кайтаруу менен байланышкан чыгымдарды сатуучу көтөрөт.". --- Мурунку берене: [5-берене](https://aqlex.ai/kg/doc/112342/st-5) Кийинки берене: [7-берене](https://aqlex.ai/kg/doc/112342/st-7)