# 328-берене. Нөлдүк ставка боюнча, салык салынуучу берүүлөр боюнча КНС ашкан сумманы кайтарып берүүнүн жөнөкөйлөтүлгөн тартиби

- Документ: [Кыргыз Республикасынын Салык кодекси](https://aqlex.ai/kg/doc/112340)
- Документтеги орду: 40-глава
- Толук аталышы: 2022-жылдын 18-январындагы № 3 Кыргыз Республикасынын Салык кодекси
- Актынын түрү: Кодекс
- Номери: 3
- Кабыл алынган күнү: 18.01.2022
- Статусу: Күчүндө
- Редакциянын күнү: 06.08.2026
- Акыркы өзгөртүү: [Закон КР от 2 февраля 2024 года № 31 "О внесении изменений в Налоговый кодекс Кыргызской Республики"](https://aqlex.ai/kg/doc/230001081)
- Редакцияларды салыштыруу: <https://aqlex.ai/kg/doc/112340#diff=1286442..2264>
- Тексттин тили: кыргыз тили
- aqlex'теги барагы: <https://aqlex.ai/kg/doc/112340/st-328>
- Расмий булак: <https://cbd.minjust.gov.kg/112340/edition/1286440/ru>
- Башка тилдеги тексти (Markdown): <https://aqlex.ai/doc/112340/st-328.md>

> Текст расмий булактын маалыматы боюнча 06.08.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын Салык кодекси, 328-берене (06.08.2026 редакциясы) - https://aqlex.ai/kg/doc/112340/st-328

---

1. КНС төлөөчү төмөнкү шарттарды бир эле учурда сактаганда КНСтин ашыкча суммасын кайтарып берүүнүн жөнөкөйлөтүлгөн тартибине укуктуу:

1) КНС төлөөчү нөлдүк ставка менен берүүлөрдү жүзөгө ашырса жана бул берүүлөрдүн жалпы наркы катары менен келген 6 айга барабар болгон мезгил үчүн салык салынуучу берүүлөрдүн жалпы көлөмүнүн 50 пайызынан кем эмесин түзсө;

2) акыркы 12 календардык ай үчүн нөлдүк ставка боюнча салык салынуучу КНС төлөөчүнүн берүүлөрүнүн наркы 40 миллион сомдон кем эмес болсо;

3) КНС салык төлөөчүнүн өздүк негизги каражаттарынын наркы 15 миллион сомдон кем эмес болсо.

2. Ушул берененин 1-бөлүгүндө көрсөтүлгөн шартка ылайык келген КНС төлөөчүнүн арызын кабыл алууда, КНС ашыкча суммасынын негизсиз түзүлүшүнүн тобокелдик факторлорунун негизинде салык органы, арыз алынган күндөн кийинки 5 жумушчу күндүн ичинде КНС кайтарып берүү жана/же ордун толтуруу жөнүндө же ушул беренеге ылайык жөнөкөйлөтүлгөн тартипте КНСти кайтарып берүүдөн жана/же ордун толтуруудан баш тартуу жөнүндө чечим кабыл алууга милдеттүү.

3. КНС ашкан сумманы кайтарып берүү ушул берененин 2-бөлүгүнө ылайык кабыл алынган КНС ашкан суммасын кайтарып берүү жөнүндө салык органы чечим чыгарган күндөн кийинки 5 жумушчу күндүн ичинде жүргүзүлөт.

4. Аларга карата КНСтин ашыкча суммасы жөнөкөйлөштүрүлгөн тартипте кайтарылган КНСтин салык төлөөчүлөрү үчүн КНСтин ашыкча суммасын түзүүнүн жана өлчөмүнүн негиздүүлүгү салык кызматынын органдары тарабынан салыктык көчмө текшерүүнүн жүрүшүндө ушул Кодекстин 117-беренесине ылайык ырасталат.

5. КНС ашкан суммасынын ордун толтуруу жана/же кайтаруу жөнүндө салык төлөөчүгө чечим КНС төлөөчүнүн учурдагы салыктык эсепке алган жери боюнча салык органы тарабынан кабыл алынат.

(Кыргыз Республикасынын 2024-жылдын 2-февралындагы № 31 Мыйзамынын редакциясына ылайык)

---

Мурунку берене: [327-берене](https://aqlex.ai/kg/doc/112340/st-327)  
Кийинки берене: [329-берене](https://aqlex.ai/kg/doc/112340/st-329)