# 539-берене. Укук бузуулар жөнүндө иш боюнча токтом

- Документ: [Кыргыз Республикасынын укук бузуулар жөнүндө кодекси](https://aqlex.ai/kg/doc/112306)
- Документтеги орду: 56-глава
- Толук аталышы: Кыргыз Республикасынын 2021-жылдын 28-октябрындагы № 128 "Кыргыз Республикасынын укук бузуулар жөнүндө кодекси" кодекси
- Актынын түрү: Кодекс
- Номери: 128
- Кабыл алынган күнү: 28.10.2021
- Статусу: Күчүндө
- Редакциянын күнү: 09.10.2026
- Тексттин тили: кыргыз тили
- aqlex'теги барагы: <https://aqlex.ai/kg/doc/112306/st-539>
- Расмий булак: <https://cbd.minjust.gov.kg/112306/edition/1283322/ru>
- Башка тилдеги тексти (Markdown): <https://aqlex.ai/doc/112306/st-539.md>

> Текст расмий булактын маалыматы боюнча 09.10.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын укук бузуулар жөнүндө кодекси, 539-берене (09.10.2026 редакциясы) - https://aqlex.ai/kg/doc/112306/st-539

---

Сот же ыйгарым укуктуу орган (анын кызмат адамдары) укук бузуу жѳнүндѳ иш боюнча кагаз түрүндө же болбосо электрондук кол тамга менен күбөлөндүрүлгөн электрондук документ формасында токтом чыгарат, бул маалыматтар Укук бузуулардын бирдиктүү реестринин автоматташтырылган маалымат тутумуна (АМТ) киргизилет.

2. Токтомдо төмөнкүлөр камтылууга тийиш:

1) соттун аталышы, судьянын же токтом чыгарган ыйгарым укуктуу органдын кызмат адамынын фамилиясы, аты, атасынын аты;

2) ишти кароо күнү;

3) иши каралып жаткан адам жөнүндө (жол кыймылынын эрежелерин бузгандыгы менен байланышкан укук бузуулар боюнча, транспорттук каражат жөнүндө) маалымат;

4) ишти кароодо аныкталган жагдайлардын баяндамасы;

5) бул укук бузуулар үчүн жоопкерчилик каралган ушул Кодекстин беренесин көрсөтүү;

6) иш боюнча кабыл алынган чечим.

3. Эгерде сот же ыйгарым укуктуу орган тарабынан жаза чарасын колдонуу жөнүндө маселени чечүүдө бир эле убакта күнөлүүнүн материалдык зыяндын ордун толтуруусу жөнүндө маселе чечилсе, анда иш боюнча токтомдо орду толтурууга тийиш болгон зыяндын өлчөмү, ордун толтуруу мөөнөтү жана тартиби көрсөтүлөт.

4. Мүлктү убактылуу алып коюу түрүндөгү кошумча укуктук кесепеттер колдонулган учурда соттун иш боюнча токтому менен ушул Кодекстин 540-беренесине ылайык алып коюлган мүлктүн андан аркы тагдыры жөнүндө маселе чечилиши керек.

Мүлктү убактылуу алып коюу түрүндөгү кошумча укуктук кесепеттер колдонуунун алкагында ыйгарым укуктуу орган ишти караган учурда, ал укук бузуулар жөнүндө иш боюнча токтомду жана протоколду, ошондой эле ушул Кодекстин 540-беренесинде каралган тартипте чечим кабыл алуу үчүн башка материалдарды сотко жөнөтөт.

5. Укук бузуулар жөнүндө иш боюнча кабыл алынган токтомго судъя, ыйгарым укуктуу органдын кызмат адамы кол коёт.

6. Укук бузуу жөнүндө иш боюнча токтом, эгерде ал даттанылбаса, даттануунун мөөнөтү бүткөндөн кийин мыйзамдуу күчүнө кирет.

---

Мурунку берене: [538-берене](https://aqlex.ai/kg/doc/112306/st-538)  
Кийинки берене: [540-берене](https://aqlex.ai/kg/doc/112306/st-540)