# 526-берене. Кармоо мөөнөттөрү - Документ: [Кыргыз Республикасынын укук бузуулар жөнүндө кодекси](https://aqlex.ai/kg/doc/112306) - Документтеги орду: 55-глава - Толук аталышы: Кыргыз Республикасынын 2021-жылдын 28-октябрындагы № 128 "Кыргыз Республикасынын укук бузуулар жөнүндө кодекси" кодекси - Актынын түрү: Кодекс - Номери: 128 - Кабыл алынган күнү: 28.10.2021 - Статусу: Күчүндө - Редакциянын күнү: 09.10.2026 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 09.10.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын укук бузуулар жөнүндө кодекси, 526-берене (09.10.2026 редакциясы) - https://aqlex.ai/kg/doc/112306/st-526 --- 1. Укук бузган адамды кармоо мөөнөтү үч сааттан ашпоого тийиш. 2. Өзгөчө учурларда, материалдар сот же согуштук же өзгөчө абал шарттарында комендант тарабынан каралганга чейин, укук бузуу боюнча кошумча жагдайларды тактоо зарыл болгондо же кармалган адамдын өздүгүн аныктоо зарыл болгондо, ички иштер органынын башчысы же анын орун басарлары тарабынан кармоо мөөнөтү кармалган учурдан тартып 24 сааттын ичинде, бул жөнүндө прокурорго жазуу жүзүндө кабарлоо менен 48 саатка чейин узартылышы мүмкүн, мында кармалган адам кармалган учурдан тартып 24 сааттын ичинде анын кармалуусунун мыйзамдуулугу жөнүндө маселени чечүү үчүн сотко жеткирилүүгө тийиш. 3. Мамлекеттик чек ара режимин же Кыргыз Республикасынын Мамлекеттик чек арасы аркылуу өткөрүү пункттарындагы режимди бузган адамдар протокол түзүү үчүн үч саатка чейинки мөөнөткө, ал эми ушул берененин 2-бөлүгүндө каралган учурларда 48 саатка чейинки мөөнөткө кармалышы мүмкүн, мында кармалган адам кармалган учурдан тартып 24 сааттын ичинде анын кармалуусунун мыйзамдуулугу жөнүндө маселени чечүү үчүн сотко жеткирилүүгө тийиш, ошондой эле бул тууралуу кармалган учурдан тартып 24 сааттын ичинде прокурорго жазуу жүзүндө кабарландырылат. 4. Эгерде адамды кармоого негиздер жок болуп чыкса, ал токтоосуз бошотулууга тийиш. 5. Кармалган ар бир адамга кармоонун жүйөсү жөнүндө кечиктирилбей билдирилүүсү, медициналык кароого, дарыгердин жардамына жана мамлекет кепилдеген квалификациялык юридикалык жардамга укугун кошуп алганда, анын укуктары түшүндүрүлүүгө жана камсыз кылынууга тийиш. 6. Иш жүзүндө эркиндигинен ажыратылган учурдан тартып адамга кармоону жүргүзгөн орган тарабынан коопсуздук камсыз кылынат. 7. Кармалган адамга анын кармалгандыгы жана жайгашкан жери тууралуу телефон аркылуу туугандарына кабарлоого мүмкүнчүлүк берилет. 8. Кармоонун мөөнөтү укук бузуучуну факт жүзүндө кармаган учурдан тартып эсептелет, бул тууралуу кармоо жөнүндө протоколдо көрсөтүлөт. --- Мурунку берене: [525-берене](https://aqlex.ai/kg/doc/112306/st-525) Кийинки берене: [527-берене](https://aqlex.ai/kg/doc/112306/st-527)