# 503-берене. Эксперт

- Документ: [Кыргыз Республикасынын укук бузуулар жөнүндө кодекси](https://aqlex.ai/kg/doc/112306)
- Документтеги орду: 52-глава
- Толук аталышы: Кыргыз Республикасынын 2021-жылдын 28-октябрындагы № 128 "Кыргыз Республикасынын укук бузуулар жөнүндө кодекси" кодекси
- Актынын түрү: Кодекс
- Номери: 128
- Кабыл алынган күнү: 28.10.2021
- Статусу: Күчүндө
- Редакциянын күнү: 09.10.2026
- Тексттин тили: кыргыз тили
- aqlex'теги барагы: <https://aqlex.ai/kg/doc/112306/st-503>
- Расмий булак: <https://cbd.minjust.gov.kg/112306/edition/1283322/ru>
- Башка тилдеги тексти (Markdown): <https://aqlex.ai/doc/112306/st-503.md>

> Текст расмий булактын маалыматы боюнча 09.10.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын укук бузуулар жөнүндө кодекси, 503-берене (09.10.2026 редакциясы) - https://aqlex.ai/kg/doc/112306/st-503

---

1. Эксперт атайын билимдин зарылчылыгы келип чыкканда сот, ыйгарым укуктуу орган тарабынан дайындалат.

2. Эксперт илим жана техника жаатында эксперттик атайын билими бар, иштин бүтүшүнө кызыкдар болбогон жана укук бузуулар жөнүндө өндүрүштүн катышуучулары сунуш кылган адамдардын ичинен дайындалат.

3. Эксперт чакыруу боюнча келүүгө жана алдына коюлган маселелер боюнча объективдүү корутунду берүүгө милдеттүү, ал коюлган маселелерди чечүүгө компетенттүү болуп саналат.

4. Эксперт төмөнкүлөргө укуктуу:

1) экспертизанын предметине тийиштүү иштин материалдары менен таанышууга;

2) корутунду берүү үчүн зарыл болгон кошумча материалдарды ага берүү жөнүндө өтүнүчүн билдирүүгө;

3) соттун, ыйгарым укуктуу органдын уруксаты менен укук бузуулар үчүн жоопкерчиликке тартылып жаткан адамга, күбөлөргө, жабыр тартуучуга экспертизанын предметине тийиштүү суроолорду берүүгө;

4) ишти кароого катышууга;

5) жоопкерчиликке тартылган жактын же жабыр тартуучунун тууганы болгон учурда, ошондой эле иштин чечилишине жеке кызыкдар болгон жагдайда өзүн четтетүүнү билдирүүгө.

5. Экспертизаны жүргүзүүгө байланыштуу чыгымдардын орду – өзүнүн демилгеси боюнча жүргүзүлгөн өндүрүштүн катышуучусунун эсебинен, ал эми ыйгарым укуктуу органдар үчүн аларга каралган каражаттардын эсебинен толтурулат.

6. Эксперт билип туруп жалган корутунду берген учурда, кылмыш-жаза жоопкерчилигине тартылат.

---

Мурунку берене: [502-берене](https://aqlex.ai/kg/doc/112306/st-502)  
Кийинки берене: [504-берене](https://aqlex.ai/kg/doc/112306/st-504)