# 497-берене. Укук бузуулар жөнүндө өндүрүштүн катышуучулары

- Документ: [Кыргыз Республикасынын укук бузуулар жөнүндө кодекси](https://aqlex.ai/kg/doc/112306)
- Документтеги орду: 52-глава
- Толук аталышы: Кыргыз Республикасынын 2021-жылдын 28-октябрындагы № 128 "Кыргыз Республикасынын укук бузуулар жөнүндө кодекси" кодекси
- Актынын түрү: Кодекс
- Номери: 128
- Кабыл алынган күнү: 28.10.2021
- Статусу: Күчүндө
- Редакциянын күнү: 09.10.2026
- Тексттин тили: кыргыз тили
- aqlex'теги барагы: <https://aqlex.ai/kg/doc/112306/st-497>
- Расмий булак: <https://cbd.minjust.gov.kg/112306/edition/1283322/ru>
- Башка тилдеги тексти (Markdown): <https://aqlex.ai/doc/112306/st-497.md>

> Текст расмий булактын маалыматы боюнча 09.10.2026 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Кыргыз Республикасынын укук бузуулар жөнүндө кодекси, 497-берене (09.10.2026 редакциясы) - https://aqlex.ai/kg/doc/112306/st-497

---

1. Укук бузуулар жөнүндө иш боюнча өндүрүштүн катышуучулары болуп төмөнкүлөр саналат:

1) укук бузууну жасагандыгы үчүн тартылып жаткан адам;

2) укук бузуу менен зыян келтирилген жабыр тартуучу адам;

3) күбө;

4) эксперт;

5) адис;

6) котормочу;

7) мыйзамдуу өкүл;

8) жактоочу, өкүл, адвокат.

2. Укук бузууларды жасагандыгы үчүн жоопкерчиликке тартылуучу жеке адам укук бузуу жөнүндө ишти кароодо жеке өзү катышат, ал эми юридикалык жак ушул Кодексте каралган учурларды кошпогондо, өкүл аркылуу катышат.

Эгерде укук бузуучу укук бузуу жөнүндө ишти кароо жери жана убакыты жөнүндө талапка ылайык билдирилгендигине карабастан, эки же андан көп жолу келбесе, сот, ыйгарым укуктуу орган тарабынан иш анын катышуусуз каралышы мүмкүн.

3. Укук бузуу жөнүндө иш сот тарабынан каралган учурларда, ишке укук бузуу жөнүндө протокол түзгөн органдын кызмат адамы катыша алат, ал иш боюнча далилдерди берүүгө, өтүнүч киргизүүгө, иштин жагдайлары боюнча түшүндүрмө берүүгө, соттун чечимине даттанууларды киргизүүгө укуктуу. Ыйгарым укуктуу органдын кызмат адамы ошондой эле ушул Кодексте каралган башка укуктарга ээ.

---

Мурунку берене: [4961-берене](https://aqlex.ai/kg/doc/112306/st-4961)  
Кийинки берене: [498-берене](https://aqlex.ai/kg/doc/112306/st-498)