171-берене. Суу транспортунда кыймылдын коопсуздук эрежелерин бузуу

1. Жүргүнчүлөрдү суу транспорту менен ташууда «Ташуучунун жүргүнчүлөрдүн алдындагы жарандык жоопкерчилигин милдеттүү камсыздандыруу жөнүндө» Кыргыз Республикасынын Мыйзамынын талаптарын бузуу же аткарбоо –

жеке жактарга 30 эсептик көрсөткүч, юридикалык жактарга 130 эсептик көрсөткүч өлчөмүндө айып пул салууга алып келет.

2. Порттогу сууларда кемелердин кыймылы же токтоп туруу эрежелерин, кемелердеги жүргүнчүлөрдүн коопсуздук эрежелерин бузуу –

жеке жактарга 55 эсептик көрсөткүч өлчөмүндө айып пул салууга алып келет.