# КР 2021-жылдын 6-апрелиндеги № 49 "Кыргыз Республикасынын айыл чарбасын өнүктүрүү жөнүндө" Кыргыз Республикасынын Мыйзамына өзгөртүүлөрдү киргизүү тууралуу " Мыйзамы - Толук аталышы: КР 2021-жылдын 6-апрелиндеги № 49 "Кыргыз Республикасынын айыл чарбасын өнүктүрүү жөнүндө" Кыргыз Республикасынын Мыйзамына өзгөртүүлөрдү киргизүү тууралуу " Мыйзамы - Актынын түрү: Закон - Номери: 49 - Кабыл алынган күнү: 06.04.2021 - Статусу: Күчүндө - Редакциянын күнү: 06.04.2021 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 06.04.2021 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР 2021-жылдын 6-апрелиндеги № 49 "Кыргыз Республикасынын айыл чарбасын өнүктүрүү жөнүндө" Кыргыз Республикасынын Мыйзамына өзгөртүүлөрдү киргизүү тууралуу " Мыйзамы (06.04.2021 редакциясы) - https://aqlex.ai/kg/doc/112206 --- КЫРГЫЗ РЕСПУБЛИКАСЫНЫН МЫЙЗАМЫ 2021-жылдын 6-апрели № 49 "Кыргыз Республикасынын айыл чарбасын өнүктүрүү жөнүндө" Кыргыз Республикасынын Мыйзамына өзгөртүүлөрдү киргизүү тууралуу ### [1-берене](https://aqlex.ai/kg/doc/112206/st-1) "Кыргыз Республикасынын айыл чарбасын өнүктүрүү жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 5, 483-ст.) төмөнкүдөй өзгөртүүлөр киргизилсин: 1) 2-берене төмөнкүдөй мазмундагы тогузунчу жана онунчу абзацтар менен толукталсын: "айыл чарбасынын прогрессивдүү инновациялык технологиялары - илимий изилдөөлөрдүн жана алдыңкы өндүрүштүк тажырыйбанын натыйжаларын пайдалануунун негизинде айыл чарба өндүрүшүнүн жаңы, жакшыртылган уюмун түзүү боюнча ырааттуу жүзөгө ашырылуучу аракеттердин жыйындысы; жеке тажрыйба - агроөнөржай комплекси системаларынын мамлекеттик жана муниципалдык мекемелеринен тышкары жарандардын, ишканалардын жана уюмдардын жеке каражаттарынын эсебинен түзүлгөн келишимдерге ылайык айыл чарба кызматтарын көрсөтүү боюнча иштин түрү."; 2) 3-берененин 2-бөлүгүнүн 4-пункту төмөнкүдөй редакцияда баяндалсын: "4) агроөнөржай комплексин техникалык жабдуу жана прогрессивдүү инновациялык технологияларды киргизүү;"; 3) 5-беренеде: а) 1-бөлүгү төмөнкүдөй мазмундагы 3-пункт менен толукталсын: "3) агроөнөржай комплекси системасында жеке тажрыйбаны жүзөгө ашыруу."; б) берене төмөнкүдөй мазмундагы 3-бөлүк менен толукталсын: "3. Агроөнөржай комплекси системасында жеке тажрыйбаны жүзөгө ашыруу тартиби Кыргыз Республикасынын Өкмөтү тарабынан аныкталат."; 4) 8-беренеде: а) аталышы төмөнкүдөй редакцияда баяндалсын: "8-берене. Кыргыз Республикасынын экономикасынын агроазыктүлүк секторун техникалык камсыз кылуу жана прогрессивдүү инновациялык технологияларды киргизүү"; б) биринчи абзац төмөнкүдөй редакцияда баяндалсын: "Кыргыз Республикасынын экономикасынын агроазыктүлүк секторун техникалык камсыз кылуу жана прогрессивдүү инновациялык технологияларды киргизүү төмөнкүдөй жолдор менен жүзөгө ашырылат:"; в) берене төмөнкүдөй мазмундагы 5-9-пункттар менен толукталсын: "5) айыл чарба жана сервистик кооперативдерди, соода-логистикалык борборлорду, мал союу цехтерин өнүктүрүүнүн уюштуруу-башкаруу усулдары; 6) кластердик өндүрүштү, тамчылатып сугаруу системаларын жана күнөскана чарбасын өнүктүрүүнүн технологиялык-өндүрүштүк усулдары; 7) "жашыл экономика" принциптерин жүзөгө ашыруунун экономикалык усулдары; 8) органикалык айыл чарба өндүрүшүн өнүктүрүүнүн, өсүмдүктөрдү коргоонун биологиялык каражаттарын жана биоорганикалык жер семирткичтерди өндүрүүнү колдоонун, айыл чарба багытындагы жерлердин кыртышынын түшүмдүүлүгүн сактоонун жана жогорулатуунун экологиялык усулдары; 9) айыл чарба өсүмдүктөрүнүн жаңы сортторун, гибриддерин, айыл чарба жаныбарларынын жаңы породаларын, типтерин жана кроссторун чыгаруунун, мал чарбасында маркердик жана геномдук селекцияны жүзөгө ашыруунун селекциялык-генетикалык усулдары."; 5) 9-берененин 1-бөлүгү төмөнкүдөй мазмундагы 20-пункт менен толукталсын: "20) өсүмдүктөрдү коргоо жана карантин системасын өнүктүрүү."; 6) 10-берененин 2-бөлүгүнүн 7-пункту төмөнкүдөй редакцияда баяндалсын: "7) агроөнөр жай комплекси системасын техникалык жабдуу жана прогрессивдүү инновациялык технологияларды киргизүү боюнча иш-чаралар;". ### [2-берене](https://aqlex.ai/kg/doc/112206/st-2) Ушул Мыйзам расмий жарыяланган күндөн тартып он беш күн өткөндөн кийин күчүнө кирет. "Эркин Тоо" газетасынын 2021-жылдын 9-апрелиндеги № 32 жарыяланды Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин. Кыргыз Республикасынын Президенти С.Н. Жапаров