# КР 2019-жылдын 21-ноябрындагы № 130 "Кыргыз Республикасынын Салык кодексине өзгөртүүлөрдү киргизүү жөнүндө" Мыйзамы - Толук аталышы: КР 2019-жылдын 21-ноябрындагы № 130 "Кыргыз Республикасынын Салык кодексине өзгөртүүлөрдү киргизүү жөнүндө" Мыйзамы - Актынын түрү: Закон - Номери: 130 - Кабыл алынган күнү: 21.11.2019 - Статусу: Күчүн жоготкон - Редакциянын күнү: 18.01.2022 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 18.01.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР 2019-жылдын 21-ноябрындагы № 130 "Кыргыз Республикасынын Салык кодексине өзгөртүүлөрдү киргизүү жөнүндө" Мыйзамы (18.01.2022 редакциясы) - https://aqlex.ai/kg/doc/111977 --- Кыргыз Республикасынын 2022-жылдын 18-январындагы № 4 Мыйзамына ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН МЫЙЗАМЫ 2019-жылдын 21-ноябры № 130 Кыргыз Республикасынын Салык кодексине өзгөртүүлөрдү киргизүү жөнүндө 2019-жылдын 23-октябрында Кыргыз Республикасынын Жогорку Кеңеши тарабынан кабыл алынган ### [1-берене](https://aqlex.ai/kg/doc/111977/st-1) Кыргыз Республикасынын Салык кодексине (Кыргыз Республикасынын Жогорку Кеңешинин Жарчысы, 2008-ж., № 8, 922-ст.) төмөнкүдөй өзгөртүүлөр киргизилсин: 1) 43-берененин 1-бөлүгү төмөнкүдөй редакцияда баяндалсын: "1. Кыргыз Республикасы салык төлөөчүнүн укуктарын жана мыйзамдуу кызыкчылыктарын Кыргыз Республикасынын мыйзамдарына ылайык коргоону кепилдейт."; 2) 51-берененин 1-бөлүгүнүн 17-пунктунда "Кыргыз Республикасынын Администрациялык жоопкерчилик жөнүндө кодексине ылайык санкцияларды" деген сөздөр "Кыргыз Республикасынын Бузуулар жөнүндө кодексине ылайык өндүрүүнү" деген сөздөргө алмаштырылсын; 3) 54-берененин 8-бөлүгүнүн үчүнчү абзацында "администрациялык жоопкерчиликке" деген сөздөр "Кыргыз Республикасынын Жоруктар жөнүндө кодексине ылайык жоопкерчиликке" деген сөздөргө алмаштырылсын; 4) 83-берененин 5-бөлүгүнүн 6-пункту төмөнкүдөй редакцияда баяндалсын: "6) бузуулар боюнча иштер жөнүндө;"; 5) 87-берененин 3-бөлүгүндө "Кыргыз Республикасынын Администрациялык жоопкерчилик жөнүндө кодексинде" деген сөздөр "Кыргыз Республикасынын Бузуулар жөнүндө кодексинде" деген сөздөргө алмаштырылсын; 6) 90-берененин 5-бөлүгү төмөнкүдөй редакцияда баяндалсын: "5. Салык төлөөчүнүн салыктык отчетко өзгөртүүлөрдү жана/же толуктоолорду киргизүүсү мындай салык төлөөчүгө салыктык санкцияларды, ошондой эле Кыргыз Республикасынын Бузуулар жөнүндө кодексине, Кыргыз Республикасынын Жоруктар жөнүндө кодексине же Кыргыз Республикасынын Жазык кодексине ылайык чараларды колдонууга негиз болуп саналбайт."; 7) 106-беренеде: а) 7-бөлүгү төмөнкүдөй редакцияда баяндалсын: "7. Табылган бузуулары үчүн жоопкерчиликке тартылууга тийиш болгон салык төлөөчүнүн жасаган бузуулары боюнча салык кызматы органы тарабынан Кыргыз Республикасынын Бузуулар жөнүндө кодексине ылайык протокол түзүлөт жана токтом чыгарылат."; б) 8-бөлүгү күчүн жоготту деп таанылсын; 8) 122-берененин 3-бөлүгүнүн 5-пунктунда "жана администрациялык" деген сөздөр алып салынсын; 9) 134-беренеде: а) 1-бөлүгүндө ", администрациялык жана/же кылмыштык укук бузуу белгилерин камтыбаган" деген сөздөр алып салынсын; б) 2-бөлүгү төмөнкүдөй редакцияда баяндалсын: "2. Кыргыз Республикасынын салык мыйзамдарын бузганы үчүн жоопкерчилик ушул Кодексте, Кыргыз Республикасынын Бузуулар жөнүндө кодексинде, Кыргыз Республикасынын Жоруктар жөнүндө кодексинде же Кыргыз Республикасынын Жазык кодексинде белгиленет."; 10) 137-берененин 3-бөлүгүндө "Кыргыз Республикасынын Кылмыш-жаза кодексинде, Кыргыз Республикасынын Администрациялык жоопкерчилик жөнүндө кодексинде" деген сөздөр "Кыргыз Республикасынын Жазык кодексинде, Кыргыз Республикасынын Жоруктар жөнүндө кодексинде жана Кыргыз Республикасынын Бузуулар жөнүндө кодексинде" деген сөздөргө алмаштырылсын. ### [2-берене](https://aqlex.ai/kg/doc/111977/st-2) Ушул Мыйзам расмий жарыяланган күндөн тартып он күн өткөндөн кийин күчүнө кирет. "Эркин Тоо" газетасынын 2019-жылдын 26-ноябрындагы N 98 жарыяланды Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин. Кыргыз Республикасынын Президенти С. Жээнбеков