КР «Курал жөнүндө» Кыргыз Республикасынын Мыйзамына өзгөртүүлөрдү киргизүү тууралуу» мыйзамы

1-берене. "Курал жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1999-ж., № 11, 448-ст.) төмөнкудей өзгөртүүлөр киргизилсин:

1) 11-статьянын 2-бөлүгү төмөнкүдөй редакцияда баяндалсын:

"Лицензия жана уруксат берүү тартиби жана шарттары "Кыргыз Республикасындагы лицензиялык-уруксат берүү тутуму жөнүндө" Кыргыз Республикасынын Мыйзамына ылайык жүзөгө ашырылат.";

2) 14-статьянын 2-бөлүгүндө "ушул Мыйзамдын 11-статьясы тарабынан" деген сөздөр "Кыргыз Республикасынын лицензиялоо жөнүндө мыйзамдарында" деген сөздөргө алмаштырылсын;

3) 15-статьяда:

а) 2-бөлүгүндө "ушул Мыйзамдын 11-статьясы тарабынан" деген сөздөр "Кыргыз Республикасынын лицензиялоо жөнүндө мыйзамдарында" деген сөздөргө алмаштырылсын;

б) 10-бөлүгүндө "ушул Мыйзамдын 11-статьясында" деген сөздөр "Кыргыз Республикасынын лицензиялоо жөнүндө мыйзамдарында" деген сөздөргө алмаштырылсын;

в) 11-бөлүгүндө "ушул Мыйзамдын 11-статьясындагы талаптарга" деген сөздөр "Кыргыз Республикасынын лицензиялоо жөнүндө мыйзамдарынын талаптарына" деген сөздөргө алмаштырылсын;

4) 17-статьянын 5-бөлүгүндө "лицензиялар" деген сөз "уруксаттар" деген сөзгө алмаштырылсын; "ушул Мыйзамдын 11-статьясында" деген сөздөр "Кыргыз Республикасынын лицензиялоо жөнүндө мыйзамдарында" деген сөздөргө алмаштырылсын;

5) Мыйзам төмөнкүдөй мазмундагы 29-1-статья менен толукталсын:

"29-1-статья. Куралды жана ок-дарыларды өз ыктыяры менен тапшыруу Кыргыз Республикасынын жарандары, чет элдик жарандар жана жарандыгы жок адамдар, ошондой эле юридикалык жактар таап алган же аларда мыйзамсыз сакталган куралды жана ок-дарыларды акы төлөнгөн же акысыз негизде өз ыктыяры менен тапшыра алышат. Ыктыярдуу тапшыруу деп адамдын куралды жана ок-дарыларды өз эрки менен берүүсүн же алардын турган жери жөнүндө ички иштер органдарына билдирүүсүн түшүнүү керек. Адамды кармоодо, ошондой эле куралды жана ок-дарыларды табуу жана алып коюу боюнча тергөө аракеттерин жүргүзүүдө аларды алып коюу аларды ыктыярдуу тапшыруу деп таанылбайт. Куралды жана ок-дарыларды ыктыярдуу тапшыруу тартиби Кыргыз Республикасынын Өкмөтү тарабынан аныкталат.".

2-берене. Ушул Мыйзам расмий жарыяланган күндөн тартып он күн өткөндөн кийин күчүнө кирет. "Эркин Тоо" газетасынын 2019-жылдын 26-апрелинде N 32 жарыяланды Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин.

Кыргыз Республикасынын Президенти

С. Жээнбеков