# 35-берене. Пайдалуу кен чыккан жерлерди иштетүү үчүн жер казынасын пайдалануу укугуна лицензия

- Документ: [Жер казынасы жөнүндө](https://aqlex.ai/kg/doc/111782)
- Документтеги орду: 4-глава
- Толук аталышы: Кыргыз Республикасынын 2018-жылдын 19-майындагы № 49 "Жер казынасы жөнүндө" Мыйзамы
- Актынын түрү: Закон
- Номери: 49
- Кабыл алынган күнү: 19.05.2018
- Статусу: Күчүндө
- Редакциянын күнү: 27.06.2024
- Акыркы өзгөртүү: [Закон КР от 26 июня 2021 года № 81 "О внесении изменений в Закон Кыргызской Республики "О недрах"](https://aqlex.ai/kg/doc/112261)
- Редакцияларды салыштыруу: <https://aqlex.ai/kg/doc/111782#diff=1198300..1198301>
- Тексттин тили: кыргыз тили
- aqlex'теги барагы: <https://aqlex.ai/kg/doc/111782/st-35>
- Расмий булак: <https://cbd.minjust.gov.kg/4-2593/edition/1198298/ru>
- Башка тилдеги тексти (Markdown): <https://aqlex.ai/doc/111782/st-35.md>

> Текст расмий булактын маалыматы боюнча 27.06.2024 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз.
>
> Кантип шилтеме берүү керек: Жер казынасы жөнүндө, 35-берене (27.06.2024 редакциясы) - https://aqlex.ai/kg/doc/111782/st-35

---

1. Пайдалуу кен чыккан жерлерди иштетүү үчүн жер казынасын пайдалануу укугуна лицензия лицензиатка төмөнкүдөй өзгөчө укуктарды берет:

1) пайдалуу кендердин билдирилген түрлөрүнө тоо-кен бөлүндүсүнүн чегинде тереңдигин чектебестен жер казынасын геологиялык иликтөөгө;

2) тоо-кен бөлүндүсүнүн чегинде бардык зарыл даярдоо иштерин жүргүзүүнү кошуп алганда, пайдалуу кендерди (техногендик түзүлүштөрдү иштетүүнү кошпогондо) иштетүүгө.

2. Жер казынасын пайдалануучу чыгарып алынган пайдалуу кендерди Кыргыз Республикасынын мыйзамдарында белгиленген тартипте казып ала баштаган учурдан тартып аларга карата менчик укугуна ээ болот. Бул укук жер казынасын пайдалануу укугу токтогондон кийин да сакталат.

Техногендик түзүлүштөрдө камтылган пайдалуу кендер Кыргыз Республикасынын менчиги болуп саналат жана Кыргыз Республикасынын Министрлер Кабинети техногендик түзүлүштөрдү экинчи жолу кайра иштетүү боюнча артыкчылыктуу укукка ээ.

3. Пайдалуу кен чыккан жерлерди иштетүү максатында жер казынасын пайдалануу укугуна лицензия ГКЗда жана Кыргыз Республикасынын Жер астындагы сууларынын мамлекеттик эсебинде запастары эсепке алынган лицензиялык объекттерге берилет.

4. Өзгөчө кырдаалдар боюнча ыйгарым укуктуу мамлекеттик органдын билдирүүсү боюнча жээктерди чыңдоо иштери үчүн жана/же өзгөчө кырдаалдарды болтурбоо максатындагы өзгөчө кырдаалдарда, ошондой эле транспорт жаатындагы ыйгарым укуктуу мамлекеттик органдын билдирүүсү боюнча жолдорду куруу үчүн жүргүзүлгөн иштер жөнүндө кабарлоо менен жер казынасын пайдалануу боюнча ыйгарым укуктуу мамлекеттик органдын макулдугу боюнча жер казынасын пайдалануу укугуна лицензия албай туруп инерттик материалдарды иштеп чыгууга уруксат берилет.

Мында техникалык долбоордун болушу талап кылынбайт. Запастары булактын дебити боюнча ыкчам баалана турган булактардын табигый чыгууларын лицензиялоо Кыргыз Республикасынын Министрлер Кабинети белгилеген тартипте алар катталган жана Кыргыз Республикасынын Жер алдындагы сууларды мамлекеттик эсебине коюу шарттарында жүргүзүлөт.

5. Баалуу металлдарды жана кошо иргелип алынуучу металлдарды камтыган руданы, концентраттарды жана калдыктарды Кыргыз Республикасынын аймагынан чыгарып кетүүнүн жана Кыргыз Республикасынын аймагына алып кирүүнүн тартибин Кыргыз Республикасынын Министрлер Кабинети бекитет.

6. Негизги пайдалуу кен үчүн кошо жүрүүчү болуп саналган башка топтогу пайдалуу кендерди лицензияга киргизүүгө жол берилет.

(КР 2021-жылдын 26-июнундагы № 81 Мыйзамынын редакциясына ылайык)

---

Мурунку берене: [34-берене](https://aqlex.ai/kg/doc/111782/st-34)  
Кийинки берене: [36-берене](https://aqlex.ai/kg/doc/111782/st-36)