Закон КР «О внесении изменений в Закон Кыргызской Республики «О государственном прогнозировании социально-экономического развития Кыргызской Республики»

1-берене. "Кыргыз Республикасынын социалдык-экономикалык өнүгүүсүн мамлекеттик болжолдоо жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 2, 134-ст.) төмөнкүдөй өзгөртүүлөр киргизилсин:

1) 1-беренеде:

а) үчүнчү абзацы күчүн жоготту деп таанылсын;

б) алтынчы абзацында "кыска мөөнөттүү" деген сөздөр "орто мөөнөттүү жана узак мөөнөттүү" деген сөздөргө алмаштырылсын;

2) 2-берененин 8-бөлүгүндө:

а) "15-мартына чейин" деген сөздөр "31-мартынан кечиктирилбестен" деген сөздөргө алмаштырылсын;

б) "жана бюджеттин кирешесин үч жылдык мезгилге эсептөө үчүн негиз болуп саналат (СПБ)" деген сөздөр алып салынсын;

3) 3-берененин 1-бөлүгү "ыйгарым укуктуу мамлекеттик орган" деген сөздөрдөн мурда "экономикалык болжолдоо боюнча" деген сөздөр менен толукталсын;

4) 4-беренеде:

а) 1-бөлүгүндө:

- биринчи абзацында "Кыргыз Республикасынын" деген сөздөр "1. Кыргыз Республикасынын" деген сөздөргө алмаштырылсын;

- үчүнчү абзацында "Кыргыз Республикасынын Президенти тарабынан Кыргызстан элине, Жогорку Кеңешине жана Өкмөтүнө карата кайрылууларында аныктаган" деген сөздөр "программалык документтерде аныкталган" деген сөздөргө алмаштырылсын;

б) 2-бөлүгүндө "Социалдык-экономикалык" деген сөздөр "2. Социалдык-экономикалык" деген сөздөргө алмаштырылсын;

5) 5-беренеде:

а) 1-бөлүгү "министрликтер," деген сөздөн кийин "мамлекеттик комитеттер, ведомстволор," деген сөздөр менен толукталсын;

б) 2-4-бөлүктөр төмөнкүдөй редакцияда баяндалсын:

"2. Кыргыз Республикасынын орто мөөнөттүү мезгилге социалдык-экономикалык өнүгүүсүнүн жыйынды болжолу экономикалык болжолдоо боюнча ыйгарым укуктуу мамлекеттик орган тарабынан тармактык жана региондук болжолдордун негизинде түзүлөт.

3. Кыргыз Республикасынын социалдык-экономикалык өнүгүүсүнүн параметрлеринин болжолу учурдагы натыйжаларды баалоону, ички жана тышкы жаңы факторлорду/тобокелдиктерди табууну эске алуу менен, болжолдонгон мезгилдин ичинде кайра каралышы мүмкүн.

4. Кыргыз Республикасынын Өкмөтү тарабынан бекитилген Кыргыз Республикасынын орто мөөнөттүү мезгилге социалдык-экономикалык өнүгүүсүнүн болжолу келерки финансылык жылга жана кийинки эки болжолдонуучу жылдарга Кыргыз Республикасынын мамлекеттик жана республикалык бюджеттеринин кирешелери боюнча болжолду даярдоо үчүн негиз болуп саналат.";

в) 5-бөлүгүндө "сентябрына" деген сөз "октябрына" деген сөзгө алмаштырылсын.

2-берене. Ушул Мыйзам расмий жарыяланган күндөн тартып он беш күн өткөндөн кийин күчүнө кирет. Кыргыз Республикасынын Өкмөтү үч айлык мөөнөттө өзүнүн чечимдерин ушул Мыйзамга ылайык келтирсин.

Кыргыз Республикасынын Президенти

С.Жээнбеков