# 15-берене - Документ: [Кыргыз Республикасынын Жазык кодексин, Кыргыз Республикасынын Жоруктар жөнүндө кодексин, Кыргыз Республикасынын Жазык-процесстик кодексин, Кыргыз Республикасынын Жазык-аткаруу кодексин, "Мунапыс берүү негиздери жана аны колдонуу тартиби жөнүндө" Кыргыз Республикасынын Мыйзамын колдонууга киргизүү тууралуу](https://aqlex.ai/kg/doc/111703) - Толук аталышы: Кыргыз Республикасынын 2017-жылдын 24-январындагы № 10 "Кыргыз Республикасынын Жазык кодексин, Кыргыз Республикасынын Жоруктар жөнүндө кодексин, Кыргыз Республикасынын Жазык-процесстик кодексин, Кыргыз Республикасынын Жазык-аткаруу кодексин, "Мунапыс берүү негиздери жана аны колдонуу тартиби жөнүндө" Кыргыз Республикасынын Мыйзамын колдонууга киргизүү тууралуу" Мыйзамы - Актынын түрү: Закон - Номери: 10 - Кабыл алынган күнү: 24.01.2017 - Статусу: Күчүндө - Редакциянын күнү: 26.07.2024 - Акыркы өзгөртүү: [Закон Кыргызской Республики от 28 октября 2021 года № 126 "О введении в действие Уголовного кодекса Кыргызской Республики, Уголовно-процессуального кодекса Кыргызской Республики, Кодекса Кыргызской Республики о правонарушениях и внесении изменений в некоторые законодательные акты Кыргызской Республики"](https://aqlex.ai/kg/doc/112305) - Редакцияларды салыштыруу: - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 26.07.2024 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Жазык кодексин, Кыргыз Республикасынын Жоруктар жөнүндө кодексин, Кыргыз Республикасынын Жазык-процесстик кодексин, Кыргыз Республикасынын Жазык-аткаруу кодексин, "Мунапыс берүү негиздери жана аны колдонуу тартиби жөнүндө" Кыргыз Республикасынын Мыйзамын колдонууга киргизүү тууралуу, 15-берене (26.07.2024 редакциясы) - https://aqlex.ai/kg/doc/111703/st-15 --- 1. Ушул Мыйзам расмий жарыяланган күндөн тартып 10 күн өткөндөн кийин күчүнө кирет. 2. Кыргыз Республикасынын Өкмөтү ушул Мыйзам күчүнө кирген күндөн тартып 6 айлык мөөнөттө: 1) ченемдик укуктук актыларды Жазык кодексине, Жоруктар жөнүндө кодекске, Жазык-процесстик кодексине, Кыргыз Республикасынын Жазык-аткаруу кодексине, "Мунапыс берүү негиздери жана аны колдонуу тартиби жөнүндө" Кыргыз Республикасынын Мыйзамына ылайык келтирүү жөнүндө жана аларды ишке ашырууга багытталган мыйзам долбоорлорун Кыргыз Республикасынын Жогорку Кеңешине киргизсин; 2) тергөө судьясынын институтун ишке ашыруу максатында, жергиликтүү соттордун судьяларынын штаттык санын көбөйтүүнү караган мыйзам долбоорлорун Кыргыз Республикасынын Жогорку Кеңешине киргизсин; 3) өзүнүн ченемдик укуктук актыларын Кыргыз Республикасынын Жазык кодексине, Кыргыз Республикасынын Жоруктар жөнүндө кодексине, Кыргыз Республикасынын Жазык-процесстик кодексине, Кыргыз Республикасынын Жазык-аткаруу кодексине, "Мунапыс берүү негиздери жана аны колдонуу тартиби жөнүндө" Кыргыз Республикасынын Мыйзамына ылайык келтирсин; 4) 2019-жылга жана андан кийинки жылдарга республикалык бюджет жөнүндө мыйзам долбоорун иштеп чыгууда Жазык-процесстик кодексинин жоболорун ишке ашыруу үчүн финансылык каражаттарды бөлүүнү карасын. 5) Жазык-аткаруу кодексинин жоболорун ишке ашырууну камсыз кылуу боюнча төмөнкүдөй чараларды көрсүн: а) пробациянын ыйгарым укуктуу мамлекеттик органын түзүүнү, штаттык бирдиктерди бөлүп берүүнү, орун-жайларды берүүнү жана материалдык-техникалык камсыз кылууну - 2020-жылдын 1-январына чейин; б) соттолгондордун билим алууга, эмгекке, жеке коопсуздукка, телефондук сүйлөшүүлөргө, сейилдөөгө, социалдык-укуктук жардамга, милдеттүү мамлекеттик социалдык камсыздандырууга укуктарын; в) гаупвахталардын иштөөсүн; г) юридикалык жактардын жазык жоопкерчилигин аткарууну; д) медициналык мүнөздөгү мажбурлоо чараларын аткарууну, адамдарды кайтарууну жана күзөткө алууну; е) соттолгондордун маалыматтар базасын түзүүнү - 2019-жылдын 1-январына чейин; ж) жазык-аткаруу тутумунун мамлекеттик органынын атайын комиссиясынын түзүлүшүн жана иштөөсүн; з) түзөтүү мекемелеринин жаңы градациясын; и) төмөнкүлөр үчүн орун-жайларды этап менен курууну жана колдонуудагы орун-жайларды реконструкциялоону - соттолгондорду түзөтүү мекемелеринин катаал шарттарында кармоо - 2021-жылдын 1-январына чейин; түрмөнү түзүү - 2023-жылдын 1-январына чейин; түзөтүү колонияларында соттолгондорду бөлүп кармоо үчүн бөлүнгөн участокторду түзүү - 2021-жылдын 1-январына чейин; өзгөчө режимдеги түзөтүү колониясын түзүү - 2020-жылдын 1-январына чейин; к) түзөтүү мекемелеринде кайтаруунун инженердик-техникалык каражаттарын (КИТК), көзөмөлдү жана контролду модернизациялоо - 2023-жылдын 1-январына чейин; л) түзөтүү мекемелерине жана тергөө абактарына жанаша жаткан аймактардын чек араларын аныктоо - 2020-жылдын 1-январына чейин; м) соттолгон боюнда бар аялдар, бала эмизүүчү энелер, жашы жете электер, оорулуулар жана I жана II топтогу майыптар үчүн кармоонун жакшыртылган шарттарын түзүү; н) соттолгондорду инсандыгын ырастоочу документтер менен камсыз кылуу - 2020-жылдын 1-январына чейин. 3. (Кыргыз Республикасынын 2021-жылдын 28-октябрындагы № 126 Мыйзамына ылайык күчүн жоготту) (Кыргыз Республикасынын 2021-жылдын 28-октябрындагы № 126 Мыйзамынын редакциясына ылайык) Кыргыз Республикасынын Президенти А.Ш. Атамбаев 2016-жылдын 22-декабрында Кыргыз Республикасынын Жогорку Кеңеши тарабынан кабыл алынган --- Мурунку берене: [14-берене](https://aqlex.ai/kg/doc/111703/st-14)