КР «Кыргыз Республикасынын айрым мыйзам актыларына (Кыргыз Республикасынын Кылмыш-жаза кодексине, Кыргыз Республикасынын Жазык-процесстик кодексине) өзгөртүүлөрдү киргизүү жөнүндө» Мыйзамы

1-берене. Кыргыз Республикасынын Кылмыш-жаза кодексине (Кыргыз Республикасынын Жогорку Кеңешинин Ведомосттору, 1998-ж., № 7, 229-ст.) төмөнкүдөй өзгөртүүлөр киргизилсин: 321-1-статьяда: 3-бөлүгү төмөнкүдөй редакцияда баяндалсын: "(3) Ишкердик ишке тоскоолдук кылуу же болбосо пайда көрүү же башка жеке кызыкчылыктарды көздөө максатында жасалган жана олуттуу зыян келтирүүгө алып келген ошол эле жосун, - эки жылдан беш жылга чейинки мөөнөткө эркиндигинен ажыратууга жазаланат."; статья 4, 5-бөлүктөр жана төмөнкүдөй мазмундагы эскертүү менен толукталсын: "(4) Ушул статьянын үчүнчү бөлүгүндө каралган ири зыян келтирүүгө алып келген жосун, - беш жылдан жети жылга чейинки мөөнөткө эркиндигинен ажыратууга жазаланат. (5) Менчик ээсинин эркинен тышкары аны алмаштыруу максатында жасалган ошол эле жосун, - беш жылдан он жылга чейинки мөөнөткө эркиндигинен ажыратууга жазаланат. Эскертүү. Ушул статьяда олуттуу зыян деп анын суммасы он миң эсептик көрсөткүчтөн ашпаган зыян таанылат. Ушул статьяда ири зыян деп анын суммасы он миң эсептик көрсөткүчтөн ашкан зыян таанылат.".

2-берене. Кыргыз Республикасынын Жазык-процесстик кодексине (Кыргыз Республикасынын Жогорку Кеңешинин Жарчысы, 1999-ж., № 10, 442-ст.) төмөнкүдөй өзгөртүү киргизилсин: 163-статьянын 2-бөлүгү "конституциялык түзүлүштүн негиздерине жана мамлекеттин коопсуздугуна каршы кылмыштар жөнүндө (Кыргыз Республикасынын Кылмыш-жаза кодексинин 292-299, 300-302-статьялары)," деген сөздөрдөн кийин "сот адилеттигине каршы кылмыштар жөнүндө (Кыргыз Республикасынын Кылмыш-жаза кодексинин 321-1, 322-статьялары)," деген сөздөр менен толукталсын.

3-берене. Ушул Мыйзам расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Президенти

А. Атамбаев