30-берене. Дары каражаттарын Кыргыз Республикасынын аймагына алып кирүүгө укуктуу жактар

1. Кыргыз Республикасынын аймагына дары каражаттарын төмөнкүлөр алып кириши мүмкүн:

1) дары каражаттарын өндүрүүчүлөр;

2) дары каражаттарын дүң сатуу уюмдары;

3) илимий-изилдөө уюмдары жана лабораториялар, жогорку жана атайын билим берүү уюмдары;

4) уставдык ишин жүзөгө ашыруу үчүн менчигинин формасына карабастан саламаттык сактоо уюмдары;

5) саламаттык сактоо чөйрөсүндөгү программалар боюнча же гуманитардык жардам линиясы боюнча дары каражаттарын алып кирүүнү жүзөгө ашыруучу уюмдар;

6) жекече колдонуу максатында жеке адамдар.