91-берене. Үй-бүлөнүн жыйынды кирешесин аныктоодо эсепке алынуучу кирешелердин түрлөрү

Үй-бүлөнүн жыйынды кирешесинин курамына кирешелердин төмөнкүдөй түрлөрү кирет:

1) жарандардын негизги иштеген, кызмат өтөгөн (аскер кызматчылары) жана окуган жери боюнча эмгек акы түрүндөгү кирешелери, ошондой эле ар айлык негизде берилүүчү материалдык жардам, жеңилдиктердин ордуна ай сайын берилүүчү акчалай компенсациялар;

2) жарандардын негизги иштеген, кызмат өтөгөн (аскер кызматчылары) жери боюнча эмес кирешелери;

3) жарандардын экономикалык (ишкердик) ишин жүзөгө ашыруудан алган кирешелери;

4) жарандардын - фермердик, дыйкан чарбаларынын жана башка айыл чарба бирикмелеринин жана уюмдарынын мүчөлөрүнүн жер участокторун жана айыл чарба жандыктарын пайдалануудан алган кирешелери;

5) жарандардын өздүк көмөкчү чарбасынан алган кирешелери.

Социалдык контрактты ишке ашыруунун алкагында ушул берененин 3-5-пункттарында көрсөтүлгөн иштин түрлөрүнөн түшкөн жарандардын кирешелери социалдык контракт түзүлгөн айдан кийинки 3 айдын ичинде эсепке алынбайт. (Кыргыз Республикасынын 2018-жылдын 30-мартындагы № 33, 2019-жылдын 24-январындагы № 18 , 2024-жылдын 3-апрелиндеги № 74, 2024-жылдын 9-декабрындагы № 198 Мыйзамдарынын редакцияларына ылайык)