3-берене

Кыргыз Республикасынын Граждандык кодексинин II бөлүгүнө (Кыргыз Республикасынын Жогорку Кеңешинин Ведомосттору, 1998-ж., № 6, 226-ст.) төмөнкүдөй өзгөртүүлөр киргизилсин:

1) 793-статьянын 1-пунктунун 6-пунктчасы "колтамгасын" деген сөздөн кийин "же өз колун коюуга мүмкүнчүлүгү болбогон, ден соолугунун мүмкүнчүлүктөрү чектелүү адамдын мыйзамда белгиленген тартипте ырасталган факсимилдик колтамгасын" деген сөздөр менен толукталсын;

2) 907-статьянын 2-пунктунун 8-пунктчасы "колтамгасы" деген сөздөн кийин "же болбосо өз колун коюуга мүмкүнчүлүгү болбогон, ден соолугунун мүмкүнчүлүгү чектелүү адамдын талаптагыдай ырасталган факсимилдик колтамгасы" деген сөздөр менен толукталсын;

3) 1131-статьянын 2-пункту төмөнкүдөй мазмундагы экинчи абзац менен толукталсын:

"Дене бойлук кемчилдигинен улам керээзге өз колун коюуга мүмкүнчүлүгү болбогон, ден соолугунун мүмкүнчүлүктөрү чектелүү адам нотариустун же керээзди ырастоого укуктуу башка адамдын катышуусунда факсимилдик колтамганын жардамы менен керээзге кол коюуга укуктуу. Мында ден соолугунун мүмкүнчүлүктөрү чектелүү адам тарабынан пайдаланылган факсимилдик колтамганын аныктыгы мыйзамда белгиленген тартипте нотариаттык ырасталууга тийиш, ал эми керээзде болсо факсимилдик колтамга колдонулгандыгынын жагдайлары жөнүндө белги коюлуусу керек.";

4) 1132-статьянын 3-пункту төмөнкүдөй мазмундагы төртүнчү абзац менен толукталсын:

"Эгерде адам дене бойлук кемчилдигинен улам жашыруун керээзди өзү түзүүгө жана кол коюуга мүмкүнчүлүгү болбосо, мындай керээз кадимки техникалык каражаттарды (персоналдык компьютерди ж.б.) пайдалануу менен түзүлүшү, кагазга басылып чыгарылышы жана аныктыгы мыйзамда белгиленген тартипте ырасталган факсимилдик колтамганын жардамы менен кол коюлушу мүмкүн. Мында факсимилдик колтамганын жана жашыруун керээзди өзү түзүүгө жана өзү кол коюуга мүмкүн болбогон себептердин аныктыгын ырастоочу документтер керээзге тиркелүүгө тийиш.";

5) 1133-статьянын 1-пунктунун 1-пунктчасы төмөнкүдөй редакцияда баяндалсын:

"1) ооруканаларда, госпиталдарда, башка стационардык дарылоо мекемелеринде жаткан же улгайган граждандар жана ден соолугунун мүмкүнчүлүгү чектелген адамдар үчүн социалдык станционардык мекемелерде жашаган граждандардын бул ооруканалардын, госпиталдардын жана башка дарылоо мекемелеринин башкы врачтары, алардын медициналык бөлүк боюнча орун басарлары же кезметчи врачтары, ошондой эле госпиталдардын начальниктери, улгайган граждандар жана ден соолугунун мүмкүнчүлүктөрү чектелүү адамдар үчүн социалдык станционардык мекемелердин директорлору же башкы врачтары тарабынан ырасталган керээздери;".