5-берене

Кыргыз Республикасынын Социалдык фондун республикалык бюджеттен каржылоо 2017-жылга пенсиялык каражаттарды төлөө чыгашаларды эске алуу менен 17560055,2 миң сом суммасында белгиленсин, анын ичинде:

- пенсиянын базалык бөлүгүнө 2017-жылга - 9635854,2 миң сом;

- пенсионерлерге электр энергиясы үчүн компенсациялык төлөмдөргө 2017-жылга - 1833237,4 миң сом;

- "Аскер кызматкерлерин пенсия менен камсыз кылуу жөнүндө" Кыргыз Республикасынын Мыйзамы боюнча дайындалган пенсияларга 2017-жылга - 2302233,3 миң сом;

- аскер кызматкерлерин камсыздандыруу учуру боюнча бир жолку жөлөкпулга 2017-жылга - 9114,4 миң сом;

- пенсияларга (көп балалуу энелерге жана бала кезинен майып балдардын энелерине, бийик тоолуу шарттарда, алыскы жана барууга кыйын райондордо жашаган жана иштеген адамдарга, "Кыргызстан аба жолдору" улуттук авиаташуучу" ачык акционердик коомунун учуу жана учуу-сыноо курамынын кызматкерлерине, № 2 тизме боюнча текстиль өндүрүшүндө, РЕSАС программасына кирген ишканаларда иштеген адамдарга), пенсияларга кошумча төлөөлөргө (майыптарга, Улуу Ата Мекендик жана башка согуштун катышуучуларына, "Баатыр эне" же "Мать-героиня" ордендери менен сыйланган энелерге, Кыргыз Республикасына өзгөчө эмгек сиңиргендерге), компенсацияларды төлөөгө (Чернобыль атомдук электр станциясы жана башка жарандык жана аскердик багыттардагы атомдук объекттердеги авариялардын кесепеттерин жоюуга катышуучуларга, РЕSАС программасына кирген ишканаларда эмгектик мертинүү же кесиптик оору алган, багуучусунан айрылган адамдарга, иш берүүчүнүн кайра уюшулушуна же жоюлушуна байланыштуу келтирилген зыяндын ордун толтуруу боюнча) 2017-жылга - 3741532,5 миң сом.

Республикалык бюджеттин каражаттарынын эсебинен каржылануучу пенсияларды, компенсацияларды жана пенсияларга үстөк акыларды төлөөдөгү 2016-жылдын жыйынтыгы боюнча республикалык бюджеттин 38083,4 миң сом суммасындагы карыздары 2017-жылы жоюлууга тийиш экени белгиленсин. (КР 2017-жылдын 28-декабрындагы N 221 (26) Мыйзамынын редакциясына ылайык)