222-берене. Арызды карабастан калтыруунун негиздери

Сот арызды кароосуз калтырат, эгерде:

1) доогер иштердин бул категориясы үчүн мыйзамда белгиленген же тараптардын келишиминде каралган, талашты сотко чейин чечүүнүн тартибин сактабаса жана бул тартипти колдонуу мүмкүнчүлүгү жоготулбаса;

11) доогер милдеттүү медиациялык маалыматтык жолугушууга келбесе;

2) арыз аракетке жөндөмсүз адам тарабынан берилсе;

3) кызыкдар жактын атынан кол коюуга же доо коюуга ыйгарым укугу болбогон жак тарабынан арызга кол коюлса же арыз берилсе;

4) бул же башка соттун, бейтарап соттун өндүрүшүндө ошол эле тараптардын ортосундагы, ошол эле предмет жөнүндө жана ошол эле негиздердеги талаш боюнча мурда козголгон иш бар болсо;

5) өздөрү жок кезде ишти териштирүү жөнүндө өтүнбөгөн тараптар сотко чакыруу боюнча келбесе, ал эми сот иштеги бар материалдар менен ишти чечүүнү мүмкүн эмес деп эсептесе;

6) өзү жок кезде ишти териштирүү жөнүндө өтүнбөгөн доогер чакыруу боюнча сотко катары менен эки жолудан ашык келбесе, ал эми жоопкер ишти маңызы боюнча териштирүүнү талап кылбаса;

7) доогер арызын кайтарып берүү жөнүндө өтүнүч менен кайрылса, ал эми доогер ишти маңызы боюнча териштирүүнү талап кылбаса;

8) аялы боюнда бар мезгилде жана бала төрөлгөндөн кийин бир жыл ичинде аялынын макулдугусуз күйөөсү никени бузуу жөнүндө берген арыз судья тарабынан доогерге кайтарылбаса;

9) арыз ушул Кодекстин 134-беренесинде жана 135-беренесинин 1-4-пункттарында баяндалган талаптарды сактабастан берилсе, доогер анын кемчиликтерин оңдобосо же ушул Кодекстин 107-беренесинин 2-бөлүгүнүн экинчи абзацынын талабын сот белгилеген мөөнөттө аткарбаса, анткени бул талапты аткарбоо ишти маңызы боюнча кароого жана чечүүгө тоскоолдук кылат.

(КР 2024-жылдын 26-июлундагы № 148, 2025-жылдын 14-ноябрындагы № 257 Мыйзамдарынын редакциясына ылайык)