5-берене

"Кыргыз Республикасынын Социалдык фонду жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2004-ж., № 11, 510-ст.) төмөнкүдөй өзгөртүүлөр киргизилсин:

1) 1-статьянын 3-бөлүгү "региондук органдары" деген сөздөрдөн кийин "жана ведомстволук мекемелери" деген сөздөр менен толукталсын;

2) 2-статьянын 2-бөлүгүнүн үчүнчү абзацында ", толук көлөмүндө" деген сөздөр алып салынсын;

3) 3-статьяда:

а) 1-бөлүгүнүн жыйырманчы абзацында "мамлекеттер аралык жана эл аралык келишимдер менен макулдашууларды" деген сөздөр "Кыргыз Республикасы катышуучу болуп саналган эл аралык келишимдерди" деген сөздөргө алмаштырылсын;

б) 2-бөлүгүндө:

бешинчи абзацы "пенсиялар" деген сөздөн кийин ", пенсиялык топтоо каражаттары" деген сөздөр менен толукталсын; жыйырма биринчи жана жыйырма экинчи абзацтары төмөнкүдөй редакцияда баяндалсын: "- камсыздандырылган адамдын пенсиялык активдерин анын арызы боюнча пенсиялык топтоо фонддоруна жиберүүгө;

- пенсиянын топтоо бөлүгүн жана пенсиялык топтоо каражаттарын төлөп берүүнү жүргүзүүгө;";

в) 4-бөлүгүндө "карама-каршы келбеген маселелер боюнча ченемдик укуктук актыларды иштеп чыгат" деген сөздөр "карама-каршы келбеген маселелер боюнча ченемдик укуктук актыларды иштеп чыгууга катышат" деген сөздөргө алмаштырылсын;

г) 5-бөлүгү күчүн жоготту деп таанылсын";

4) 4-статьянын 1-бөлүгүндө:

а) экинчи абзацында "топтоочу бөлүккө түшкөн камсыздандыруу төгүмдөрүнөн" деген сөздөр "Мамлекеттик топтолуучу пенсиялык фондго түшкөн камсыздандыруу төгүмдөрүнөн жана пенсиялык топтоо каражаттарын инвестициялоо боюнча операциялардан алынган инвестициялык кирешеден" деген сөздөргө алмаштырылсын;

б) төртүнчү абзацы төмөнкүдөй редакцияда баяндалсын:

"- камсыздандыруу төгүмдөрүн өз убагында жана толук чегербегендиги үчүн туумдардан, айыптардан жана пайыздардан;";

в) он биринчи абзацы күчүн жоготту деп таанылсын;

г) бөлүк төмөнкүдөй мазмундагы он экинчи абзац менен толукталсын:

"- Социалдык фондго ыкчам башкаруу укугунда таандык мүлктү ижарага берүүдөн алынган кирешелер, толук көлөмдө;";

5) 9-статьянын 3-бөлүгүндө:

а) бешинчи абзацында "мыйзамдардын" деген сөз "ченемдик укуктук актылардын" деген сөздөргө алмаштырылсын;

б) онунчу абзацында "ченемдик актыларды" деген сөздөр "локалдык ченемдик актыларды" деген сөздөргө алмаштырылсын;

6) 11-статьяда:

а) аталышында "мүлкү" деген сөздөн кийин "жана акчалай каражаттары" деген сөздөр менен толукталсын;

б) 1-бөлүгү "салык" деген сөздөн кийин ", салыктык эмес төлөмдөр" деген сөздөр менен толукталсын.