# КР 2016-жылдын 21-июлундагы № 129 "Кыргыз Республикасынын айрым мыйзам актыларына (Кыргыз Республикасынын Салык кодексине, "Кыргыз Республикасынын Салык кодексин колдонууга киргизүү жөнүндө" Кыргыз Республикасынын Мыйзамына) өзгөртүүлөрдү киргизүү тууралуу" Мыйзамы - Толук аталышы: КР 2016-жылдын 21-июлундагы № 129 "Кыргыз Республикасынын айрым мыйзам актыларына (Кыргыз Республикасынын Салык кодексине, "Кыргыз Республикасынын Салык кодексин колдонууга киргизүү жөнүндө" Кыргыз Республикасынын Мыйзамына) өзгөртүүлөрдү киргизүү тууралуу" Мыйзамы - Актынын түрү: Закон - Номери: 129 - Кабыл алынган күнү: 21.07.2016 - Статусу: Күчүн жоготкон - Редакциянын күнү: 18.01.2022 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 18.01.2022 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: КР 2016-жылдын 21-июлундагы № 129 "Кыргыз Республикасынын айрым мыйзам актыларына (Кыргыз Республикасынын Салык кодексине, "Кыргыз Республикасынын Салык кодексин колдонууга киргизүү жөнүндө" Кыргыз Республикасынын Мыйзамына) өзгөртүүлөрдү киргизүү тууралуу" Мыйзамы (18.01.2022 редакциясы) - https://aqlex.ai/kg/doc/111408 --- Кыргыз Республикасынын 2022-жылдын 18-январындагы № 4 Мыйзамына ылайык КҮЧҮН ЖОГОТТУ КЫРГЫЗ РЕСПУБЛИКАСЫНЫН МЫЙЗАМЫ 2016-жылдын 21-июлу № 129 Кыргыз Республикасынын айрым мыйзам актыларына (Кыргыз Республикасынын Салык кодексине, "Кыргыз Республикасынын Салык кодексин колдонууга киргизүү жөнүндө" Кыргыз Республикасынын Мыйзамына) өзгөртүүлөрдү киргизүү тууралуу ### [1-берене](https://aqlex.ai/kg/doc/111408/st-1) Кыргыз Республикасынын Салык кодексине (Кыргыз Республикасынын Жогорку Кеңешинин Жарчысы 2008-ж., № 8, 922-ст.) төмөнкүдөй өзгөртүүлөр киргизилсин: 1) 92-беренеде: а) 1-бөлүгү төмөнкүдөй редакцияда баяндалсын: "1. Бирдиктүү салык декларациясы салыктык отчет болуп саналат, анын максаты - субъекттин экономикалык иши жөнүндө финансылык жана башка маалымат берүү."; б) 2-бөлүгүндө: 4 жана 5-пункттар төмөнкүдөй редакцияда баяндалсын: "4) Кыргыз Республикасынын жараны болуп саналбаган, бирок Кыргыз Республикасында жашап турууга укугу же кайрылман статусу бар жеке жак; 5) Кыргыз Республикасынын жараны болуп саналбаган, бирок Кыргыз Республикасынын аймагында мүлктүк объекти бар жеке жак."; в) берене төмөнкүдөй мазмундагы 2-1-пункт менен толукталсын: "2-1. Ушул Кодекстин XIII жана XIV бөлүмдөрүнө ылайык ушул берененин 2-бөлүгүнүн 5-пунктунун максаттары үчүн салык салуунун объекти болуп саналган мүлк мүлктүн объекти деп түшүнүлөт."; 2) 161-берененин 1-бөлүгүнүн 2-пункту төмөнкүдөй редакцияда баяндалсын: "2) Кыргыз Республикасынын жараны болуп саналбаган, Кыргыз Республикасында жашап турууга укугу же кайрылман статусу бар, киреше алган жеке жак-резидент;"; 3) 162-берененин 1-пунктунда: а) "а" пунктчасы төмөнкүдөй редакцияда баяндалсын: "а) Кыргыз Республикасындагы булактан жана/же Кыргыз Республикасынын чегинен сырттагы булактан - Кыргыз Республикасынын жараны жана Кыргыз Республикасынын жараны болуп саналбаган Кыргыз Республикасында жашап турууга укугу же кайрылман статусу бар жеке адам-резидент үчүн;"; б) пункт төмөнкүдөй мазмундагы "а-1" пунктчасы менен толукталсын: "а-1) Кыргыз Республикасындагы булактан - Кыргыз Республикасынын жараны болуп саналбаган жеке адам-резидент үчүн;"; 4) 184-берененин 1-бөлүгүнүн 4-пунктунда "туруктуу мекемеге байланышпаган" деген сөздөр "ушул уюмдун туруктуу мекемесине байланышпаган" деген сөздөргө алмаштырылсын; 5) 185-берененин 2-пункту төмөнкүдөй редакцияда баяндалсын: "2) Кыргыз Республикасындагы булактан - Кыргыз Республикасындагы туруктуу мекеме аркылуу өз ишин жүзөгө ашыруучу чет өлкөлүк уюм.". ### [2-берене](https://aqlex.ai/kg/doc/111408/st-2) "Кыргыз Республикасынын Салык кодексин колдонууга киргизүү жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы 2008-ж., № 8, 923-ст.) төмөнкүдөй өзгөртүүлөр киргизилсин: 8-беренеде: берене төмөнкүдөй мазмундагы 3-1-бөлүк менен толукталсын: "3-1. 2016-жылдан тартып башталган мезгилге Кыргыз Республикасынын Салык кодексинин 92-беренесинин бирдиктүү салык декларациясын берүү боюнча талаптары муниципалдык кызматчыларга жайылтылат."; 4-бөлүгүндө: "2015" деген цифралар "2019" деген цифраларга алмаштырылсын; бөлүк төмөнкүдөй мазмундагы экинчи абзац менен толукталсын: "2019-жылдан тартып башталган мезгилге бирдиктүү салык декларациясын берүүгө милдеттүү субъекттер 2019-жылга чейин бирдиктүү салык декларациясын ыктыярдуу негизде берүүгө укуктуу.". ### [3-берене](https://aqlex.ai/kg/doc/111408/st-3) Ушул Мыйзам 2016-жылдын 1-январынан тартып күчүнө кирет. Ушул Мыйзам расмий жалпыга маалымдоо каражаттарына жарыялансын. Кыргыз Республикасынын Президенти А.Ш. Атамбаев