1-берене

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамына (Кыргыз Республикасынын Жогорку Кеңешинин Жарчысы, 2012-ж., № 6, 2396-ст.) төмөнкүдөй өзгөртүүлөр киргизилсин:

1) 9-берененин 1-бөлүгү төмөнкүдөй мазмундагы экинчи сүйлөм менен толукталсын: "Бул кепилдик Өкмөттүн мүчөсү белгиленген тартипте кабыл алынган Өкмөттүн чечимдерин аткарбаган учурларга карата колдонулбайт.";

2) 24-беренеде:

а) 2-бөлүгү "кызмат ордунан бошотууну кошуп алганда" деген сөздөрдөн мурда "Премьер-министрдин негизделген сунуштамасы боюнча Президент тарабынан" деген сөздөр менен толукталсын;

б) 3-бөлүгүнүн биринчи абзацында "Өкмөттүн мүчөсү" деген сөздөр "Ушул берененин 2-бөлүгүндө көрсөтүлгөн негиздерден тышкары, Өкмөттүн мүчөсү" деген сөздөргө алмаштырылсын.