КР «Айрым мыйзам актыларына лицензиялоону жүзөгө ашыруу бөлүгүндө өзгөртүүлөрдү киргизүү жөнүндө» Мыйзамы

1-берене. (КР 2025-жылдын 29-апрелиндеги № 89 Мыйзамына ылайык 2025-жылдын 3-ноябрынан тартып күчүн жоготот)

2-берене. "Кооптуу жүктөрдү ташуучунун жарандык жоопкерчилигин милдеттүү камсыздандыруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2008-ж., № 6/2, 652-ст.) төмөнкүдөй өзгөртүү киргизилсин: 3-берененин үчүнчү абзацында "расмий уруксаты (лицензиясы)" деген сөздөр "лицензиясы" деген сөзгө алмаштырылсын.

3-берене. "Кооптуу өндүрүш объекттерин пайдалануучу уюмдардын жарандык жоопкерчилигин милдеттүү камсыздандыруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2008-ж., № 6/2, 666-ст.) төмөнкүдөй өзгөртүү киргизилсин: 1-берененин үчүнчү абзацында "атайын уруксаты (лицензиясы)" деген сөздөр "лицензиясы" деген сөзгө алмаштырылсын.

4-берене. "Ташуучунун жүргүнчүлөрдүн алдындагы жарандык жоопкерчилигин милдеттүү камсыздандыруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2008-ж., № 6/2, 653-ст.) төмөнкүдөй өзгөртүү киргизилсин: 1-берененин үчүнчү абзацында "атайын уруксаты (лицензиясы)" деген сөздөр "лицензиясы" деген сөзгө алмаштырылсын.

5-берене. "Эмгектик (кызматтык) милдеттерин аткарууда кызматкердин өмүрүнө жана ден-соолугуна зыян келгендиги үчүн жумуш берүүчүнүн жарандык жоопкерчилигин милдеттүү камсыздандыруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2008-ж., № 6/2, 658-ст.) төмөнкүдөй өзгөртүү киргизилсин: 1-берененин жыйырма биринчи абзацында "атайын уруксаты (лицензиясы)" деген сөздөр "лицензиясы" деген сөзгө алмаштырылсын.

6-берене. "Баалуу кагаздар рыногу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2009-ж., № 7, 761-ст.) төмөнкүдөй өзгөртүүлөр киргизилсин:

1) 8-беренеде:

а) тогузунчу абзацында ", чакыртып алат (жокко чыгарат)" деген сөздөр алып салынсын;

б) онунчу абзацы "реестрин" деген сөздөн мурда "лицензияларынын" деген сөз менен толукталсын;

2) 9-берененин алтынчы абзацында "жана чакыртып алат (жокко чыгарат)" деген сөздөр алып салынсын;

3) 12-берененин 2-бөлүгүнүн 6-пункту төмөнкүдөй редакцияда баяндалсын:

"6) лицензияны жокко чыгаруу жөнүндө маселени кароо үчүн сот органдарына доо арыз берүүгө;";

4) 40-берененин 1-бөлүгүнүн төртүнчү абзацы "башкаруу боюнча иш" деген сөздөрдөн мурда "ишенимдүү" деген сөз менен толукталсын;

5) 45-беренеде:

а) берененин аталышы төмөнкүдөй редакцияда баяндалсын: "Инвестициялык активдерди ишенимдүү башкаруу боюнча иш";

6) 1-бөлүгүндө "инвестициялык активдерди башкаруу боюнча иши" деген сөздөр "инвестициялык активдерди ишенимдүү башкаруу боюнча иши" деген сөздөргө алмаштырылсын;

в) 2-бөлүгүндө "инвестициялык активдерин башкаруу боюнча иши" деген сөздөр "инвестициялык активдерди ишенимдүү башкаруу боюнча иши" деген сөздөргө алмаштырылсын;

г) 3-бөлүгүнүн 4-пунктунда "инвестициялык активдерди башкаруу боюнча" деген сөздөр "инвестициялык активдерди ишенимдүү башкаруу боюнча" деген сөздөргө алмаштырылсын;

д) 7-бөлүгүндө "инвестициялык активдерди башкаруу боюнча иш" деген сөздөр "инвестициялык активдерди ишенимдүү башкаруу боюнча иш" деген сөздөргө алмаштырылсын;

6) 52-берененин 2-бөлүгүнүн экинчи абзацында "активдерди" деген сөздөн кийин "ишенимдүү" деген сөз менен толукталсын.

7-берене. (КР 2019-жылдын 6-ноябрындагы N 124 Мыйзамына ылайык күчүн жоготту)

8-берене. (КР 2017-жылдын 10-майындагы № 78 Мыйзамына ылайык күчүн жоготту )

9-берене. "Кыргыз Республикасындагы топтолмо пенсиялык фонддор жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2013-ж., № 11, 1193-ст.) төмөнкүдөй өзгөртүүлөр киргизилсин:

1) 36-берененин 1-бөлүгүндө:

а) 2-пунктунда "жана чакырып алууну" деген сөздөр алып салынсын;

б) 8-пунктунда "же чектөөнү же болбосо лицензияны чакырып алуу тууралуу чечим кабыл алууну" деген сөздөр алып салынсын;

2) 37-берененин 1-бөлүгүнүн 4-пунктунда "жана чакырып алуу" деген сөздөр алып салынсын.

10-берене. Ушул Мыйзам расмий жарыяланган күндөн тартып 15 күн өткөндөн кийин күчүнө кирет. Кыргыз Республикасынын Өкмөтү үч айлык мөөнөттө өзүнүн ченемдик укуктук актыларын ушул Мыйзамга ылайык келтирсин.

Кыргыз Республикасынын Президенти

А.Ш. Атамбаев