16-статья. Жаранды жашаган жери боюнча каттоо жана каттап эсепке алуудан чыгаруу

1. Жаран жашаган жери өзгөргөн учурда жазуу жүзүндө же электрондук кызмат көрсөтүүлөрдүн мамлекеттик порталы же мобилдик тиркеме аркылуу калкты каттоо чөйрөсүндөгү ыйгарым укуктуу органга каттап эсепке алуусу үчүн кайрылууга милдеттүү.

(Абзац КР 2026-жылдын 16-июнундагы № 90 Мыйзамына ылайык күчүн жоготту) (Абзац КР 2026-жылдын 16-июнундагы № 90 Мыйзамына ылайык күчүн жоготту)

2. Кыргыз Республикасынын аймагында менчик укугунда бир нече турак жайы бар жаран алардын бирөөндө гана жашаган жери боюнча катталат.

3. (Кыргыз Республикасынын 2024-жылдын 15-февралындагы № 47 Мыйзамына ылайык күчүн жоготту)

4. Белгилүү бир жашаган жери жок жарандарды каттоо алар турган аймактагы жергиликтүү өз алдынча башкаруунун аткаруу органынын, же болбосо социалдык коргоо чөйрөсүндөгү ыйгарым укуктуу мамлекеттик органдын, ошондой эле кайрымдуулук иштерин жүргүзүүчү же калктын социалдык аярлуу катмарын колдоо боюнча кызматтарды көрсөтүүчү юридикалык жактардын юридикалык дареги боюнча жүргүзүлөт.

(Абзац КР 2026-жылдын 16-июнундагы № 90 Мыйзамына ылайык күчүн жоготту)

5. Жаранды жашаган жери боюнча каттап эсепке алуудан чыгаруу төмөнкүдөй негиздер боюнча жүзөгө ашырылат:

1) жашаган жери өзгөргөндө - жарандын арызынын негизинде же жарандын жаңы жашаган жери боюнча каттаган ыйгарым укуктуу органдын өтүнүчүнүн негизинде;

2) (Кыргыз Республикасынын 2024-жылдын 15-февралындагы № 47 Мыйзамына ылайык күчүн жоготту)

3) (Кыргыз Республикасынын 2024-жылдын 15-февралындагы № 47 Мыйзамына ылайык күчүн жоготту)

4) ээлеген турак жайынан чыгарылганда же турак жайды пайдалануу укугун жоготту деп табылганда - соттун мыйзамдуу күчүнө кирген чечиминин негизинде;

5) каттоо үчүн негиз болгон маалыматтардын же документтердин анык эместиги же каттоо жөнүндө маселени чечүүдө кызмат адамдарынын укукка жат иш-аракеттеринин фактылары табылганда - соттун мыйзамдуу күчүнө кирген чечиминин негизинде.

6) турак жайга менчик укугун ырастоочу документтерди көрсөтүү менен турак жайдын мурунку менчик ээси менен чогуу жашаган адамдарды каттап эсепке алуудан чыгаруу жөнүндө турак жайдын менчик ээсинин арызы;

7) Кыргыз Республикасынын жарандыгы токтотулганда;

8) жаран каза болгондо.

(Кыргыз Республикасынын 2016-жылдын 22-июлу № 131, 2024-жылдын 15-февралындагы № 47, 2026-жылдын 16-июнундагы № 90 Мыйзамдарынын редакцияларына ылайык)