# "Кыргыз Республикасынын аймагында жалпы пайдалануудагы автомобиль жолдорун классификациялоо жана номерлештирүү" ТАРТИБИ (Кыргыз Республикасынын Өкмөтүнүн 2017-жылдын 18-августундагы № 512 токтому менен бекитилген) - Толук аталышы: "Кыргыз Республикасынын аймагында жалпы пайдалануудагы автомобиль жолдорун классификациялоо жана номерлештирүү" ТАРТИБИ (Кыргыз Республикасынын Өкмөтүнүн 2017-жылдын 18-августундагы № 512 токтому менен бекитилген) - Актынын түрү: Порядок - Номери: 512 - Кабыл алынган күнү: 18.08.2017 - Статусу: Күчүндө - Редакциянын күнү: 18.08.2017 - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 18.08.2017 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: "Кыргыз Республикасынын аймагында жалпы пайдалануудагы автомобиль жолдорун классификациялоо жана номерлештирүү" ТАРТИБИ (Кыргыз Республикасынын Өкмөтүнүн 2017-жылдын 18-августундагы № 512 токтому менен бекитилген) (18.08.2017 редакциясы) - https://aqlex.ai/kg/doc/100245 --- 2-тиркеме Кыргыз Республикасынын Өкмөтүнүн 2017-жылдын 18-августундагы № 512 токтому менен бекитилген Кыргыз Республикасынын аймагында жалпы пайдалануудагы автомобиль жолдорун классификациялоо жана номерлештирүү ТАРТИБИ 1. Ушул Тартип жалпы пайдалануудагы автомобиль жолдоруна жайылтылат жана аларды классификациялоонун жана номерлештирүүнүн талаптарын белгилейт. 2. Жалпы пайдалануудагы автомобиль жолдору Кыргыз Республикасынын Транспорт жана жол министрлигинин балансында турат жана өзүнүн эл чарбачылык жана административдик мааниси боюнча эл аралык, мамлекеттик жана жергиликтүү маанидеги автомобиль жолдору болуп бөлүнөт. 3. Жалпы пайдалануудагы автомобиль жолдорун техникалык параметрлери боюнча классификациялоо Бажы союзунун Комиссиясынын 2011-жылдын 18-октябрындагы № 827 чечими менен бекитилген Бажы союзунун "Автомобиль жолдорунун коопсуздугу" техникалык регламентинин талаптарына ылайык жүргүзүлөт. 4. Эл аралык маанидеги автомобиль жолдоруна төмөнкүдөй автомобиль жолдору кирет: - Кыргыз Республикасынын борбор калаасы Бишкек шаарын эгемендүү мамлекеттердин борбор шаарлары менен байланыштыруучу; - мамлекеттер аралык макулдашууларга ылайык автомобиль жолдорунун эл аралык тармагына кирүүчү; - Кыргыз Республикасынын борбор калаасы Бишкек шаарын "Манас" эл аралык аэропорту менен байланыштыруучу; - Кыргыз Республикасын коңшулаш өлкөлөр менен транспорттук байланыштарын камсыздоочу жана чет өлкөлүк туристтерди ташуу үчүн каттам болуп саналуучу. 5. Мамлекеттик маанидеги автомобиль жолдоруна төмөнкүдөй автомобиль жолдору кирет: - Кыргыз Республикасынын борбор калаасы Бишкек шаарын облустардын жана райондордун маанилүү административдик, өндүрүштүк жана маданий борборлору менен байланыштыруучу, анын ичинде эл аралык маанидеги автомобиль жолдорунан аларга айланып өтмө жана кирме жолдор; - облустардын административдик борборлорун, ошондой эле шаарларды, шаарчаларды жана калктуу пункттарды райондордун административдик борборлору менен байланыштыруучу; - курортторду, массалык эс алуу жана туризм жерлерин, спорттук комплекстерди, коруктарды, тарыхый жана маданий эстеликтерди, илимий жана башка объектилерди, аталган объектилер жайгашкан облустардын жана райондордун административдик борборлору менен, ошондой эле эл аралык маанидеги автомобиль жолдору менен байланыштыруучу; - эл аралык маанидеги автомобиль жолдорунун тармагына кирбеген, бирок коңшулаш мамлекеттер менен транспорттук байланышты камсыз кылуучу; - Кыргыз Республикасынын Өкмөтүнүн чечими боюнча мамлекеттик маанидеги автомобиль жолдоруна киргизилген. 6. Жергиликтүү маанидеги автомобиль жолдоруна төмөнкүдөй автомобиль жолдору кирет: - райондук борборлорду, калктуу пункттарды эл аралык жана мамлекеттик маанидеги жолдор менен байланыштыруучу; - райондордун административдик борборлорун, калктуу пункттарды бири-бири менен, ошондой эле калктуу пункттарды темир жол станциялары, аэропорттор менен байланыштыруучу; - курортторду, массалык эс алуу, туризм жерлерин, спорттук комплекстерди, коруктарды, облустук жана жергиликтүү маанидеги тарыхый жана маданий эстеликтерди, аталган объектилер жайгашкан райондордун административдик борборлору менен байланыштыруучу; - айылдык калктуу пункттардын административдик борборлорун айылдын борборлору, фермердик жана башка чарбалар менен байланыштыруучу; - чарбалардын борбордук короо жайларын, айылдык калктуу пункттарды темир жол станциялары, аэропорттор менен байланыштыруучу; 7. Эл аралык жана мамлекеттик маанидеги автомобиль жолдоруна киргизилген жалпы пайдалануудагы автомобиль жолдорунун тизмеги Кыргыз Республикасынын Өкмөтү тарабынан бекитилет. 8. Эл аралык маанидеги автомобиль жолдоруна "ЭМ" индекси менен эки белгиден турган номер берилет. "ЭМ" индекси "Эл аралык магистраль" жалпы пайдалануудагы жолдордун кыскартылган маанисин билдирет. 9. Мамлекеттик маанидеги автомобиль жолдоруна "М" индекси менен үч белгиден турган номер берилет. "М" индекси "Мамлекеттик магистраль" жалпы пайдалануудагы автомобиль жолдорунун кыскартылган маанисин билдирет. 10. Жергиликтүү маанидеги автомобиль жолдоруна "Ж" индекси менен үч белгиден турган номер берилет. "Ж" индекси "Жергиликтүү жолдор" жалпы пайдалануудагы автомобиль жолдорунун кыскартылган маанисин билдирет. 11. Жалпы пайдалануудагы автомобиль жолдорунун узундугу, шаарларды айланып өтүүнү эске алуу менен башталышынан тартып аяккы пунктуна чейин километр менен саналат. Жалпы пайдалануудагы эл аралык жана мамлекеттик маанидеги автомобиль жолдорунун тизмеги 1 жана 2-тиркемеде берилди. Километражды эсептөө башталыш пунктунун борборунда жайгашкан байланыш ишканасынын борбордук имаратынан же башка мамлекеттик жана коомдук имараттардан тартып, ошондой эле автомобиль жолдорунун өлкөнүн коңшулаш өлкөлөр менен мамлекеттик чек арасына кошулган жеринен башталат жана ушундай объектинин аяккы пунктунан аяктайт. 12. Өзгөчө учурларда жалпы пайдалануудагы автомобиль жолдорунун узундугу катары төмөнкүлөр кабыл алынат: - калктуу пункттарды өз ара байланыштыруучу жолдор үчүн тийиштүү калктуу пункттардын чек араларынын ортосундагы аралык; - жалпы пайдалануудагы автомобиль жолдорун же аларга кошулган жолдорду өз ара байланыштыруучу жолдор үчүн - туташтыруучу жолдордун огун кесип өтүүчү жери; - географиялык, тарыхый же башка объектилерди байланыштыруучу жолдор үчүн ушул объектилердин чек араларынын ортосундагы аралык. 13. Жергиликтүү маанидеги жолдорго кирген жалпы пайдалануудагы автомобиль жолдорунун тизмеги тийиштүү органдар менен макулдашуу боюнча Кыргыз Республикасынын Транспорт жана жол министрлиги тарабынан бекитилет. 14. Учурдагы жалпы пайдалануудагы автомобиль жолдорунун эл чарбачылык жана административдик мааниси боюнча классификациялоосу автомобиль жолдорунун колдонуудагы тизмеги иштелип чыккан же кайра карап чыккан жылдагы маанисине жараша жүргүзүлөт. Жол тармагын өнүктүрүүнү пландоо үчүн жана аларды долбоорлоодо жалпы пайдалануудагы автомобиль жолдорун классификациялоо бул жолдордун перспективдүү мезгилге колдонуудагы ченемдер белгилеген акыркы жылындагы маанисине жараша жүргүзүлөт. 15. Эл аралык маанидеги жалпы пайдалануудагы автомобиль жолдорунун тизмеги үч жылда бир жолу, мамлекеттик маанидеги автомобиль жолдорунун тизмеги беш жылда бир жолу, ал эми согуш мезгилинде Кыргыз Республикасынын Куралдуу Күчтөрүнүн Башкы штабынын сунушу боюнча кайра каралып турат. 16. Эл аралык жана мамлекеттик маанидеги автомобиль жолдорунун тизмегин өзгөртүү тууралуу Кыргыз Республикасынын Транспорт жана жол министрлигинин сунушу Кыргыз Республикасынын Финансы министрлиги, Кыргыз Республикасынын Ички иштер министрлиги тарабынан каралат. Макулдашылган сунуштар Кыргыз Республикасынын Өкмөтүнүн кароосуна киргизилет. 17. Кыргыз Республикасынын Транспорт жана жол министрлиги автомобиль жолдорун курууга, реконструкциялоого, оңдоого жана күтүүгө жумшалуучу каражаттарды натыйжалуу пайдалануу үчүн жалпы пайдалануудагы автомобиль жолдорун техникалык эсепке алуу, инвентаризациялоо жана паспорттоштуруу боюнча типтүү жоболорду иштеп чыгат жана бекитет. 18. Ушул Тартиптин талаптарын аткарууну контролдоо Кыргыз Республикасынын Транспорт жана жол министрлигине жана Кыргыз Республикасынын Ички иштер министрлигине жүктөлөт. Кыргыз Республикасынын аймагындагы жалпы пайдалануудагы автомобиль жолдорун классификациялоо жана номерлештирүү тартибине 1-тиркеме Кыргыз Республикасынын аймагындагы эл аралык маанидеги автомобиль жолдорунун ТИЗМЕГИ Индекси жана номери Автомобиль жолунун аталышы ЭМ-01 Бишкек - Луговое - Кордай (Казакстан Республикасы) ЭМ-02 Алматы - Бишкек - Ташкент (Бишкек ш. айланма жолу) ЭМ-03 Кара-Балта - Чалдовар - Казакстан Республикасынын чек арасы ЭМ-04 Бишкек - Ош ЭМ-05 Ош - Сары-Таш - Иркештам (Кытай Эл Республикасынын чек арасы) ЭМ-06 Сары-Таш - Карамык - Тажикстан Республикасынын чек арасы ЭМ-07 Сары-Таш - Кызыл-Арт ашуусу - Тажикстан Республикасынын чек арасы ЭМ-08 Түп - Кеген (Казакстан Республикасы) ЭМ-09 Балыкчы - Ананьево - Каракол ЭМ-10 Балыкчы - Боконбаев - Каракол ЭМ-11 Бишкек - Балыкчы - Нарын - Торугарт - Кытай Эл Республикасынын чек арасы ЭМ-12 Жалал-Абад - Казарман Көк-Жаңгакка кирүү менен ЭМ-13 Актал - Казарман ЭМ-14 Бишкек - "Манас" эл аралык аэропорту ЭМ-15 Ош - Ташкент Кокон, Анжиян аркылуу ЭМ-16 Ош - Баткен - Исфана - Кайрагач (Тажикстан Республикасынын чек арасы) ЭМ-17 Суусамыр - Талас - Тараз ЭМ-18 Кочкор - Арал - Төө-Ашуу ЭМ-19 Өзгөн - Мырза-Аке - Кара-Кулжа - Алайкуу ЭМ-20 Бишкек - Токмок - 82 км а/ж Бишкек - Балыкчы - Нарын - Торугарт ЭМ-21 Кадамжай - Чечме - Сох (Өзбекстан Республикасы) ЭМ-22 Баткен - Кара - Токой - Сох (Өзбекстан Республикасы) ЭМ-23 Көк-Мойнок - Кууакы - Кочкор Кыргыз Республикасынын аймагындагы жалпы пайдалануудагы автомобиль жолдорун классификациялоо жана номерлештирүү тартибине 2-тиркеме Кыргыз Республикасынын аймагындагы мамлекеттик маанидеги автомобиль жолдорунун ТИЗМЕГИ Индекси жана номери Автомобиль жолунун аталышы М-001 Бишкек шаарына кире бериш жолу М-002 Ош шаарын айланма жолу М-003 Красная речка - "Ысык-Ата" курорту М-004 Бишкек - Кой-Таш - "Ысык-Ата" курорту М-005 Токмок - Дөң-Арык - Рот-Фронт - Ивановка М-006 Кегети - Чыгыш Каракол М-007 "Манас" эл аралык аэропорту - Камышановка М-008 Бишкек - Күнтуу - Шопоков - Жаңы-Пахта а. Маловодное а. кирүү менен М-009 Военно-Антоновка - Учхоз М-010 Чоң-Арык - "Ала-Арча" жаратылыш паркы М-011 Ат-Башы каналы - Луговое М-012 Маевка - Ала-Арча суу сактагычы М-013 Чоң-Арык - Арашан - Кой-Таш М-014 Петровка - "Ак-Суу" нарзан булактары М-015 Панфиловка - Чалдовар а/ч М-016 Кара-Балта - Степное М-017 Беловодское - Төлөк М-018 Беловодское - Сахзавод М-019 Сосновка - Кепер-Арык М-020 Романовка - Камышановка М-021 Петровка - Нефтебаза М-022 Төлөк - Ак-Башат М-023 Полтавка - Беш-Терек М-024 Сокулук - Камышановка М-025 Кемин - Ильич - Ак-Түз М-026 Боролдой - Жол-Булак М-027 Кемин - Шабдан - Көк-Ойрок М-028 Кемин - Орловка М-029 Орловка - Маданият - Шамшы М-030 Орловка - Жаңы-Алыш М-031 Орловка - Чым-Коргон М-032 Кант - Чүй көпүрөсү М-033 Кант - АБЗ М-034 Токмок - Шамшы - Туюк М-035 Токмок - Кошой М-036 Дорожный айылы - Чолок - Боом М-037 Кировка - Чаткал М-038 Кировка - Аманбаев - Маймак ст. М-039 Талас - Беш-Таш М-040 Талас - Нылды - Покровка М-041 Көк-Ой - Кызыл-Туу М-042 Талас - Калинин - Бакай-Ата М-043 Кызыл-Туу - "Манас Ордо" кыргыз улуттук комплекси М-044 Талас - Бакай-Ата М-045 Аманбаево - Бабахан - Түз ашуу М-046 Тараз - Покровка - Каинды М-047 Каракол - Эңилчек М-048 Барскоон - Ак-Шыйрак М-049 Сөөк - Караколка - Кубергенти М-050 Каркыра - Турук - Сары-Жаз - Оттук М-051 Михайловка - Николаевка - Токтоян - Сары-Тологой М-052 Григорьевка - Пристань М-053 Цемзавод - Күрмөнтү - Пристань М-054 Семиз-Бел - Оттук М-055 Теплоключенка - "Ак-Суу" курорту М-056 Каракол - Раздольное - Советское - Сырзавод М-057 Бозучук - "Жыргалаң" шахтасы М-058 Боконбаев - Көлтөр - Дөң-Талаа - Оттук М-059 Боконбаев - ашуу Тосор - Жылуу-Суу - Кара-Саз М-060 Каракол - Пристань М-061 "Жети-Өгүз" курорту - Кой-Сары М-062 Покровка - Пристань М-063 Балыкчы - Боконбаев - Каракол а/ж 16 км - Бишкек-Торугарт а/ж 194 км М-064 Кочкор - Коммунизм М-065 Комсомол - Каракол ашуусу М-066 Чар - Ак-Муз М-067 Сары-Булак - Соң-Көл М-068 Нарын - Өрүк-Там М-069 Сары-Булак - Арчалы - Өрүк-Там М-070 Сары-Булак - Лахол - Жеркөчкү М-071 Баетов - Акбейит М-072 Нарын - Баетов М-073 Угут - Ала-Бука - Жеңиш М-074 Баетов - Макмал М-075 Он-Арча - Жаңы-Талап - Ашырма М-076 Ат-Башы - Кынды - Торугарт М-077 Арал - Миң-Куш М-078 Эки-Нарын - Кең-Саз М-079 Болгарт - Жылуу-Суу М-080 Актал - Казарман М-081 Актал - Жогорку-Май М-082 Куртка - Соң-Көл М-083 Мамжол ББНТ - Ат-Башы М-084 Мамжол ББНТ - Коммунизм М-085 Мамжол ББНТ - Ташрабат М-086 Аксай - Орто-Кашка-Суу М-087 Суусамыр - Батыш Каракол М-088 Торкент - Толук - Сары-Камыш - Кызыл-Ой М-089 Токтогул - Беш-Таш М-090 Ош - Араван - Чекабад - Өзбекстан Республикасынын чек арасы М-091 Ош - Кара-Суу - Савай - Өзбекстан Республикасынын чек арасы Таш-Арык айылына кирүү менен М-092 Караван - Төө-Моюн - Өзбекстан Республикасынын чек арасы М-093 Ош шаарынын айланма а/ж 10 км - эл аралык аэропорт "Ош" - Кашкар-Кыштак М-094 Ош - Озгур М-095 Ноокат - Араван - Тепе-Коргон Бужум - Баткен - Тажикстан Республикасынын чек арасы М-096 Исфара М-097 Мырза-Аки - Кара-Шоро М-098 Барпы - Ири-Суу - Өзгөн М-099 Куршаб - Жалпак-Таш М-100 Карагачи - Кулунда - Арка М-101 Ош - Толойкен М-102 Ак-Терек - Папан - Кожокелен - Карасогот айылы М-103 Кара-Суу - Отуз-Адыр - Кең-Сай М-104 Ылай-Талаа - Гүлчө М-105 Ноокат - Папан М-106 Үч-Коргон - Дароот-Коргон М-107 Таш-Көмүр - Тегене - Кербен М-108 Таш-Көмүр - Кызыл-Жар 12 Шамалды-Сай - Кербен - Ала-Бука - Каныш-Кыя - М-109 Кировка М-110 Ала-Бука - Баймак М-111 Жапасалды - Ак-Коргон - Маданият М-112 Шекафтар - Айры-Там М-113 Ызар - Гулистан М-114 Дмитриевка - Кара-Алма М-115 Дмитриевка - Кугарт М-116 Сузак - Каду М-117 Сузак - Кара-Дарья М-118 Базар - Коргон - Арсланбап Кызыл-Үңкүр айылына кирүү менен М-119 Маданият - Майлуу-Сай М-120 Сузак айланма жолу М-121 Нефтепром - Үчмазар - Арал М-122 Жалал-Абад ш. кире бериши - Бекабад - Таможня