# 14-берене - Документ: [Кыргыз Республикасынын Конституциясы](https://aqlex.ai/kg/doc/1) - Толук аталышы: Кыргыз Республикасынын Конституциясы - Актынын түрү: Конституция - Кабыл алынган күнү: 05.05.1993 - Статусу: Күчүн жоготкон - Редакциянын күнү: 27.06.2010 - Күчүн жоготуунун негизи: [Закон КР от 27 июня 2010 года "О введении в действие Конституции Кыргызской Республики"](https://aqlex.ai/kg/doc/202914) - Тексттин тили: кыргыз тили - aqlex'теги барагы: - Расмий булак: - Башка тилдеги тексти (Markdown): > Текст расмий булактын маалыматы боюнча 27.06.2010 редакциясында берилди. Бул юридикалык кеңеш эмес: юридикалык маанилүү аракеттер үчүн расмий жарыялоо менен салыштырыңыз. > > Кантип шилтеме берүү керек: Кыргыз Республикасынын Конституциясы, 14-берене (27.06.2010 редакциясы) - https://aqlex.ai/kg/doc/1/st-14 --- 1. Кыргыз Республикасында ар бир адам ажырагыс жашоо укугуна ээ. Эч кимдин өмүрү кыйылышы мүмкүн эмес. 2. Ар бир адам өз өмүрүн жана ден соолугун, башка адамдардын өмү- рүн жана ден соолугун мыйзамга жат аракеттерден коргоого укуктуу. 3. Турак-жай колтийгис. Эч ким турак-жайга анда жашаган адамдардын эркине каршы кире албайт. Тинтүү жана башка процесстик аракеттерге адамга мындай аракеттер- дин мыйзамдуулугуна сот тартибинде даттануу укугун берүү менен мыйзамда белгиленген тартипте гана жол берилет. Ар бир адам төмөндөгүлөргө укуктуу: Кыргыз Республикасынын аймагынын чегинде ары-бери жүрүү эркиндиги- не, бара турган жана жашай турган жерин тандап алууга; өз мүлкүнө, өзүнүн интеллектуалдык, чыгармачылык ишинин натыйжала- рына ээлик кылууга, пайдаланууга жана тескөөгө; экономикалык эркиндикке, мыйзам менен тыюу салынбаган ар кандай экономикалык иш үчүн өзүнүн жөндөм-шыгын жана өз мүлкүн эркин пайдала- нууга; эмгек эркиндигине, эмгекке болгон өзүнүн жөндөм-шыгын пайдалануу- га, кесипти жана иштин түрүн тандап алууга, ошондой эле эмгеги үчүн сыйакы алуу жана социалдык жактан корголуу укугуна; мамлекеттик бийлик органдарындагы, жергиликтүү өзалдынча башкаруу органдарындагы, мекемелердеги жана уюмдардагы өзү жөнүндөгү мамлекеттик сыр болуп эсептелбеген маалыматтар же мыйзам менен корголуучу башка жа- шыруун билдирмелер менен таанышууга; мамлекеттик бийлик органдарына, жергиликтүү өзалдынча башкаруу ор- гандарына жана алардын кызмат адамдарына кайрылууга; кызмат милдеттерин аткарган учурда мамлекеттик органдардын, жерги- ликтүү өзалдынча башкаруу органдарынын жана алардын кызмат адамдарынын мыйзамсыз иш-аракети менен келтирилген зыяндын ордун мамлекеттин төлөп беришине; өзү жана үйбүлө мүчөлөрү жөнүндө жалган маалыматтарды төгүнгө чы- гаруу жана аларды алып салуу талабы менен сотко кайрылууга, ошондой эле жалган маалыматты жыйноо, сактоо жана жайылтуу менен келтирилген мате- риалдык жана моралдык зыянды төлөтүп алууга; кат алышуунун, телефондук сүйлөшүүлөрдүн, телеграфтык жана башка кабарлашуулардын купуялуулугуна; маалыматты эркин жыйноого, сактоого, пайдаланууга жана аны оозеки, жазуу жүзүндө же башка жол менен жайылтууга; өзүнүн жеке турмушунун колтийбестигине, ар-намысынын жана ка- дыр-баркынын урматталынышына жана корголушуна; өзүнүн кайсы улутка таандык экендигин эркин аныктоого. 4. Мыйзамда белгиленген учурлардан тышкары адам жөнүндө анын ма- кулдугусуз жашыруун маалыматты жыйноого, сактоого, пайдаланууга жана жайылтууга жол берилбейт. 5. Ар бир адамга дин тутуу жана атеисттик ынанымда болуу эркинди- гине кепилдик берилет. 6. Ар бир адам ой жүгүртүү, сөз жана басмасөз эркиндигине, ошондой эле ошол ойлору менен ынанымдарын тоскоолдуксуз билдирүүгө укуктуу. Эч ким өзүнүн ой-пикирин жана ынанымын билдирүүгө мажбурланышы мүмкүн эмес. --- Мурунку берене: [13-берене](https://aqlex.ai/kg/doc/1/st-13) Кийинки берене: [15-берене](https://aqlex.ai/kg/doc/1/st-15)