Кочкор-Ата шаардык кеңешинин «Шаардык Кеңештин 2021-жылдын 20-августундагы №01-5/25 сандуу токтомуна өзгөртүүлөрдү жана толуктоолорду киргизүү жөнүндө» токтому

КОЧКОР-АТА ШААРДЫК КЕҢЕШИ ТОКТОМ 2021-жылдын 19-ноябры № 01-5/52 Шаардык Кеңештин 2021-жылдын 20-августундагы №01-5/25 сандуу токтомуна өзгөртүүлөрдү жана толуктоолорду киргизүү жөнүндө Кочкор-Ата шаардык Кеңешинин XXVIII-чакырылышынын кезектеги IХ-сессиясы, Кочкор-Ата шаарынын мэриясына караштуу ММБ Департаментинин башчысы А.Б.Шерматовдун шаардык Кеңештин 2021-жылдын 20-августундагы №01-5/25 сандуу токтомуна өзгөртүүлөрдү жана толуктоолорду киргизүү боюнча кайрылуусун угуп жана талкуулап, Кыргыз Республикасынын “Жергиликтүү өз алдынча башкаруу жөнүндө” мыйзамын жана Кыргыз Республикасынын “Жер Кодексин” жетекчиликке алып ТОКТОМ КЫЛАТ:

1. Кочкор-Ата шаарынын мэриясына караштуу ММБ Департаментинин башчысы А.Б.Шерматовдун кайрылуусу канааттандырылсын.

2. Шаардык Кеңештин 2021-жылдын 20-августундагы №01-5/25 сандуу токтомунун 2,3 пункттарынын “фондунун” деген сөздөн кийин “жайыт” деген сөз менен жана “өнөр жайдын” деген сөздөрдөн кийин “транспорттун, байланыштын жана башка” деген сөздөрү менен толукталсын.

3. Шаардык Кеңештин 2021-жылдын 20-августундагы №01-5/25 сандуу токтому төмөндөгү пункт менен толукталсын:

1) Которулуучу (транформациялануучу) токой фондунун жайыт жер аянттары төмөндөгү контурларда жайгашкан: К-256, 33,0 га, К-301, 8,0 га жалпысы 41,0 га.

4. Токтомдун аткарылышын камсыз кылуу шаар мэриясына караштуу ММБ Департаментинин башчысы А.Б.Шерматовго милдеттендирилсин.

5. Токтомдун аткарылышын көзөмөлдөөнү өзүмө калтырамын.

Төрага

Н.А. Абдуразаков