Савай айылдык кеңешинин «Савай айылдык аймагынын ден соолугунун мүмкүнчүлүгү чектелгендерге жана жакыр жардамга муктаж тургундарына материалдык жардам берүү жөнүндө» токтому

САВАЙ АЙЫЛДЫК КЕҢЕШИНИН ТОКТОМУ Савай айылдык округунун кеңешинин (VI-шайланган) депутаттарынын кезектеги II сессиясы

2021-жылдын 26-февралындагы № 1/6

Савай айылдык аймагынын ден соолугунун мүмкүнчүлүгү чектелгендерге жана жакыр жардамга муктаж тургундарына материалдык жардам берүү жөнүндө Кыргыз Республикасынын калкты социалдык жактан тейлөөнүн негиздери жөнүндө мыйзамынын 2003-жылдын 12-апрелинин №71, 2005-жылдын 22-июнундагы №111, 2008-жылдын 28-июлундагы №177, 2013-жылдын 23-апрелиндеги №56-редакциясынын негизинде Савай айылдык округунун кеңешинин депутаттарынын (VI-шайланган) кезектеги II сессиясы

Т О К Т О М К Ы Л А Т:

1. Савай айылдык аймагындагы ден соолугунун мүмкүнчүлүгү чектелген жана жакыр үй бүлөөлөргө төмөнкүдөй материалдык жардам көрсөтүлсүн:

- көзүнөн, жүрөгүнөн жана онкология менен, эхинококког оорусу менен

ооруган адамдарга операция жасатууга жана өтө жакыр үй-бүлөөлөргө- 10 000 сомдон, орто үй-бүлөөлөргө 5 000 сомдон.

- 1-топтогу майып адамдарга кышка көмүр алуу үчүн 2000 сомдон,

- бардык майыптарга дары-дармек үчүн 500 сомдон,

- ДЦП оорусу менен ооруган балдарга материалдык жардам үчүн - 2000 сомдон

- ВИЧ, СПИД оорусу менен ооругандарга материалдык жардам үчүн – 2000 сомдон,

- жасалма тиш коюу үчүн ( баатыр эне, көзүнөн, кулагынан ооругандар) - 1500 сомдон,

- көз айнек алуу үчүн (көзүнөн ооругандарга)- 1000 сомдон,

- угуу аппаратын алуу үчүн ( кулагынан ооругандарга) - 1000 сомдон,

- баатыр энелерге жол акысы үчүн- 600 сомдон,

- кургак учук оорусу менен ооругандарга санаторияга дарыланып келүү үчүн жол акысына- 2000 сомдон,

- кургак учук оорусу менен ооругандарга (материалдык жардам) - 1000 сомдон

- жарым жетимдерге (материалдык жардам)- 1000 сомдон,

- тоголок жетимдерге (материалдык жардам)- 2000 сомдон .

2. Мыйзам чегинде акча каражатын бөлүп берүү жагы ФЭБне милдетттендирилсин.

3. Бул токтомдун аткарылышын көзөмөлдөө жагы Савай айылдык округунун кеңешинин социалдык маселелер боюнча туруктуу комиссиясына жүктөлсүн.

| Савай айылдык округунун кенешинин төрагасынын орун басары | | Б.Аматова |