Чаек айыл аймагынын айылдык Кеңешинин «Кыргыз Республикасынын 2024-жылдын 6-декабрындагы №194 “Тынчтык жөнүндө” мыйзамынын жана “Кыргыз Республикасынын Президентинин 2022-жылдын 24-февралындагы “Кыргыз Республикасында үй-бүлөлүк салтанаттарды жана маркумду эскерүү үрп адаттарын тартипке келтирүү боюнча чаралар жөнүндө” №54 Жарлыгынын негизинде Чаек айыл аймагындагы Чаек, Көк-Ой, Арал жана Кызыл-Жылдыз айылдарындагы үйлөнүү үлпөтүн, үй-бүлөлүк мааракелик салтанаттарды, маркумду жерге коюу, маркумду эскерүү үрп-адаттарын жана иш чараларды өткөрүү тартиби жөнүндө ЖОБО ну бекитип берүү жөнүндө” №2 токтому

ЧАЕК АЙЫЛ АЙМАГЫНЫН АЙЫЛДЫК КЕӉЕШИ ТОКТОМ I-чакырылыштын кезексиз XII-сессиясы 2025-жылдын 29-сентябры №2

Кыргыз Республикасынын 2024-жылдын 6-декабрындагы №194 “Тынчтык жөнүндө” мыйзамынын жана “Кыргыз Республикасынын Президентинин 2022-жылдын 24-февралындагы “Кыргыз Республикасында үй-бүлөлүк салтанаттарды жана маркумду эскерүү үрп адаттарын тартипке келтирүү боюнча чаралар жөнүндө” №54 Жарлыгынын негизинде Чаек айыл аймагындагы Чаек, Көк-Ой, Арал жана Кызыл-Жылдыз айылдарындагы үйлөнүү үлпөтүн, үй-бүлөлүк мааракелик салтанаттарды, маркумду жерге коюу, маркумду эскерүү үрп-адаттарын жана иш чараларды өткөрүү тартиби жөнүндө ЖОБО ну бекитип берүү жөнүндө”

Кыргыз Республикасынын 2024-жылдын 6-декабрындагы №194 “Тынчтык жөнүндө” Мыйзамынын жана “Кыргыз Республикасынын Президентинин 2022-жылдын 24-февралындагы “Кыргыз Республикасында үй-бүлөлүк салтанаттарды жана маркумду эскерүү үрп адаттарын тартипке келтирүү боюнча чаралар жөнүндө” №54 Жарлыгынын негизинде Чаек айыл аймагындагы Чаек, Көк-Ой, Арал жана Кызыл-Жылдыз айылдарындагы үйлөнүү үлпөтүн, үй-бүлөлүк мааракелик салтанаттарды, маркумду жерге коюу, маркумду эскерүү үрп-адаттарын жана иш чараларды өткөрүү тартиби жөнүндө ЖОБО ну бекитип берүү жөнүндө угуп жана талкуулап, Чаек айыл аймагынын айылдык Кеңеши токтом кылат:

1. Кыргыз Республикасынын 2024-жылдын 6-декабрындагы №194 “Тынчтык жөнүндө” Мыйзамынын жана “Кыргыз Республикасынын Президентинин 2022-жылдын 24-февралындагы “Кыргыз Республикасында үй-бүлөлүк салтанаттарды жана маркумду эскерүү үрп адаттарын тартипке келтирүү боюнча чаралар жөнүндө” №54 Жарлыгынын негизинде Чаек айыл аймагындагы Чаек, Көк-Ой, Арал жана Кызыл-Жылдыз айылдарындагы үйлөнүү үлпөтүн, үй-бүлөлүк мааракелик салтанаттарды, маркумду жерге коюу, маркумду эскерүү үрп-адаттарын жана иш чараларды өткөрүү тартиби жөнүндө ЖОБО тиркемеге ылайык бекитилсин.

2. Ушул токтом айыл өкмөтүнөн каттоодон өткөрүлүп, chaek-aimak.kg веб- сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.

3. Бул токтомдун аткарылышын көзөмөлдөө жагы Чаек айыл өкмөтү нүн башчысы Т. Кучмуратовго жүктөлсүн.

Төрага

А. Муталиев

Чаек айылдык кеңешинин 2025-жылдын “_29__” сентябрь “№2 токтому менен бекитилген

Кыргыз Республикасынын Президентинин 2022-жылдын 24- февралындагы ПЖ №54 “Кыргыз Республикасында үй бүлөлүк салтанаттарды жана маркумду эскерүү үрп адаттарын тартипке келтирүү боюнча чаралар жөнүндө” жарлыгын Чаек айыл аймагындагы Чаек, Көк-Ой, Арал жана Кызыл-Жылдыз айылдарында иш –чараларды өткөрүү тартиби жөнүндө ЖОБО

I. Жалпы жоболор

Ушул Жобо Чаек айыл аймагында Чаек айыл өкмөтүнүн алдындагы Көк-Ой, Арал жана Кызыл-Жылдыз айылдарындагыүйлөнүү үлпөтүн, үй -бүлөлүк , мааракелик салтанаттарды, маркумду жерге коюу, маркумду эскерүү үрп адаттарын жана иш чараларды өткөрүү тартибин аныктайт. Ушул жобо Кыргыз Республикасынын төмөнкү ченемдик укуктук актыларына ылайык иштелип чыкты: Кыргыз Республикасынын Конституциясына; “Жергиликтүү мамлекеттик админстрация жана жергиликтүү өзалдынча башкаруу органдары жөнүндө” Кыргыз Республикасынын Мыйзамына; Кыргыз Респуликасынын Президентинин 2022-жылдын 24- февралындагы ПЖ №54 “Кыргыз Республикасында үй бүлөлүк салтанаттарды жана маркумду эскерүү үрп адаттарын тартипке келтирүү боюнча чаралар жөнүндө” жарлыгына; Чаек айыл аймагынын жергиликтүү жааматынын Уставына. Ушул Жободо төмөнкү негизги түшүнүктөр жана терминдер пайдаланылат: маркумду жерге коюу иш-чаралары- өлгөн адамдын сөөгүн коюуга байланышкан үрп-адаттардын жана аракеттердин жыйындысы (куран окутуу, 40 күндүк ,жылдык, ж.б )

II. Жобонун максаты жана милдеттери

4. Ушул Жобонун максаты жарандардын социалдык кызыкчылыктарын коргоо жана жарандардын экономикалык кызыкчылыктарына жана моралдык негиздерине олуттуу зыян келтирген ашыкча чыгымга жана ысарапкерчиликке жол бербөө чараларын белгилөө болуп саналат.

5.Ушул Жобонун милдеттери үйлөнүү үлпөтүн, үй бүлөөлүк, маарекелик,салтанаттарды, маркумду жерге коюу,маркумду эскерүү үрп адаттарын жана иш чараларды өткөрүүнү тартипке келтирүү, ошондой эле калк арасында алардын маңызын жана маанисин туура түшүнүүну калыптандыруу болуп саналат.

III.Ушул Жобону ишке ашырууну контролдоо боюнча комиссия

6.Ушул Жобону ишке ашыруу үчүн Чаек айыл өкмөтүнүн карамагындагы Көк-Ой, Арал жана Кызыл-Жылдыз айылдарындагы Үйлөнүү үлпөтүн, үй бүлөлүк, мааракелик салтанаттарды, маркумду жерге коюу, маркумду эскерүү үрп-адаттарын жана иш-чараларды өткөрүү тартипке келтирүү боюнча туруктуу комиссия түзүлөт.

7.Комиссиятүзүмү:

1)Комиссиянын жетекчиси (Чаек айыл өкмөтүнүн башчысы)

2)Комиссиянын мүчөлөрү: Чаек айылдык кеңешинин депутаттары, Чаек айыл өкмөтүнүн өкүлдөрү, айыл башчылары, айыл тургундары, дин кызматкерлери ж.б

8. Комиссия түзүү жана анын курамы жөнүндө чечим Чаек айылдык кеңеши тарабынан бекитилет. Комиссиянын сандык курамы ушул Жобону ишке ашыруу бонча аткарылуучу иш-чаралардын көлөмүн эске алуу менен Чаек айыл өкмөтүнүн башчысынын сунушу боюнча бекитилет.

9. Комиссиянын ишин уюштуруучулук формасы болуп Комиссиянын отуруму саналат. Эгер отурумга Комиссиянын мүчөлөрүнүн кеминде жарымы катышса, аны өткөрүүгө укутуу деп эсептелет. Комиссия мүчөлөрүнүн отурумуна катышкандардын жарымынан көбү добуш берсе, чечим кабыл алынды деп эсептелет.

10. Комиссия төмөнкү функцияларды аткарат:

-ушул Жобонун талаптарына ылайык үйлөнүү үлпөтүн, үй бүлөлүк, маарекелик салтанаттарды, маркумду жерге коюу, маркумду эскерүү үрп-адаттардын жана иш- чараларды өткөрүүгө контроль жүргүзөт; -үйлөнүү үлпөтүн, мааракелик салтанаттарды, маркумду жерге коюу, маркумду эскерүү үрп-адаттарын жана иш-чараларды өткөрүүнү тартипке келтирүү маселелери боюнча Чаек айыл аймагынын жергиликтүү өз алдынча башкаруу органдарынын, жарандардын натыйжалуу өз ара аракеттенүүсүн камсыз кылат; -үйлөнүү үлпөтүн, үй бүлөлүк, мааракелик салтанаттарды, маркумду жерге коюу,маркумду эскерүү үрп-адаттарын жана иш-чараларды өткөрүүгө ысарапкерчиликке жол бербөө жөнүндө калк арасынада маалыматтык-түшүндүрүү иштери уюштурулат;

- үйлөнүү үлпөтүн, үй бүлөлүк, мааракелик салтанаттарды, маркумду жерге коюу, маркумду эскерүү үрп-адаттарын жана иш-чараларды өткөрүү боюнча алдыңкы тажырыйбаларды жайылтат;

-Чаек айыл аймагындагы жеке жана юридикалык жактардан ушул Жобонун аткарылышын талап кылат.

I V. Үйлөнүү үлпөт, үй- бүлөлүк, мааракелик салтанаттар

11. Үй бүлөлүк, мааракелик салтанаттар жана иш-чаралар 200дөн көп эмес киши чакыруу менен өткөрүлөт.

12. Үйлөнүү үлпөт салтанаты бир күндүн ичинде 200 кишиге чейинкиге банкет менен өткөрүлөт.

13. ЗАГС органдарында никени малекеттик каттоо аземи 6 төн көп эмес жеңил авто унааны колдонуу менен өткөрүлөт.

14.Кыргыз Республикасынын 2024-жылдын 6-декабрындагы №194 “Тынчтык жөнүндө” Мыйзамынын 3-беренесинин 2-пунктунда төмөнкү убакыт аралыгында үн басымынын жана ызы-чуунун белгиленген деңгээлдеринен ашууга жол берилбейт:

-жумуш күндөрү – саат 22:00 дөн 07.00 гө чейин, ал эми - дем алыш жана майрам күндөрү – саат 22:00 дөн 09:00 гө чейин деп көрсөтүлгөндүктөн үйлөнүү үлпөтү, үй-бүлөлүк, мааракелик салтанаттар, үрп-адаттар жана иш-чаралар дем алыш жана майрам күндөрү 09-00дөн 22-00го чейин, ал эми иш күндөру 07-00дөн 22-00гө чейин гана өткөрүлөт.

V. Маркумду жерге коюу, маркумду эскерүү

үрп-адаттары жана иш чаралары

15. Маркумду жерге коюу үрп-адаттары жана иш-чаралары (“жаназа” үрп-адаты ) 1бодо мал же 1жылкы же болбосо 3кой союлуп жана катышуучулардын санын чектебестен өткөрүлөт.

16. Маркумду көмүү маркумдун денесин (сөөгүн) үйгө жеткирген же адам өлгөн учурдан тартып бир суткадан кечиктирилбестен жүргүзүлөт.

17. Маркумду эскерүү үрп-адаттары жана иш-чаралары ( куран окутуу,40 күндүк,жылдык ж.б.) 1 уй же 1 жылкы же болбосо 3 кой союлуп 100 дөн көп эмес киши чакыруу менен өткөрүлөт.

VI. Ушул Жобону аткаруу боюнча жеке жана юридикалык жактардын милдеттери

18. Жеке жана юридикалык жактар үйлөнүү үлпөтүн, үй-бүлөлүк, мааракелик салтанаттарды , маркумду жерге коюу, маркумду эскерүү үрп-адаттарын жана иш-чараларды Комиссияны милдетүү түрдө кабарландыруу аркылуу ушул Жобонун талаптарын сактоо менен өткөрүүгө милдеттүү.

19. Чаек айыл аймагындагы кафе жана ресторандардын администрациялары пландалган салтанаттар, маркумду жерге коюу жана маркумду эскерүү иш-чаралары туралуу Комиссияны жана ички иштер органдарын иш-чарага чейин бир күн кечиктирбестен жазуу жүзүндө кабарландырууга милдеттүү.

20. Жеке жана юридикалык жактар ушул Жобонун талаптарын сактабагандыгы үчүн Кыргыз Республикасынын мыйзамдарына белгиленген тартипте жоопкерчиликке тартылат. Ушул Жобону бузууга жол бербеген адамдар жөнүндө маалымат Чаек айыл өкмөтүнүн расмий сайтына жайгаштырылат.

VII. Корутунду жобо

21. Ушул Жобо, ага толуктоолор, өзгөрүүлөр Чаек айылдык кеңеши тарабынан бекитилет.

22.Мыйзам ченемдерин бузуу Кыргыз Республикасынын Укук бузуулар жөнүндө кодексинде каралган жоопкерчиликке алып келет.

Төрага: А.Т.Муталиев